اساس التعديل!!!!

[amrlion]

السلام عليكم

كنت حابب اخد رأى الاخوه محترفى التعديلات على القطع فى الاساس اللى نشتغل عليه

يعنى كل يوم بنلاقى اكتر من موضوع وسؤال عن قطعه وهل تصلح للتعديل ولا لا


طب ما نفكر فى الموضوع من زاويه تانيه


ايه اللى خلى البريفكس او الاوريون ممتازين بعد التعديل؟

وليه قطع اخرى بنفس السعر والشكل وربما المصنع وتكون سيئه؟

هل اشارة البريفكس والاوريون قبل التعديل مثلها مثل اى قطعه عاديه؟

ام ان اشارتها قبل التعديل كانت من اعلى الاشارات بين اقرانها؟

يعنى هل بالضروره القطعه اللى اشارتها عاليه قبل التعديل ستكون ممتازه بعد التعديل ولا مش شرط؟
ولو المنطق ده سليم هل يصلح ان نحدد تردد معين يتم اختبار القطع عليه والقطعه صاحبة اعلى اشاره عليه تكون صالحه للتعديل بدون سؤال او موضوع عنها؟

وان كان لا فرق بين القطع كلها قبل التعديل

فلماذا تم تعديل البيرفكس والاوريون مثلا دونا عن باقى القطع الكتير اللى فى السوق؟ هل هى صدفه

ارجو ان اكون وفقت فى نقل فكرتى

شكرا

[خالد الغمراوى]

يسلم فمك فعلا كلام منطقى ويريت الكل يشارك

[aU$TiN]

الجزئية بتاعة الفرق بين القطع

اكيد في فرق في جودة المنتج نفسه ... وارتفاع اسعار الخامات هوا السبب

الشركات بدل ماتغلي المنتجات .... تجيب خامات اقل في الجودة علشان تكسب مش تخسر

[ainhours]

الفروق اخى الفاضل فى مدى حساسيه الاقط للاشاره وكمان صناعه البورده الخاصه للعدسه وكذلك الابر الافقيه والراسيه وكمان طول زور الفيد لما يتناسب من تجميع وتركيز اشعه القمر الصناعى الساقطه على الطبق كل دى عوامل بتحدد كفائه الاستقبال والتعديل الجيد على العدسه
كل طبق له طول معين للفيد عشان كدا فيد الانفاكوم هتلاقيه ممكن تطول وتقصر الفيد من طبق لاخر

[amrlion]

الجزئية بتاعة الفرق بين القطع

اكيد في فرق في جودة المنتج نفسه ... وارتفاع اسعار الخامات هوا السبب

الشركات بدل ماتغلي المنتجات .... تجيب خامات اقل في الجودة علشان تكسب مش تخسر


سيدى الفاضل البريفكس كانت ب15 ج وبعد التعديل دلوقت بقت جباره

واوقوى من الفوجى ام 80ج فى وقتها

هل بوردة البريفكس والاوريون اللى ب15ج مستهلك وليس جمله او مستورد اللى هتلاقيه مستوردها ب5ج افضل من بوردة الفوجى؟

وفى الاخر كله صينى


وانا برضه مش مختلف معاك انا فكرتى ان اه فى قطع افضل من الاخرى وكلامى نوصلها ازاى علشان نعدل عليها

[amrlion]

الفروق اخى الفاضل فى مدى حساسيه الاقط للاشاره وكمان صناعه البورده الخاصه للعدسه وكذلك الابر الافقيه والراسيه وكمان طول زور الفيد لما يتناسب من تجميع وتركيز اشعه القمر الصناعى الساقطه على الطبق كل دى عوامل بتحدد كفائه الاستقبال والتعديل الجيد على العدسه
كل طبق له طول معين للفيد عشان كدا فيد الانفاكوم هتلاقيه ممكن تطول وتقصر الفيد من طبق لاخر

