سؤال محيرنى :: ماهو المقياس المستخدم للحكم على العدسه؟هل هو قوه الاشاره ام جوده التصنيع ام السعر ام ماذا؟

[alamogy]

السلام عليكم ورحمه الله وبركاته

من خلال مشاهدتى لردود الاعضاء الكرام فى المنتدى عندى سؤال محيرنى

كيف تحكم على العدسه؟

1- قوه اشارتها؟ يعنى الاعلى اشاره هى الافضل؟
مثلا قطعه الفوجى او ستار جولد فوجى (اللى مش عارف اسم الشركه اللى مصنعاها
ولا لاقى اى موقع ليها على النت)
وشوفت عضو محترم هنا بس للاسف مش فاكر اسمه العضويه بتاعته بيقول بالحرف( دى عدسه مصنوعه تحت السلم)
ومع ذلك شوفت ردود كتير من اعضاء عايزه تعدل قطع معينه
وكان الرد استخدم فيدهورن فوجى
ما معنى هذه الكلام؟
هل قطعه الفوجى عمرها قصير بحيث انها تتلف مع الوقت ويبقى منها الفيدهورن فقط؟

2- جوده التصنيع + قوه الاشاره
بحيث انك تشترى قطعه جوده تصنيعها وكفائتها وقوه اشارتها ممتازين
مثلا الانفرتو ..لكن يعيبها ارتفاع ثمنها

3- الثمن
مع ملاحظه ان المشترى يريد الارخص ثمنا فوجدت ردود مثل البريفكس علبه سودا والتايجر جى و كيوماكس ....الخ

هل ده علشان سعرهم رخيص مثلا 20 - 65 جنيه؟
فاصبحوا هما الافضل

وهل لو عكسنا الموضوع
لو الانفرتو سعرها 25 جنيه والبريفكس سعرها 150 جنيه

هل الانفرتو اصبحت هى الافضل ووداعا البريفكس علبه سودا؟

من فضلكم تواصلوا معايا فى الموضوع ده وكل واحد يقول رائيه

مع الشكر a056--

[خالد ستار]

المقياس الحقيقى للقطعه والحكم عليها هو تجربتها على الاقمار والترددات الضعيفه وهنا اقول لك لو عدسه رخيصه السعر وجايبه معاك نتائج افضل من العدسه الباهظه السعر يبقى الافضل الرخيصه السعر ومافائده علو سعرها وهى لاتستقبل الترددات الضعيفه ؟

[حماد]

العدسة تحكم عليها كما قال لك اخوانا الغالى خالد ستار ...

لكن احب فقط ان انوه ان العدسة لوحدها ليست كافية لاستقبال ما تريد.. بل هى منظومة متكاملة من .. عدسة.رسيفر جيد.سلك اشارة جيد. طبق بحالة ممتازة. المكان المناسب. واخيرا الضبط الجيد للطبق والمدار....
عندها تستقبل ما تريده ان شاء الله .....

بالتوفيق .. والمتابعة الممتازة للاخ الغالى خالد ستار ...

[خالد ستار]

العدسة تحكم عليها كما قال لك اخوانا الغالى خالد ستار ...

لكن احب فقط ان انوه ان العدسة لوحدها ليست كافية لاستقبال ما تريد.. بل هى منظومة متكاملة من .. عدسة.رسيفر جيد.سلك اشارة جيد. طبق بحالة ممتازة. المكان المناسب. واخيرا الضبط الجيد للطبق والمدار....
عندها تستقبل ما تريده ان شاء الله .....

بالتوفيق .. والمتابعة الممتازة للاخ الغالى خالد ستار ...

حيااك الله اخى حماد للمتابعه الرائعه..
patch_lov-patch_lov-

[alamogy]

رد ورأى يحترم من الاخوه الافاضل خالد ستار وحماد
لكن يوجد جزء من سؤالى لم يتم الرد عليه
ما فائده انى اشترى قطعه رخيصه وافرح بالترددات الضعيفه وهى صناعتها سيئه وسوف تتوقف عن العمل فى اى وقت؟
انا عندى اشترى قطعه مرتفعه الثمن (لا اقصد باهظه طبعا)
برده بتستقبل التردادات الضعيفه ومعروف عنها جوده الصناعه والاداء العالى تحت اقصى الظروف
مع العلم القطعه الغاليه فنى التركيب هيركبها مره واحده بس
القطعه الرخيصه لما تبوظ هضطر اجيب فنى التركيب تانى وادفع ثمن تركيب وضبط تانى
وفى مثل مش فاكر من اى بلد (بس هو مش مثل مصرى)
Buy cheap, buy twice
ترجمته بتقول اشترى الرخيص تشترى مرتين
بالنسبه للسعر الباهظ اعتقد ده هيكون فوق ال 500 جنيه مثلا والحمد لله مش موجود عندنا العدسات دى

