ترومان 555 اول دفعة ابو وش اسمر وجسم فضي قاطع باور

[جون باشا]

اخواني الاعزاء
ترومان 555 اول دفعة ابو وش اسمر وجسم فضي قاطع باور الزبون قالي انه كن بيطفي ويشتغل شوية وكنا بنفصله ونشغله بيشتغل تاني لغاية ما قطع خالص
ومفيش اي مكثفات منتفخة في الجهاز
ارجو من سيادتكم المساعدة في تحديد العطل وتصليحه
وشكرا لحضراتكم مقدما

[ABo 3AHD]

أخي الكريم ماهو خرج الباور على هذا. الوضع

[جون باشا]

اخي الغالي انا مبتدأ في الصيانة وعندي افو ميتر ديجيتال
ممكن حضرتك تقولي اقيس خرج الباور ازاي وعلى اي وضع ويبقى كتر الف خيرك

[جون باشا]

اخي الغالي للافادة انا جربت دايرة باور من ريسيفر ترومان تاني الرسيفر اشتغل
اذا العيب حاليا محصور في دايرة الباور وارجو من حضرتك تقولي ازاي اقيس خرج الباور على الافوميتر الديجيتال وشكرا لتعبك معايا

[م/احمد الســيد]

تفضل
watch?v=ptGZs6E7vbg

[م/احمد الســيد]

ودة كمان

watch?v=EkLjBIAT9EU

[جون باشا]

شكرا اخي الغالي عالم الدش على مجهودك الرائع سأتابع واجرب واوافيكم بالنتيجة

[محمدالنوبي]

ودة كمان

watch?v=EkLjBIAT9EU
الله ينور عليك اخي الحبيب واالف مبروك

وضف صحب الجهاز رجع علي الفيوز وفي عداد اربع 4 سلكون وحد 1انبير يتم تغيرهم

ورجع علي الا اي سي

[جون باشا]

اخي الغالي الفيديو ده بيشرح طريقة استخدام الافوميتر عامة انا محتاج اعرف طريقة قياس خرج الباور يعني محتاج حضرتك تشرحلي احط المؤشر على اي رقم قياس واضع الموجب والسالب فين لقياس الخرج معلش انا عارف اني هتعبكم معايا بس انا واثق في جدعنة وخدمة رجالة مصراوي العظماء

[م/احمد الســيد]

تفضل اخى

watch?v=iZoyhBK9oMo

[جون باشا]

استاذي الغالي حضرتك الفيديو ده برضه موجود عندي وهو فيديو ممتاز بيوضح اعطال الباور زيادة او نقصان او قطع كامل او قطع في احد الخطوط وطريقة علاجه وبيوضح اكتشاف الاعطال عن طريق القياس .. اللي انا محتاجه بقى حضرتك تتعب معايا وتكتبلي طريقة القياس في سطرين تلاتة كدة لاني اما اني فاقد خطوة معينة في طريقة القياس او ان الافو ميتر فيه عيب وهو جديد هو بيشتغل كويس وبيقرا على وضع الصفارة .
انا محتاج حضرتك تقولي عند قياس خرج الباور اضع مؤشر الافوميتر على اي قياس واي فولت من قياسات الفولت الموجودة واضع المجس الاحمر والاسود فين اثناء القياس وبكدة يبقى لحضرتك جزيل الشكر

[ABo 3AHD]

حبيبي اسمعني
تقيس المكثف الكبير
شوف عليه كام فولت
تخلي الموشر علي 1000
هتحط الاحمر علي موجب المكثف والاسود علي السالب
تابع معايا انا عشرة دقايق

[جون باشا]

اخي الغالي انا ركبت دايرة باور سليمة للجهاز والجهاز اشتغل وبقيس المكثف الكبير على الوضع اللي حضرتك قلته 1000 للتجربة ووالريسيفر شغال يعني مفروض يديني قياس صحيح احيانا القراءة تديني صفر واحيانا يظهر رقم كبير ويختفي ومع تحريك الاحمر والاسود لتأكيد تلامسهم مع طرفي المكثف احيانا تظهر ارقام وتختفي وكل مرة تظهر ارقام مختلفة ومع العلم اني بقيس والجهاز متوصل على الكهرباء المباشرة والريسيفر شغال .. هل كدة انا بشتغل صح ولا فيه حاجة غلط

[جون باشا]

اخي الغالي حصلت حاجة غريبة بل وغريبة جد بعد ماخلعت دايرة الباور السيلمة اللي كنت بجرب بيها ووصلت دايرة الباور اللي مفروض انها بايظة عشان اشوف الدنيا فيها ايه قام خير اللهم اجعله خير بشغل الجهاز لقيته اشتغل من غير ما اغير اي حاجة او اسخن على مكثفات ولا غيره فهل من تفسير ؟
الحاجة التنية بالنسبة لموضوع القياس انا حاسس ان العيب في الافوميتر مع انه جديد . هو شغال كويس على وضع الصفارة وبيقيس السليكونات لكن في قياس الفولتات مش بينطق خالص مع اني اعتقد اني بقيس بطريقة صح .. فهل في طريقة لتجريب صحة الافوميتر علما بأني بقيس بيه اجهزة سليمة للتجريب وبرضه دايما واقف على رقم 1
اسف على الاطالة وشكرا لحضراتكم

[م/احمد الســيد]

مشط الباور مش راكب كويس او سوكت الباور يا غالى
مبروك عليك عودة الجهاز

[ABo 3AHD]

مبروك. أخي الكريم. وتابع. معنا ونتا تتعلم. اكثر

[جون باشا]

اخواني الاعزاء حصلت مشكلة تاني في الجهاز
وانا بظبط القنوات سبت الجهاز شغال حوالي 10 دقايق وكنت بعمل مشاركة في المنتدى وبصيت بعدها لقيت الجهاز كاتب على الشاشة الامامية 88:8 طبعا طفيت الجهاز وبشغله تاني يادوب جابلي كام شرطة ضعيفة جدا على الشاشة واختفو وكل ما اطفي واشغل تجيلي كام شرطة ضعيفة ويختفو تاني بعد كدة الشهاز فصل تاني خالص يبقى كدة المشكلة فين

[جون باشا]

للافادة العطل كان في سليكونات خط 3.3
شكرا لكل من تابع واهتم ورد على الموضوع

[جون باشا]

وبالنسبة لسؤالي على طريقة القياس انا كنت بقيس صح لكن للاسف الافوميتر هو اللي كان بايظ عشان كدة شككني في نفسي وكنت بسأل لاني كنت حاسس ان فيه حاجة غلط