كلمة حق فى قنوات beIN Sports !

[عبدالرحمن عطا]

انبارح السبت ... بدأ بنهائى بطوله اسيا واستوديو من الملعب ومعلق عربى زى فهد العتيبى ومراسلين جوا وبرا الملعب ومن مكان الاقامه .. الدورى الانجليزى ونقل كل الماتشات مباشر وبتعليق عربى واستوديو تحليلى من الملعب لماتش تشيلسى ومانشستر سيتى وتعليق عربى وتغطيه للماتش اقل مايتقال عليها انها ابداع .. الدورى الاسبانى ونقل ماتش ريال مدريد وبعده ماتش اتليتكو مدريد واستوديو تحليلى فيه محللين بيفهو ومعلقين على اعلى مستوى .. بطوله افريقيا واستوديو تحليلى جميل قبل كل ماتش بساعه وافضل معلقين على الماتشين زى رؤوف خليف والشوالى .. تغطيه بطوله اليد من الملعب وبطوله استراليا للتنس .. ده كله غير الدورى الايطالى والالمانى وباقى ماتشات الدورى الاسبانى اللى كلها اتنقلت مباشر ومعلقين عربى .. تخيلو بقى انك لو حسبت الاشتراك لليوم هيطلع تقريبا 3جنيه ونص تخليلو يوم زى ده يكون تمنه 3جنيه ونص .. عاوز اقول انها قناة مبدعه واشتراكتها بالنسبه للى بتقدمه يعتبر اسعار رمزية

[علىدش]

شكرا ياغالى

[ايهاب شرف 10]

بمعني؟؟؟؟؟؟؟؟؟؟؟؟؟؟؟

[أبـو رضـا]

بمعني؟؟؟؟؟؟؟؟؟؟؟؟؟؟؟

بمعنى ان الراجل بيقول رأيه
بكل صراحه وهو شايف ان القنوات دى
عندها تغطية رائعة ودى حريه الرأى

[mody@body]

فعلا القنوات تغطيتها ممتازه جدا وعلي مستوي عالي
بالرغم من ارتفاع ثمن الاشتراك بس مش كتير علي المجهود ده

[mr ramo]

علي رايك الواحد يشترك شرعي ويريح دماغه

احسن ما عمالين نعمل افراح علي ثغرة هنا ولا هناك و ******* وتقطيع وقرف

[أبـو رضـا]

بالرغم من ارتفاع ثمن الاشتراك بس مش كتير علي المجهود ده

القنوات سعرها مش غالى
مقارنة بالريسفر يعمل IP TV
واشتراك نت 1 ميجا غير طبعا الصورة
الرديئه والتقطيع الممل الباقة ينقصها القنوات
الترفيهية زى قنوات ART زمان

[mohamed kotp]

بجد القناه دى من القنوات الاولى على العالم وبدون تعصب

[hassan hulk]

انت اقنعتني وطلعتها في دماغي
بس مش عااايز ارمي فلوسي ف الهوا عشان انا اصلا مش بحب قطــــر ولا سيرتها
الواحد ممكن يشتركـ شرعي في يس
احسن ميشتركـ شرعي في بين قطرائيل وفلوسي تروح لموزة وعيالها لا خلينا ف ابو بلااش احسن
هي دهوك ولا ارتيرياII ولا راه فردا ولا افغانستانـ1
ولا نوفا سبورت وغيره وغيره
حرية رائي مش اكتــــــــر

[اليوفنتوس الكبير]

والله اذا كانت شايف التغطيات قبل كده
اسمحلى اقول لك ان تغطية ابوظبى لدورى الانجليزى احسن مية مرة من تغية BEIN SPORT لنفس الدورى
تغطية الدورى الايطالى مش مثلية يكفى ان اقوال لك ان هناك مباريات لكبار ايطاليا زى الميلان والانتر واحيانا روما بدون استديو اين المثالية فى ذلك
ام عن تغطية البطولات الكبيرة زى امم اسيا وامم افريقيا يكفى ان اقوال لك ان بطولة الخليج كانت كلها بى اثين قناة صوتية لكل البطولة لكن بطولة امم افريقيا وبطولة امم اسيا المباريات بى قناة صوتية واحدة
انا بصراحة ما شايف تغطية مثالية تغطية جيدة لكن البطولات لو رحت لو قنوات حتشوف تغطية اخرى زى الدورى الانجليزى ايام ابوظبى وزى الفورملا 1 وبطولة استراليا المفتوحة لتنس الى ايام ابوظبى كانت بتغطية افضل كثيرا من تغطية BEIN SPORTالان

