الى كل من يعمل بمجال الدش بمصر

[م/علاء يحيي]

يا جماعه انا فنى زيكوا برده بس معلش انا متولدتش متعلم اركب دش وابقى فنى صيانه وشغل زى ده وغيره وغيره يعنى معلش كل الشغل وبتيجى حتة انك فنى دى من الشغل الكتير والخبرة ليه احنا بنقول على اللى لسه مبتدأ بنقول عليه بتاع محارة فيه ايه اما يكون الواحد معاه كذا شغلانه وحكاية نركيب الدش دى بقت مش شغلانه يعنى دلوقتى اى واحد بيركب دش وبيتعلم شويه شويه هيبقى فنى زى ما الواحد عمل كده بالظبط زيي وزيك ولا انا غلطان يبقى منجرحش فى الناس بس مهما كان في ميزات عن الفنى فى اللى لسه مبتدا وانا بسميه مبتدا مش بتاع محارة ونجار وغيره

[ابويوسف]

انا فاكر اول ما جبت دش انالوج 7000 بلص
الفنى خد 200 جنية تركيب
الوقتى رخص ولا غلى
طبعا الواحد عندة خبرة فى هذا المجال
ولاكن اصحابى كتير فى هذا المجال
تحياتى واحترامي

[احمدابراهيم علي]

ايوة والله كل واحد ليه رزق

[مدحت المعاون]

الله انى أعوذ بك من الهم والحزن .
وأعوذ بك من العجز والكسل .
وأعوذ بك من الجبن والبخل .
وأعوذ بك من غلبة الدين وقهر الرجال .

[خليل د ش]

لا تعليق اكثر مما قيل
ولا حولا ولا قوة الا بالله العلى العظيم

[محمد اسكندر]

patch_music1--

[محمد اسكندر]

واللة ممكن نوحد الاسعار لية لا

[محمود سنوسي]

انا فاكر اول ما جبت دش انالوج 7000 بلص
الفنى خد 200 جنية تركيب
الوقتى رخص ولا غلى
طبعا الواحد عندة خبرة فى هذا المجال
ولاكن اصحابى كتير فى هذا المجال
تحياتى واحترامي


معلش ياعمده بقي كان زمان الايام دي بس انا فاكر اني مختش منك حاجه

علشان احنا اصحاب والبيت جنب البيت وما ينفعش اخد منك فلوس

فين ايام الزمن الجميل

[nana_bb]

لو يرجع تانى عصر المتحرك والله والله واحد من العشرة من اللى بيركيبو مش بيعرفو يركبو متحرك وخلاص السباكين والنقاشين واحد عجلاتى يقفل المحل ويفتحو دش

[ابوشهبور]

اجمل تحليل لهذا الموضوع

[sobhy 77]

مفيش حاجه بتفضل علي حلها انا عندي شبكه دش والمشتركين كانو 200 مشترك دلوقتي 75 والحمد للهpatch_no:::

[المصريه للدش]

كده كده اللي هيركب من ابو عشره هيرجع لكوا ماتقلاقوش عشان الموضوع مش تركيب بس دا فن هما فاكرينها ركب واجري لا والله العمليه اكبر من كده ولما يرجع لك اكويه وعرفه قيمة الغالي من الاول

[خالد المصرى]

لا تعليق انتوا قلتوا كل ألى الواحد عايز يقولوا

[tefffaa]

بجد موضوع حلو اوي
انا قريت التعليقات واحد واحد
وشايف انو فعلا العمليه رخصت وبوخت اوي
وفعلا كل شيء بيغلا
اشمعنا بقا التركيب كمان ميغلاش
انا عن نفسي


بركب النايل ب 40 والقمرين ب 60 وبالنسبه للسوفت
انا بطلت اعمل سوفت إلا للأجهزه اللي بيكون فيها عطل مثلا او اديها ملفات قنوات
لكن سوفت لفتح المشفر علي القمر اياه الحمدلله بطلته من زمان لأن الواحد بيشيل وزر زي اللي بيتفرج بالظبط
والله الموفق

[محمد عبد الفتاح]

مبلاطين و بتوع لبن و سباكين و كهربائية و نجارين ----------- الخ

والله العظيم كل ما ذكرتهم هؤلاء يعملون فى بيع وتركيب وصيانة و سوفت وير

منتظر اية ؟؟؟؟؟ انتا فاهم طبعا

كل سنة وانتا طيب

وللاسف 60% من سبب هذه الفوضى هى المنتديات الخاصة بالستالايت

كل واحد يطلع يعملى موضوع ويشرحولهى بالصور كأنة بيشرح مشروع تخرج من كلية هندسة خلى كل من هب ودب يشتغل فى الدش

يا اخى اقسم بالله ركز فى كتابة الاعضاء للمشاركات ستجد اخطاء املائية فظـــــــــــــــــــــــــيعة

عمرك شوفت واحد مشرف كل مشاركاتة كاتب كلمة ( هذا ) بيكتبها (هزا ) اساسا دا خد ابتدائية ازاااااااااااااااااااااااااااااااااااااى

