ركبت القطعه الحمد لله وده اللى حصل

[gerrard888]

زى ما كتبت فى موضوعى السابق قدرت والحمد لله انى اغير الفلانشة القديمة والقطعه القديمة وركبت الجداد
واللى حصل كالتالى
اولا قبل ما اشيل الفلانش القديم قست الذراعات التلاتة من اول الحافة الداخلية حتى المسمار اللى بيمسك الذراع بالفلانشة لقيت التلاتة قياستهم ٧٤ سم فكده يبقى صح ولا ايه مع العلم ان ثطر الطبق بالظبط من الحافة الداخلية ١٦٤ سم
المهم شلت القديم وركبت الجديد واحده واحده كده وحاولت اظبط الاشارة على ثد ما اقدر المهم فعلا الاشارة زادت فى بعض الترددات ٧ درجات وبعض الترددات الاخرى ٥ او ٤
المهم رحت على الاوروبى لقيته زاد برضه بعض الترددات درجة او اتنين والاسترا درجة رحت على دهوك لقيتها زايده اوى حوالى ٢٠ درجة فرحت اوى وربطت الصواميل على قد ما اقدر ونزلت ابص على التليستار لقيته زاد برضه بتاع ١٠ درجات فؤحت بصرحة
نيجى بقى للمشكلة اروح للهيسبا مفيش اى اشارة
نفسى اعرف المشكلة فى ايه
انا ظابط القطعه تقريبا ٤٥ درجة ناحية الشرق زى ما استاذ ابراهيم ابو افنان قالى وفعلا كل الاقمار زادت
انا عارف وحاسس ان عندى مشكلة فى المدار لان الفيدات مكنتش عارف انزلها خالص وكمان قمر استرا ٢٨ مش عايز يجى خالص واسترا ١ بالعافية جايب معايا ١٤٤ قناة بالضبط
لكن الهيسبا كان شغال زى الفل قبل ما اغير القطعه وكان جايب حوالى ٤٧٠ قناة تقريبا
طب انا مقربتش جنب البولر ممكن حد يوضحلى
وفيه نقطة غريبة برضه حصلت لما نزلت كنت بتفرج على ماتش الاتحاد والزمالك على mbc2 على تردد ١١٦٧٨ لقيت القناة بتقطع بصيت على الاشارة لقيتها جايبه ٥٣ رحت على القناة الاولى لقيتها زى ما هى ٨٣ حركت الماتور شمال لقيت تردد الامبى سى تو بيزيد والقناةالاولى بيقل لغاية لما تردد الام بى سى تو جاب ٨٢ والقناة الاولى جابت حاجة وخمسين وبقت هى اللى بتقطع
برضه نفسى افهم تفسير ده ايه
بس بالرغم من كل ده انا فرحان انى قدرت اغير فلانشة وقطعة انا عارف ناس كتير حتضحك وتقول دى حاجة بسيطة بس والله بالنسبالى حاجة كويسة ومفرحانى لدرجة انى بفكر اشتغل على البولار واحاول اظبط المدار

[فني تركيبات]

ياباشمهندس تردد mbc2
11938
v
27500

[gerrard888]

طيب جرب كده يابشمهندس ابراهيم التردد اللى انا كاتبه حتلاقيه جايب ام بى سى تو

[gerrard888]

على فكرة انا قصدى mbc2 مصر

[المهندس كرم ستالايت]

نعم اخى الكريم ترددام بى سى مصر على تردد11680راسى

[حمادة حسين]

اكيد القطعة هتلاقية لفوق قوى يعنى انت رافعة لحد الفلانشة

[gerrard888]

كلامك مظبوط استاذى الفاضل حمادة
انا فعلا رافع القطعه اوى بس فيه حتة برضه بين الاتنين
مع العلم انا طلعت تانى دلوقتى جبت القطعه يمين وشمال بدون فائدة ونزلتها تحت شوية برضه مجبتش حاجة على الهيسبا فرجعتها لوضعها الاول لانها جايبه كده اشارة اعلى

[gerrard888]