بصراحه انا شايف الناس بتسترخص فى مكونات الدش بالذات مش عارف ليه
وده اللى بيشجع التجار انهم يشترولنا مكونات رديئه الصنع من عدسه الى دايزك حتى الطبق نفسه لا يوجد مستورد تقريبا غير Triax

[mohamedmoaze]

رد ورأى يحترم من الاخوه الافاضل خالد ستار وحماد
لكن يوجد جزء من سؤالى لم يتم الرد عليه
ما فائده انى اشترى قطعه رخيصه وافرح بالترددات الضعيفه وهى صناعتها سيئه وسوف تتوقف عن العمل فى اى وقت؟
انا عندى اشترى قطعه مرتفعه الثمن (لا اقصد باهظه طبعا)
برده بتستقبل التردادات الضعيفه ومعروف عنها جوده الصناعه والاداء العالى تحت اقصى الظروف
مع العلم القطعه الغاليه فنى التركيب هيركبها مره واحده بس
القطعه الرخيصه لما تبوظ هضطر اجيب فنى التركيب تانى وادفع ثمن تركيب وضبط تانى
وفى مثل مش فاكر من اى بلد (بس هو مش مثل مصرى)
Buy cheap, buy twice
ترجمته بتقول اشترى الرخيص تشترى مرتين
بالنسبه للسعر الباهظ اعتقد ده هيكون فوق ال 500 جنيه مثلا والحمد لله مش موجود عندنا العدسات دى

بصراحه انا شايف الناس بتسترخص فى مكونات الدش بالذات مش عارف ليه
وده اللى بيشجع التجار انهم يشترولنا مكونات رديئه الصنع من عدسه الى دايزك حتى الطبق نفسه لا يوجد مستورد تقريبا غير الترياكس؟
كلامك سليم اخى alamogy
ولكن الاهم من العدسة هى جودة صناعة الطبق وحجمه وقوة تيونر الريسيفر وبعد ذلك ياتى دور العدسة والكابلات

[مصعب الهوارى]

مش فاهمك عاوز تقول ايه
يعني نشترى انفرتو ولا منشتريهاش

[حماد]

مش فاهمك عاوز تقول ايه
يعني نشترى انفرتو ولا منشتريهاش


انفرتوا افضل وتوكل على الله ......

[ياسرحافظ]

مفيش كلام بعد كده بارك الله فيكم

[مصعب الهوارى]

انفرتوا افضل وتوكل على الله ......

ان شاء الله مش هنخلى عدسة مش هنجربها
هنشترى كل عدسة يقال عليها انها ممتازه

[alamogy]

كلامك سليم اخى alamogy
ولكن الاهم من العدسة هى جودة صناعة الطبق وحجمه وقوة تيونر الريسيفر وبعد ذلك ياتى دور العدسة والكابلات

شكرا لردك اخى mohamedmoaze انا اتفهم هذه النقطه جيدا
لذلك قولت انى ملاحظ الغالبيه العظمى بتسترخص فى مكونات الدش ولا اعرف السبب
بمعنى مش معقول شخص يمتلك ريسيفر+ VU وطبق gibertini ويشترى عدسه بريفيكس
او العكس شخص يمتلك طبق متهالك وريسيفر التيونر بتاعه ضعيف ويفتكر انه لو اشترى عدسه غاليه الثمن هتظبط معاه ويستقبل الترددات الضعيفه

ملاحظ نفس الشىء فى مكونات الكمبيوتر
تجد شخص يقولك انا عندى مازربورد ASUS Maximus VI formula
Cpu: Intel Core i7
وبعدين يقولك كارت دش رخيص ولا يعرف شىء عن العدسه ولا الكابل
مش عارف ليه بيجوا عند مكونات الدش ويعملوا كده


مش فاهمك عاوز تقول ايه
يعني نشترى انفرتو ولا منشتريهاش
تقدر تشترى اللى يناسبك وكمان على حسب احتياجاتك ولا تسترخص ولا تشترى عدسه غاليه وفى نفس الوقت مش هتستفاد بيها
شايف ان الانفرتو كويسه وهتلبى احتياجاتك اشتريها
شايف انها غاليه على الفاضى وفى عدسه غيرها ثمنها اقل وهتلبى احتياجاتك بس تكون جوده صناعتها عاليه اشترى العدسه التانيه

[مصعب الهوارى]

انا حجزت واحده انفرتو
وواحدة ستار جولد سى باند
+
من توكيل الانفرتو بمصر

بالاضافه ان فيه عدسة سانتش جايالى في الطريق من السعودية

[waleed2010]

العدسة ليها دور مهم في منظومة الاستقبال وكلما كانت القطعة مميزة وقويه كلما كانت النتائج افضل مع باقى المنظومة من طبق ومكان ورسيفر وضبط جيد
انا جربت اكثر من 20 عدسة من الانواع الحديثة على قمر استرا 1 فقط والطبق بريفكس 180وخاصة الترددات الضعيفة وجدت ان افضل القطع كنتيجة هى ستار سات اللى دى صورتها
http://im88.gulfup.com/WrKb3V.jpg
مع احساسى انها اريون لانها تشبة الاريون تمام بس الاستكر اللى مكتوب ستار سات
والميزة انها ثبتت ترددات كانت ضعيفة جدا وبتعلى الاشارة حوالى 3 الى 4 درجات
وبعدها الترومان واحد مخرج
وبعدها البريفكس علبة لبنى a1
وبعدها قطعة اسمها رويال غطائها اصفر
وهناك قطع لم اجربها زى الاسترونج بأنواعها وطبعا الفوجى وستار بورت الحديد والاف تى