يعنى من الاخر بيكتبوا عربى بالعافية

وكل واحد كتبلى مع تحيات مهندس فلان ومهندس علان

حسبى الله ونعم الوكيل



يا جماعه انا فنى زيكوا برده بس معلش انا متولدتش متعلم اركب دش وابقى فنى صيانه وشغل زى ده وغيره وغيره يعنى معلش كل الشغل وبتيجى حتة انك فنى دى من الشغل الكتير والخبرة ليه احنا بنقول على اللى لسه مبتدأ بنقول عليه بتاع محارة فيه ايه اما يكون الواحد معاه كذا شغلانه وحكاية نركيب الدش دى بقت مش شغلانه يعنى دلوقتى اى واحد بيركب دش وبيتعلم شويه شويه هيبقى فنى زى ما الواحد عمل كده بالظبط زيي وزيك ولا انا غلطان يبقى منجرحش فى الناس بس مهما كان في ميزات عن الفنى فى اللى لسه مبتدا وانا بسميه مبتدا مش بتاع محارة ونجار وغيره



يعنى حضرتك انا بجوار عملى الاساسى وهوا الالكترونيات اشترى طالوش محارة

وشكوش و منشار خشابى وعدة سباكة

وقول من انهاردة انا هيكون ليا اكثر من شغلانة بتاع كلـــــــــــــــــــــــــــــــــــــة والناس تقول عليا مبتداء مش كفتجى يعنى

هههههههههههههههههههههههههههههههههههههههههههههههههه هههه

والله حرام عليك اللى انتا بتقولة دا يا عم ارحمنا ربنا يرحمك

[حمادة صلاح]

اللة ينور يا مصراوية بس ياريت تعملو كدة

[hassan_ez]

انسى يا عم التركيب مبقاش مهنه كل الناس بقت تعرف تركب الدش الثابت وانا مش برخص اسعارى مع العلم ان فيه ناس جانبى بتركب النايل سات بي 10 جنيه اما انا بركبه بي 30 واللى عاوز اهلا بيه واللى مش عاوز يغور وربنا بيرزق كل واحد

[mahmoud.farawla]

وهذا ما تريدة الحكومة الفاسدة

وهو ان الشعب ياكل فى بعضة علشان محدش لقى ياكل

وارتفاع الاسعار المستمر بقة فوق الوصف والتجار خلاص احتلو البلد

والتاجر من دول يرش شواية فلوس على الحكومة ويمص فى دم الغلابة

يعنى بيرشى الحكومة علشان يمص فى دم الغلابة

وبقول لى الفنى الى بيركب دش انت احسن من غيرك كتيــــــــــــــــــــر

انت ممكن تركب طبق او اتنين مع سوفت ولا اتنين

يعنى قول بتحصل على 30 جنية فى اليوم مش بطال وحلو اوى انك بتاخد وانت فى مصر

30 جنية فى اليوم

غيرك مش بيحصل 20 جنية وشغال طول اليوم بيشيل طوب واسمنت ورمل وظلط

فحالك ليس لوحدك اخى بل حال اكثر من 50 مليون مصرى تقريبا

فدعو الله ان يخلصنا من الحكم الظالم هذا حكم مبارك الغاشم والذى مباح فية الظلم

والطغيان واكلى لحوم البشر

لا تستغرب على كلمة اكلى لحوم البشر بلفعل هما اكلى لحوم البشر بما يفعلونة فى هذا

الشعب

تصدقو انا بدات اكره المقولة المعروفة وهى


لو لم أكن مصرياً لودت أن أكون مصرياً


على اية يعنى اية الى بقة فى البلد حلو الشمس والهواء بكرة يحسبونا علية
الى بيشيل طوب ورمل اخى اليوم يوميته لا تقل عن 50 جنيه
احنا بس الى بيرخص سعرنا
بنركب ب 20 جنيه ومش عاجب الزبون يقولك انت اخذت وقت كام وعملت ايه
عايزك تظل اليوم كامل فوق السطح علشان يعطيك ال 20 جنيه
يوم الجمعه الفائت ركبت طبق عند صنايعى سيراميك يوميته لا تقل عن 120 جنيه كان قرب يتخانق معى لما اخبرته ب 20 جنيه ثمن التركيب
يعنى نعمل ايه فى البلد ده نسرق ننهب
رجل شغال كل يوم يوميته 120 جنيه مستكتر 20 جنيه على تركيب الطبق
ادى الشعب المصرى
مع العلم لكثرة العك عندنا بركب الطبق ب 20 جنيه
مع العلم بركب من سنه 2004
لا حول ولا قوة الا بالله

[علاء مدكور]

انا فنى وليه محل صيانه فى البلد
اعرف واحد حلاق وليه محل حلاقه ويركب دش
يعنى الحلاق عاد بيركب دش كمان

[adeldesh]

المشكلة في الاخر ان الاخوه المحترمين اللي هايتجاوبوا
كلهم علي مصراوي
ولكن اللي مش فاهمين مش ممكن يكون عندهم كمبيوتر ولانت
هما دول اللي مبهدلين الفني الاصلي