ممكن حد بس يقولى ايه حل لمشكلة ضياع الهيسباسات
انا فرحان جدا انى قدرت اغير الفلانشة والقطعه
وككان فرحان جدا ان القطعه جابت نتيجة حلوة مع كل الاقمار لدرجة انى عملت سيرش انهاردة على استرا١ ولقيته لقت بين سبورت ١٢٣ العادية والاتش دى ومكنش فيه تقطيع الكلام ده الساعه 10 صباحا دلوقتى بتقطع بشكل رهيب
وكمان لما عملت السيرش الاسترا واحد زاد عندى من ١٤٠ قناة ابى ٢٨٥ قناة انا عارف انه مش كفاية لكن انا اللى عملته تغيير القطعه فقط فكده متهيالى انا ركبتها صح والقطعه كويسة
بس اللى مزعلنى موضوع الهيسبا انا بس محتاج تفسير لكده واعمل ايه

[احمد انور خضر]

طيب اخبار قمر الجزائر ٢٢غرب؟؟؟؟

[gerrard888]

طيب اخبار قمر الجزائر ٢٢غرب؟؟؟؟
بشمهندس احمد انا مكنتش مستقبل القمر علشان مش مهم بالنسبالى
لكن بعد مشاركة حضرتك عملت سيرش عليه ونزلته دلوقتى وشغال تمام

[اشرف محمود سيد]

خدها قاعده طالما استرا مظبوط انسا هسبا سات وده عن تجربه

[ابومختار]

مكان الهيسبسات موجود في وحدة التحريك عندك ولا لا
يعني انت مخزن مكانه وعارفه ولا لا
جاوب علي السؤال ده

[gerrard888]

طيب دلوقتى حصلت حاجة غريبة جدا جدا مش لاقلها اى تفسير بصراحه
بعد ما نزلت الجزائرى قلت اشيك على الهيسبا وعلى فكرة من امبارح كل شوية بشيك عليه حصل ايه بقى لقيت ترددات كتير اشتغلت وترددات مشتغلتش ولاحظت حاجة غريبة ان معظم الترددات الشغالة راسية واللى مش شغال افقية
اللى فقط مش شغال راسى هو التردد ١١٥١٠ معدل ترميز ١٠٠٠٠ طب التردد ده كان شغال معايا من قبلو وايضا ١٢٤٥٧ معدل ترميز ٢٩٩٩٩ لكن احيانا دلوقتى يشتغل ويروح على طول
اما الترددات الافقية مش شغالة ما عدا التردد ١٢٢٠٨ معدل ترميز ٢٧٥٠٠ شغال باشارة ٦٠ بدون تقطيع والتردد ايضا١٢٣٢٢ نفس معدل الترميز وايضا ١٢٣٦١ نفس المعدل
وملحوظة كمان اشارات الترددات الراسية معظمها ضعيفة من ٥٤ حتى ٦٠
واكرر انا شيكت على الهيسبا من امبارح حتى اليوم حوالى ٥ مرات ومكنتش القنوات دى شغالة خالص
وانا مطلعتش فوق السطح انهارده خالص
ده بقى يبقى اكيد الطبق عليه عفريت ولا حد يقدر يريحنى ويقولى تفسير للى بيحصل ده

[gerrard888]

ايوه مكانه موجود وعامله رقم واحد وكمان حاولت اجيب يمين وشمال من غير فايدة دلوقتى بس حصل الكلام اللى قلته فى المشاركة السابقة ومش فاهم ليه اشتغل وبرضه مش فاهم ليه كله مشتغلش

[ابومختار]

طيب تمام
ممكن يكون عيب في السلك اللي خلاه بيعمل كده
القمر ده مش عايز يمين او شمال عايز لفوق او لتحت يعني وانت جنب الطبق هتتكي علي الطبق لتحت او لفوق هتلاقي الاشارة ذادت او نقصت وهتعرف هو عندك عايز ايه
بس المشكلة ان لو ظبطته لوحده هتلاقي معظم الاقمار وخاصة في الشرق بايظه وهتعيد التظبيط من جديد
الامر ده دايما بقول عليه عايز صبر للنهاية وعدم الاستعجال
حاول تفنن وانت بتظبط في الطبق وخلي بالك طويل
راجع علي الكنكتور وعلي الاسلاك
لو فيه ريسيفر تاني جربه وشوفه
كل الاحتمالات واردة لكن اهم شئ هو الصبر