[alamogy]

انا حجزت واحده انفرتو
وواحدة ستار جولد سى باند
+
من توكيل الانفرتو بمصر

بالاضافه ان فيه عدسة سانتش جايالى في الطريق من السعودية

مبروك مقدما ولا تنسى ان توافينا بالنتائج بعد التجربه انشاءالله



العدسة ليها دور مهم في منظومة الاستقبال وكلما كانت القطعة مميزة وقويه كلما كانت النتائج افضل مع باقى المنظومة من طبق ومكان ورسيفر وضبط جيد
انا جربت اكثر من 20 عدسة من الانواع الحديثة على قمر استرا 1 فقط والطبق بريفكس 180وخاصة الترددات الضعيفة وجدت ان افضل القطع كنتيجة هى ستار سات اللى دى صورتها
http://im88.gulfup.com/WrKb3V.jpg
مع احساسى انها اريون لانها تشبة الاريون تمام بس الاستكر اللى مكتوب ستار سات
وبعدها الترومان واحد مخرج
وبعدها البريفكس علبة لبنى a1
وبعدها قطعة اسمها رويال غطائها اصفر
وهناك قطع لم اجربها زى الاسترونج بأنواعها وطبعا الفوجى وستار بورت الحديد والاف تى

رد ممتاز جدا
ياريت تقولنا سعر قطعه ستارسات وثمنها وملاحظاتك عليها
بمعنى هل صناعتها جيده وبتتحمل ولا بتبوظ بعد فتره؟

[عباس نصرابوزيد]

عن نفسى أشترى عدسه غاليه وتجيب نتائج ممتازه واركبهامره واحده
غيرلماأجيب عدسه رخيصه وتجيب نفس النتائج وتبوظ اوتضعف بعدفتره
واركب التليفزيون وهوسه التركيب كلها
وفى السعقه دى واالواحد ينشف من البرد
لانى مش حجيب فنى لانى انا اللى بظبط طبقى بنفسى((هوايه))

[alamogy]

عن نفسى أشترى عدسه غاليه وتجيب نتائج ممتازه واركبهامره واحده
غيرلماأجيب عدسه رخيصه وتجيب نفس النتائج وتبوظ اوتضعف بعدفتره
واركب التليفزيون وهوسه التركيب كلها
وفى السعقه دى واالواحد ينشف من البرد
لانى مش حجيب فنى لانى انا اللى بظبط طبقى بنفسى((هوايه))

كلام سليم اخى عباس وده نفس الرأى اللى انا بقوله
لكن مين يقدر الكلام ده؟
ومعلش يا اخى waleed2010 الظاهر انا كنت عايز انام امبارح فسالتك
سؤال غريب شويه
بقولك سعر قطعه الستارسات وثمنها patch_rir--

[waleed2010]

انا جايبها مستعملة مش عارف فى منها فى السوق حاليا ولا لا وسعرها كام

[hamdyafify2000]

بارك الله فيكم

[بدر الزنارى]

طيب يا جماعة هل معامل الشوشرة db بيأثر فى الاداء مثلا بيبقى فيه عدسة مكتوب عليها 0.1db وعدسة تانية مكتوب عليها 0.2db وعدسة تالتة مكتوب عليها 0.3db
يا ترى ايه الافضل ؟؟؟؟

[alamogy]

طيب يا جماعة هل معامل الشوشرة db بيأثر فى الاداء مثلا بيبقى فيه عدسة مكتوب عليها 0.1db وعدسة تانية مكتوب عليها 0.2db وعدسة تالتة مكتوب عليها 0.3db
يا ترى ايه الافضل ؟؟؟؟

فى ناس بتقولك كل لما معامل الشوشره قل كان احسن
يعنى 0.2db افضل من 0.3db
ومعامل 0.1db هو الافضل
وناس تقول مفيش حاجه اسمها 0.1db
وناس بتقول سيبك من الكلام ده والحكم هو التجربه

انا عن نفسى استخدم عدسه SMART Titanium TS Edition 0,1db المانى

http://postimg.com/176000/t-175176.jpg

http://postimg.com/176000/t1-175177.jpg

http://postimg.com/176000/t2-175188.jpg

عليها ضمان 5 سنين وادائها رائع وانشاءالله تعيش اكتر من كده
وده اللى مخلانى باكد على شراء عدسه معروفه ومعروف مين الشركه اللى مصنعاها مش افرح بالعدسه الرخيصه وبعدين ادوخ فى فك وشراء وتركيب عدسه تانيه