[مصطفى - جابر]

كلام صحيح الواحد مننا يرمى فلوسه لقطرائيل وفلوسه تروح لموزة احنا نسمع و هم ياخدو فلوس و شوف بقى كام واحد مشترك فى مصر وفى الخارج فى البين سبورت نفسى اعرف مصر ما تعرفش تعمل مجموعة قنوات زى قطر ولا هم احسن مننا فى اى

[اليوفنتوس الكبير]

كلام صحيح الواحد مننا يرمى فلوسه لقطرائيل وفلوسه تروح لموزة احنا نسمع و هم ياخدو فلوس و شوف بقى كام واحد مشترك فى مصر وفى الخارج فى البين سبورت نفسى اعرف مصر ما تعرفش تعمل مجموعة قنوات زى قطر ولا هم احسن مننا فى اى

هم مش احسن مننا ولا حاجة بس اسعار البطولات دية مبلغ فيها جدا هم بيدفعو
مبلغ فيها فى هذه البطولات يكفى انت تعارف مثال كرة اليد لم تم شراء منتخب كامل مفهش ولا لاعب قطرى علشان يوصل بيها نهائى كاس العالم لكرة اليد

[moodyemam]

بالنسبة لواحد بيتابع معظم الدوريات
الإشتراك أوفر من مرمطة التركيبات و المتحرك و ******* الثابت و العدسة المستوردة و اللغات الغريبة اللى بوظت وداننا
الباقة دى الوحيدة فى العالم اللى بتنقل كل حاجة و بتنقل الدوريات بكل ماتشات الأسبوع مفيش باقة تانية بتعمل كده
باقة رائعة بس الاحتكار قذر

[عبدالرحمن عطا]

مصر مش عارفه تطور التليفزيون المصرى تقولى ماتعملش قنوات زيها ليه !! -_- ..

[mohamed_egy]

الاخ صاحب الموضوع شغال فى شبكة قنوات beIN Sports
وبيعمل لها دعاية علشان ال beIN Sports خسرت كتيرر جدا من بعد نظام التشفير الجديد

[moodyemam]

كلام صحيح الواحد مننا يرمى فلوسه لقطرائيل وفلوسه تروح لموزة احنا نسمع و هم ياخدو فلوس و شوف بقى كام واحد مشترك فى مصر وفى الخارج فى البين سبورت نفسى اعرف مصر ما تعرفش تعمل مجموعة قنوات زى قطر ولا هم احسن مننا فى اى

أنت فعلاً مش عارف هما أحسن مننا فى ايه ولا بتهذر
إحنا عندنا كهربا عشان نشترى حقوق دوريات بميزانية دولة
الناس دى احتكرت كل حاجة بفلوسهم و هياخدوا كاس العالم لكرة اليد بفلوسهم
و التليفزيون المصرى ببساطة عليه ديون لاتحاد الكورة عشان مبيدفعش حقوق الدورى المصرى اللى هى فكه اصلا ما بالك اقوله اشترى دورى ب 500 مليون
ده فرضاً طبعاً 500 مليون دول أقل من اللى بيدفع بكتير

[amr2003]

والله انا رائى ان مصر تطور القنوات الرياضية وتشترى جميع الدوريات العالمية وتشفر القنوات واحنا معاها ونشترك بنفس راضية على الاقل الفلوس متخرجش برة

[moodyemam]

والله انا رائى ان مصر تطور القنوات الرياضية وتشترى جميع الدوريات العالمية وتشفر القنوات واحنا معاها ونشترك بنفس راضية على الاقل الفلوس متخرجش برة

ده على اساس اننا هنقدر نعلى على عرض BEIN ولا هما هيرضوا يقسموا معاك الحقوق أنتوا عايشين فى عالم موازى يا جدعان
إذا كانت ART و *** و AbuDhabi مقدروش يقفوا قصادها إحنا هنقدر

[خالد99]

تملم

[سامى عرابى]

الاخ صاحب الموضوع شغال فى شبكة قنوات beIN Sports
وبيعمل لها دعاية علشان ال beIN Sports خسرت كتيرر جدا من بعد نظام التشفير الجديد
كنت عاوز اقول نفس كلامك لكن حضرتك سبقتنى
وانا اقول له قل للجزيره ترخص الاشتراك فى مصر الى 500 جنيه من غير شروط او تغيير فى المحتوى او دفع اى زياده مقابل مشاهدة بطوله كبيرى
بكده ممكن ناس كتير تشترك