استاذنا

كلامك جميل ولا غبار عليه

بس ما جاوبش على السؤال برضه

القطعه اللى فى السوق كلها نفس السعر ونفس الشكل والخام وربما المصنع نفسه

لو قدامى 20 نوع من القطع اللى مغرقه السوق دلوقت اعرف اقوى واحده فيهم ازاى واعدلها هى بس دونا عن الباقين ازاى؟ هل اشراتها هتبقى اقوى واحده فيهم؟ ولا كلهم واحد وبعد التعديل يظهر الفرق؟

تحياتى

[محمودالمصرى777]

اولا كلامك منطقى جدا ولابد من التفكير فيه بدقة لان من هنا ممكن نفس اصول اللعبة
طيب انا عدلت و بوظت اكتر من قطعه بما فيهم الفوجى وغيرهم
وما استفدته هو ان القطعه لا تقيم بجودة الاشارة على اقمار قريبة
بمعنى ان قطعة الفوجى عندى جابت اعلى اشارة على معظم الاقمار الا القمر استرا28
والقمر استرا 19 والقمر w1 10 اما القطعه سترونج بلاستيك جابت اقل من الفوجى بحوالى 3 درجات لاكن استقبلت القمر استرا 28 بثبات وكام تردد على استرا 19
والاتنين بعد التعديل ولا اى نتيجة ى ما هما
طيب انا جربت عدسات معامل التشويش بتعاعتها db1 والاشارة 100 على نفس الاقمارالاولى
الا الاقمار البعيدة اللى قلنا عليها زى استرا28 واسترا 19
وفيه عدسات كويسة لاكن على ترددات معينة
ده اللى حصل معايا
يعنى من الاخر ما تعلمته ان العدسة اللى قوية على الاقمار البعيدة زى استرا28 واسترا 19 ممكن اعدلها غير كده لا

[amrlion]

استاذ محمود كلامك يؤكد كلامى ويزيد الحيره

حاجه تانيه الا وهى لو عرفنا ايه الجزء المسؤل فى القطعه عن قوة الاستقبال زى ما فى البريفكس كده ممكن يفتح لنا باب تعديل من نوع اخر كمثال بدل ما اقطع الفوجى والحم فى قطعه تانيه ممكن اغير قطعه معينه داخل الفوجى واوصل لاستقبال افضل بيها على بعضها بدون قطع او لحم خصوصا ان الفوجى اثبتت انها الافضل فى التصميم كفيد خماسى وطول الزور اللى كل القطعه بتتعدل على نفس مقاسه تقريبا 10سم

فاحنا فى ايدينا قطعه تصميمها وشكلها على وضعها الطبيعى سىء جدا بالنسبه للاشارت الضعيفه كالبريفكس ولكن بداخلها مايجعلها افضل بعد التعديل


وقطعه اخرى ذات شكل وتصميم وقوة فى الاشارات العاديه والضعيفه ولكن اقل قليلا من البريفكس


فلو قدرنا ننقل قلب البريفكس او تقنيتها او تكنولوجيتها فى جسم الفوجى بتصمميها وشكلها قد نصل الى نتيجة افضل


انا بتحدث هنا حديث فرضى


واعتقد التكنولوجيا اللى معمول بيها عدسه زى البريفكس ام 15 ج مش هتبقى صعبه علينا


اخيرا رأيك ايه فى تعديل الاسترونج البلاستك؟ علشان ماسك المنشار الحديد فى ايدى دلوقت وبسمى على قطعه فوجى شغاله وزى الفل علشان اقطعها واركب الفيد بتاعها للاسترونج

هل هشعر بفرق يستحق؟ ام لا

تحياتى

[satytree]

انتم تقصدوا التعديل على القطع الحساسة التى تاتى بالترددات الغير موجودة فى القطع العادية
عشان كده من كتر التجريب القطع العدسات خلصت من السوق هههههه

[محمودالمصرى777]

