لفت نظر لقناه دهوك العظيمه (قناه الغلابه)

[سعيد محمد المصرى]

يا ريت ياجماعه الخير اللى يعرف يوصل المعلومه دى لقناه دهوك ميبخلش ويوصلها علشان الناس املها كبير فى القناه وهى دلوقتى اللى نفعانا احسن من غيرها مفيش مباره بتفوتنا اللى على دهوك ..

bien sport هتعمل حاجه اسمها تتبع الكروت عن طريق test صوت علشان القنوات اللى بتبث صوت من البين سبورت وصوره من على الشيرنج يعنى زى دهوك كده فى ناس هتسأل وتقول يعنى ايه test صوت يعنى هتعمل صفاره لمده 3 ثوانى على الكروت اللى مشكوك فيها فى كل بلد او منطقه علشان تحرق الكروت دى وده طبعا خساره للقناه ارجو ان تكون المعلومه وصلت وهذا للتنبيه فقط ولكم جزيل الشكر ..........

[سعيد محمد المصرى]

فى انتظار الردود

[zamalkawy mo3at]

انا هوصل الكلام حالا لشخص يعرف ناس شغاله بالقناه
بس ياغالى ياريت تفهمنى... لان بامانه مش داخله دماغى
الصوت اللى هيظهر هيبين ازاى ان فيه سرقه هنا ولا

[سعيد محمد المصرى]

انا هوصل الكلام حالا لشخص يعرف ناس شغاله بالقناه
بس ياغالى ياريت تفهمنى... لان بامانه مش داخله دماغى
الصوت اللى هيظهر هيبين ازاى ان فيه سرقه هنا ولا

شوف ياغالى وانت بتسمع برنامج مثلا زى البرنامج لباسم يوسف واثناء الحلقه وهى شغاله تلاقى باسم يوسف شتم على حد بدل اللفظ ميطلع وتسمعه تسمع صفاره وصلت لحضرتك هى الصفاره دى اللى هتتعمل فى اختبار الكروت

[zamalkawy mo3at]

فاهم قصدك ياغالى
طيب الصفاره لو ظهرت .. البين سبورت هتعرف رقم الكارت بتاع دهوك ازاى

[سعيد محمد المصرى]

فاهم قصدك ياغالى
طيب الصفاره لو ظهرت .. البين سبورت هتعرف رقم الكارت بتاع دهوك ازاى

اى كرت ليه رقم مسلسل عند البين سبورت صح ومتنساش باقه زى دى مشغله معاها عصافير علشان تقولها على اللى بيحصل فى السوق اول بأول فبتالى عندها فنيين شاطرين تجيب قناه دهوك عندها وتنفذ اللعبه تروح جايبه كام سريال من المشكوك فيهم وتخلى بالها مع القناه عند ما تسمع الصفاره تروح حارقه السريال ده بتاع الكارت وشكرا

[zamalkawy mo3at]

انا هوصل المعلومه . واللى فيه الخير يقدمه ربنا
شكرا لك ياغالى

[سعيد محمد المصرى]

العفو اخى الكريم

[zamalkawy mo3at]

انا هوصل المعلومه . واللى فيه الخير يقدمه ربنا
شكرا لك ياغالى

[ALFASTAR]

الموضوع ده مش صح وعلميا مسمعناش بيه قبل كده وانت تعرف منين اصلا ان دهوك عندها كارت ممكن يكون صوت راديو نت او طريقة تانية مش هقولها
وياريت الاخ قلى بيقول يعرف ناس تعمل بالقناة تنقل ماتشات مصر قلى جاية

[zamalkawy mo3at]

دهوك مش هتذيع الا الدورى الاسبانى والماتشات المهمه فى الانجليزى والايطالى. وماتشات فريق دهوك فى كاس الاتحاد الاسيوى
من الصعب انها تذيع ماتشات افريقيه . الللى ممكن تذيع نهاءى كاس الامم الافريقيه

[mynaismafa]

معلش بس استفسار بسيط ... وحضرتك عرفت منين

[سعيد محمد المصرى]

الموضوع ده مش صح وعلميا مسمعناش بيه قبل كده وانت تعرف منين اصلا ان دهوك عندها كارت ممكن يكون صوت راديو نت او طريقة تانية مش هقولها
وياريت الاخ قلى بيقول يعرف ناس تعمل بالقناة تنقل ماتشات مصر قلى جاية

اولا اخى الكريم العلم فيه كتير ثانيا انت اديك سمعت ثالثا لا خير فى كاتم علم انت بتقول فى طريقه تانيه مش هتقولها ليه يعنى

[ALFASTAR]

لان الطريقة التانية ممكن تكون اجتهاد مش حقيقية

[منعم القصبي]

معذرة يا صديقي تفكيرك راح لبعييييييييييييد جداااااااا

[mynaismafa]

لان الطريقة التانية ممكن تكون اجتهاد مش حقيقية

لا انا بوجه السؤال لصاحب الموضوع

[hassan hulk]

بعد احترامي لصاحــب الموضوع...
الكلام ده غيـــر صحيح patch_no:::patch_no:::

[krspo]

اخى الغالى من الاخر كده داهوك بتبث من الانترت
عن طريق الاشتراك فى باقهbeIN SPORTS CONNECT
يعنى اخى الغالى الاشتراك سوف يقف
+ الكارت العامل على الرسيفر نفسه
تحياتى اليكم جميعا


الصبر وسوف تعود بى ان سبورت قريبا على الشيرنج
تحياتى krspo
ملحوظه عصافير بى ان سبورت فى منتدى مصراوى سات كتير
بلعبيط يعنى
نتحلى بلصبر واللى عنده معلومه ياريت تكون على الخاص
تحياتى krspo

[krspo]

ولا تقلقو تجاه داهوك
القائمين على القناه يعلمون تماما متى موعد ظهور الهاش كود
+
سلملى على بى ان سبورت
قريبا
على سرفرات
Spider cam

[yassgaber]

السلام عليكم
اولا لو البين سبورت لو عايزه تحرق كارت عن طريق الكود اللي بيظهر علي الشاشه كل شويه ده للي عنده جهاز بين اشتراك يعني لان كل جهاز له كود خاص به لو قناه دهوك مفيش كود بيظهر يبقي مش حتوقف