الاستاذ عيون القمر ( اتفضل أخى الفاضل )

[م / وليد هانى]

السلام عليكم ورحمة الله وبركاته
منذ يومين حدثت مشادة كلامية بينى وبين حضرتك
على الرغم من ان انا وحضرتك لا نعرف بعض سوى اسماء فقط
وبالامس شعرت بندم شديد لانى دائماً لا احب ان يكرهنى او يتضايق منى اى شخص
وانا فعلاً كان ردى على الاخ السائل كان غلط
وايضاً قمت بالرد على حضرتك بعصبية واسلوب ( لم اعتاده فى حياتى ابداً )
وصدقنى أخى انا لم اكن فى وعيى اثناء الرد عليك بسبب ظروف خاصة
ولا اريدك ان تزعل منى وذلك ليس من أجل اى شئ
سوى الاخوة والمحبة فى الله
ويمكن انا وانته يشاء القدر ونتقابل وانا لا اريدك ان تكون فى هذا الوقت
متضايق منى
واعلم شئ واحد عنى وربنا يعلم هذا
انا بدخل المنتدى من اجل حاجتين وهما
دعوة لى من أحد الاخوة اكون قد ساعدته فى اصلا ح جهاز له
التعلم من جميع الاخوة سواء مشرف او عضو جديد حتى
وعلى فكرة انا هعمل موضوع الان بخصوص العقوبة بتاعتك ( وان شاء الله إدارتنا هتعمل ما هو مناسب )
وعلى فكرة انا اتعاقبت مثلك أخى وتم خصم 1000 مشاركة بس مش مهم لانى غلطت
متزعلش منى يا غالى وانا بعتذر لحضرتك
تقبل تحياتى
( رجاء من اساتذتى مشرفى قسم الصيانة عدم غلق الموضوع او نقله لحين دخول الاستاذ عيون القمر )
وشكراً لحضراتكم

[محمد_saper]

هو ده وليد

تحياتى ليك على الكلام الجميل ده

[عبدالفتاح جابر]

الله عليك ياوليد
الاعتراف بالخطاء من شيم العظام
انت شخص محترم
وربنا يديم المحبه بين الجميع

[ABo 3AHD]

حصل خير اخواني

[elking sat]

تسلم يا م/ وليد
وهذا ما عهدناه عنك

[م/احمد الســيد]

طول عمرك كبير وقوى
م/ وليد

[هشام نور]

انا اعلم من هو عيون القمر شخصيا وسوف ابلغه رسالتك لانه الان مريض

سوف اتصل بيه تلفونيا وشكرا للروح الطيبه

بارك الله فيك يا اخى

[محمد_saper]

انا اعلم من هو عيون القمر شخصيا وسوف ابلغه رسالتك لانه الان مريض

سوف اتصل بيه تلفونيا وشكرا للروح الطيبه

بارك الله فيك يا اخى

ربنا يشفيه باذن الله

[م / وليد هانى]

انا اعلم من هو عيون القمر شخصيا وسوف ابلغه رسالتك لانه الان مريض

سوف اتصل بيه تلفونيا وشكرا للروح الطيبه

بارك الله فيك يا اخى

الف سلامة عليه أخى
وربنا يعفى عنه هو والمسلمين أجمعين
وشكراً لك أخى

[سامى النجدى]

انت راجل محترم يا وليد

[ابوosama]

ننتظر حتى دخول الاخ عيون القمر
وتسلم اخى وليد على هذه الشعور الطيب

[حمادة الطيار]

طبعا ده المنتظر من شخص محترم زيك اخى وليد
نحن هنا فى مصراوى اخوه متحابين وخير عقول مصر
لازم طبعا نبقى كبار فى كل حاجة والاعتراف بالخطا يدل على العظمة والاحترام

[م / وليد هانى]

كلنا اتعرفنا على بعض فى هذا المنتدى بكل حب واخوة
وسوف يظل مصراوى سات مثلاً للاخوة والمحبة
ربنا يجمعنا على فعل الخير

[م ربيع الجادورى]

اكرمك الله اخى وليد جميل مافعلته صدقنى انت فعلا رجل محترم وهذا لن ينقص من قدرك بل زادك عزا وكرامه ادام الله المحبه بين الجيع
وخيركم من بدأ اخاه وعلى فكره انت اللى كسبان
واللى انت عايزه من حبيبى عيون القمر عندى

[مهندس محمودعبدالحميد]

الاعتذار من شيم الكبار وكلنا بنغلط وبصرف النظر عن ان الاخ وليد اخطأ فى رد من ردوده فمجرد اعتذاره يمسح كل اخطائه ومبادره طيبه منه

[أبو أسماء]

الاعتراف بالخطاء من شيم العظام
انت شخص محترم والله زدت قدرا و أنا لم ألتقي بك زادك الله قدرا وشرفا وأطال الله عمرك واتمني من الله أن يقبل الأخ عيون القمر أعتذارك

[عيون القمر]

عفا الله عنى وعنك ومن يتق الله يجعل له مخرجا

وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين

لا عليك يا اخى فانا والحمد لله لا اشيل من شخص اكثر من ساعه فقط عوفت من البارحه

ادم الله عليك عقلك ووهبك الصحه والعافيه والشيم التى انت عليها

بوركت ان شاء الله

[م/احمد الســيد]

عفا الله عنى وعنك ومن يتق الله يجعل له مخرجا

وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين

لا عليك يا اخى فانا والحمد لله لا اشيل من شخص اكثر من ساعه فقط عوفت من البارحه

ادم الله عليك عقلك ووهبك الصحه والعافيه والشيم التى انت عليها

بوركت ان شاء الله
حمد الله على سلامتك اخى عيون القمر
والف سلامة رجوعك وشفائك

[احمد سمير]

الله عليك ياوليد
الاعتراف بالخطاء من شيم العظام
انت شخص محترم
وربنا يديم المحبه بين الجميع

[احمد سمير]

عفا الله عنى وعنك ومن يتق الله يجعل له مخرجا

وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين

لا عليك يا اخى فانا والحمد لله لا اشيل من شخص اكثر من ساعه فقط عوفت من البارحه

ادم الله عليك عقلك ووهبك الصحه والعافيه والشيم التى انت عليها

بوركت ان شاء الله



ألف مليون سلامه عليك يا أخى
وصدقنى بجد
أنت أخ عزيز
ولو كنت أعرف عنوانك كنت جيت أشوفك
وأقدم لك خالص إعتذاراى بالإنابه عن الأخ وليد
لأنه أخ عزيز لنا جميعا والمشكله
إنه محترم جدا ومش بتاع غلط
ولكن
قدر الله وماشاء فعل
شكرا لك أخى ؟؟؟؟
على ما أتذكر من خلال ردودك إن إسمك
محمد
يارب أكون صح ههههه