استاذ محمود كلامك يؤكد كلامى ويزيد الحيره

حاجه تانيه الا وهى لو عرفنا ايه الجزء المسؤل فى القطعه عن قوة الاستقبال زى ما فى البريفكس كده ممكن يفتح لنا باب تعديل من نوع اخر كمثال بدل ما اقطع الفوجى والحم فى قطعه تانيه ممكن اغير قطعه معينه داخل الفوجى واوصل لاستقبال افضل بيها على بعضها بدون قطع او لحم خصوصا ان الفوجى اثبتت انها الافضل فى التصميم كفيد خماسى وطول الزور اللى كل القطعه بتتعدل على نفس مقاسه تقريبا 10سم

فاحنا فى ايدينا قطعه تصميمها وشكلها على وضعها الطبيعى سىء جدا بالنسبه للاشارت الضعيفه كالبريفكس ولكن بداخلها مايجعلها افضل بعد التعديل


وقطعه اخرى ذات شكل وتصميم وقوة فى الاشارات العاديه والضعيفه ولكن اقل قليلا من البريفكس


فلو قدرنا ننقل قلب البريفكس او تقنيتها او تكنولوجيتها فى جسم الفوجى بتصمميها وشكلها قد نصل الى نتيجة افضل


انا بتحدث هنا حديث فرضى


واعتقد التكنولوجيا اللى معمول بيها عدسه زى البريفكس ام 15 ج مش هتبقى صعبه علينا


اخيرا رأيك ايه فى تعديل الاسترونج البلاستك؟ علشان ماسك المنشار الحديد فى ايدى دلوقت وبسمى على قطعه فوجى شغاله وزى الفل علشان اقطعها واركب الفيد بتاعها للاسترونج

هل هشعر بفرق يستحق؟ ام لا

تحياتى
اسف على التاخر
اوعى تعدل على الاسترونج البلاستيك خالص مفيش اى نتيجة بعد التعديل
انا عدلت على 10سم بفيد قطعه فوجى مع العلم ان القطعه انها سترونج اللى مكتوب عليها يعنى الافضل فى البلاستيك
الحقيقة القطعة دى اللى شغال بيها حاليا بدون تعديل وممتازة جدا جدا
http://im85.gulfup.com/wRnjsx.jpg
وسعرها 25 جنية

[amrlion]

شكرا اخي العزيز لحقتني قبل دبح الفوجي

وربنا يسهل ونلاقي بيرفكس علشان بقت نادره



نأسف للخروج عن لب الموضع


ومازال النقاش مستمرا

[خالد الغمراوى]

متقلش القطعة البرفكس اللى صورة فوق موجودة

[ainhours]

الجواب اخى الفاضل تلخص فى حاجتيين اولا ملكش علاقه بالسعر لانه يعتمد على المستورد والحاجه التانيه كل طبق له مقاس فيد معن وكل عدسه لها حساسيه معينه وبعديين كل العدسات اللى فى البلد تعبانه فى الصناعه ولو بصيت على العدسات الاوربيه هتلاقيه استاندر ومفيهاش غلطه على سبل المثال انا عدلت بريفكس كتييير كل عدسه مش زى التانيه والشركه واحده والموديل لاواحد العيب فى المستورد مش فينا حتى الفوجى لما المستورد قلل فى الخامات بقت الفلانشه واسعه لازم تحط شرييط لحام عشان تظبط العدسه ومتنزلش لوحدها العيب مش فينا العيب فى المنتج خارج مواصفات الجوده وانت وحظك

[amrlion]

متفق معاك جدا استاذ تامر ان بيجيلنا اسوء منتجات


واكير دليل ولا تاجر فكر يستورد الانفرتو لغاية دلوقت في مصر


وكلامك صح ان القطع اللي في السوق كلها زباله


بس برضه ليه البريفكس مثلا ممتازه بعد التعديل عكس كل القطع الموجوده

يهمنا نعرف السبب علشان يفيد الناس في الشرا والتعديل وسهولة الوصول الي قطع محترمه وسط 50 نوع تعبان

[amrlion]

متقلش القطعة البرفكس اللى صورة فوق موجودة

لفيت الغربيه كلها ( محافظتي )وشارع ملك حفني في الاسكندريه كله ومحدش يعرف عنها حاجه

[ainhours]