[عادل عامر]

تعالى على الهسبيسات وانزل سنة صغيرة بوش الطبق من مسمار الميزان وتابع الاشارة لما تزيد واتاكد ان الازرع مش ملفوتة
اللمح بعينك من جنب الطبق كل دراعين على بعض

[gerrard888]

طيب استاذى الفاضل ابو مختار هو ممكن يكون المشكلة فى الاسلاك وجميع الاقمار اشارتهم علت
وكمان انا كنت لسه متفرج يوم الاربعاء بالليل على ماتش ليفربول فى الكاس على قناة سبورتتى فى ٥ والقمر كله كان شغال زى الفل يعنى مكملش ١٥ ساعه واللى حصل ده بعد تركيب القطعه
اعتقد الاسلاك مفهاش حاجة لان كل الاقمار شغالة تمام ولا ده ممكن يحصل انا بسال فعلا
بص هو انا لاقيت تفسير يمكن يكون صح ويمكن يكون غلط والله اعلم بمعرفتى البسيطة ان قمر الهيسباسات ده حساس شوية فممكن وانا بشيل الفلانشة الاذرع اختلفت عن الاول بنسبة بسيطة انا ملاحظتهاش وده اللى خلى الهيسبا مجاش بس مش لاقى تفسير انه اشتغل دلوقتى على ترددات الراسية ومعظم الافقية مش شغالة بس برضه اللى شغال مش زى الاول وبعدين هة مطرت عندنا من شوبة ممكن يكون المطر عدل سنة بسيطة جدا فى الطبق وده اللى خلى اشارات كتيرة جت
والله من امبارح وانا بفكر فى الموضوع موصلتش غير للحل ده
طيب كده اشتغل انا بقى على البولار ولا اشيل الفلانشة تانى واحاول اظبط الاذرع ولا اعمل ايه

[gerrard888]

تمام يا استاذ عادل حاضر حعمل كده وده فعلا اللى انا حاسه وفكرت فيه بس مكنتش عارف ازاى وحضرتك قلت من مسمار الميزان
انا بقى حجيب عده فى الاسبوع ده حطلع اشتغل وادعولى مخربش الدنيا

[ابومختار]

هي مش عاوزه اي شئ غير ان تكون جنب الطبق ومعاك كل العده
في الاول متلعبش في شئ
هيكون الطبق علي الهيسباسات
هتشوف الطبق عايز ايه علشان يتظبط
وانت بتعمل اي حاجة افتكر الوضع اللي كانت عليه الحاجة دي قبل ما تلعب فيها
طالما الرأسي شغال والافقي مش شغال احتمال يكون من القطعة بس هل كل الاقمار عامله كده الان
السلك ممكن يكون مش كويس في بعض الحالات يعطيك نتيجة كويسه هنا ويكون بايظ في قمر تاني
كل الاسئله لازم تدور في رأسك علشان توصل للحل الصح

[gerrard888]

طيب استاذ عادل معلش ليا سؤالين
دلوقتى الترددات اللى مش شغالة لما بقف عليه مده يعنى حوالى ٣ دقائق بلاقيه جاب اشارة
السؤال التانى دلوقتى انا حاسس ان مشكلة الهيسبا دى بسيطة هى بس عايزة شوية دقة بحيث اصلح الهيسبا واحاول مقلش فى الاقمار التانية بس انا مشكلتى الحقيقية فى اقمار الوسط يعنى من اول استرا ٢ مش جاى خالص واسترا ٢٣ حاجات بسيطة وعرب سات ٣٠ برضه هو جاى وجبت اريتريا بس برضه مش اشارة عاليه
وكمان كل الاقمار اشارتهم مش عاليا زى ما بشوف الموقع يعنى مثلا
النايل عندى تردد وحيد جتيب ٩٣ تقريبا والاقل ٨٨ والمعظم فى ال ٧٠ وفيه كمان فى ال٦٠ وهكذا
هل كده مشكلة مدار ولازم اظبط البولار صح ولا ايه
وايه افضل طريقة للظبط لواحد مبتدئ زيى يعنى مواضيع الضبط كتير وماشاء الله حضرتك ليك مواضيع كتير فيها ايهةالاحسن لحالتى دى