لان معدل خفض الشوشره 2دى بى تكاد تكون صحيحه ويكون استقبالها اعلى لحساسيتها القويه ولان مفيش عدسات كتير 2 دىبى تكون هى الافضل حتى اقوى من الفوجى ال3 دىبى اما بقى لو جالك عدسه 1 دى بى زى التياتنيوم الالمانيه دى قصه تانيه خاااااالص بس نقصنى التعديل الصح عليها

[amrlion]

ههههه معايا قطعه صينيى اسمها هوماكس مش هيوماكس ب15ج النويز فيجر بتاعها 1 دي بي يعني خارقه هههههه طبعا الصيني كله ارقامه كدب

[alamogy]

متفق معاك جدا استاذ تامر ان بيجيلنا اسوء منتجات


واكير دليل ولا تاجر فكر يستورد الانفرتو لغاية دلوقت في مصر


وكلامك صح ان القطع اللي في السوق كلها زباله


بس برضه ليه البريفكس مثلا ممتازه بعد التعديل عكس كل القطع الموجوده

يهمنا نعرف السبب علشان يفيد الناس في الشرا والتعديل وسهولة الوصول الي قطع محترمه وسط 50 نوع تعبان

متزعلش منى انتوا اللى بتشجعوا التجار يجيبوا اسوء المنتجات

ولو تاجر فكر يستورد منتج غالى هيطلع 1000 واحد يقولك البريفكس احسن منها والتايجر احسن منها

حط نفسك مكان التاجر هتشترى منتج غالى علشان تركنه ومتبعهوش؟



لان معدل خفض الشوشره 2دى بى تكاد تكون صحيحه ويكون استقبالها اعلى لحساسيتها القويه ولان مفيش عدسات كتير 2 دىبى تكون هى الافضل حتى اقوى من الفوجى ال3 دىبى اما بقى لو جالك عدسه 1 دى بى زى التياتنيوم الالمانيه دى قصه تانيه خاااااالص بس نقصنى التعديل الصح عليها

بما انك جبت سيره التيتانيوم الالمانيه احب اقولك انها عندى

ودى صوره العلبه

ومعاها ضمان 5 سنين

http://postimg.com/176000/t-175176.jpg

http://postimg.com/176000/t1-175177.jpg

http://postimg.com/176000/t2-175188.jpg

[amrlion]

أ/ الموجى

اهلا بك

بس مين انتم اللى بتشجعوا التاجر؟ على اساس ان التجار لا يعرفوا الجشع والغش وبيجروا ورا المكسب الضخم الا من رحم ربى


افكر حضرتك بحاجه بس الفوجى اول ما نزلت وكان سعرها اضعاف القطع اللى موجوده دلوقت وعملت مبيعات تاريخيه فى مصر اعتقد


الرسيفر البنجامين كان بكام واشتريناه بكام؟

الطبق ال240 كان بيعدى 3000 ج واشتريناه

عندى تلفزيون سونى يابانى وناشيونال يابانى وفيديو ناشيونال يابانى مرميين مش لاقيلهم قطع غيار

بنزل الف السوق كله على قطعه غاليه ومحترمه فى اى اجهزه مش بلاقى غير الصينى التعبان


التجار هى اللى جريت ورا الحاجات الرخيصه الصغيره قليلة التكلفه كبيره المكسب

ثانيا ضعف مستوى معيشة الشعب المصرى اللى خلاه يدور على اى حاجه باقل تكلفه


تحياتى

[محمودالمصرى777]

متقلش القطعة البرفكس اللى صورة فوق موجودة

والله يا اخى خالد موجودة وبكثرة فى محافظة الشرقية
انا فى الاول لفيت لكن دخلت محل لقيت رف مليان عدسات بريفكس
كرتونه خضراء ب20 جنية والعدسة دى كرتونة سوده 25 جنية
انا توكلت على الله واشتريت الكرتونه السوده لاكن مكنتش مصدق
ان اشارتها ما شاء الله تفوق كل العدسات اللى عندى على القمرين المزكورين