هقولكم فكرة وعايزة مساعدتكم وبالفكرة دى هنحل مشكلة قنوات ***

[remoo11]

بصوا ياجماعة الموضوع من اولة باقة *** من المعروف انها بتذيع احدث الافلام الاجنبية وباقة البى ان سبورت بتذيع الماتشات المهمة
بالنسبة للبى ان فى كلام انها هتتكسر وحتى لو متكسرتش كلنا بقينا عارفين حكاية البدايل ومش بنغلب فى متابعة اى مباراة
كلامى مظبوط لحد دلوقت ؟؟؟؟؟؟؟؟؟؟؟ اوك
طيب هل فى بدائل لقنوات *** ؟
الاجابة . ايوة فية ومن اهم لبدائل قنوات yes على القمر اموس 4 غرب
طيب المشكلة انها مش بترجم الافلام غير للعبرى واروسى ومن سنة كانت بترجمها عربى وتوقف الخدمة الخاصة بالترجمة العربية
المهم بقى /
انا دخلت على موقع القنوات وراسلتهم على الاميل بالرسالة دى
we need arabic translation as before for films and movies and programes that show in yes chaneels
many and alot of pepole want to subscripe in yes paqage bu want arabic translation
الترجمة : احنا نريد ترجمة الافلام والبرامج الى اللغة العربية على باقة قنوات يس كما كانت من قبل . بالاضافة الى ان الكثير والعديد من الاشخاص يريدون الاشتراك فى باقتكم ولكن يحتاجون الى الترجمة العربية(طبعا لا هنشترك ولازفت بس هنضحك عليهم عشان يطمعوا فى اشتراكات جديدة وهما نتنيين وبيموتوا على القرش )

بعد كدة هما بعتولى على الاميل الرسالة دى

קיבלנו את פנייתך,
אנו נשוב ונעדכנך תוך יום עסקים (לא כולל ערבי חג וחג)
שים לב, במידה ומדובר בתלונה, פנייתך תועבר לפניות הציבור ותענה תוך 5 ימי עסקים (לא כולל ערבי חג וחג)
בתודה,

חברת yes

الترجمة :
تلقينا طلبك،
سنعود واليوم عمل (باستثناء عطلة الليالي والأعياد)
لاحظ أنه يتم الرد على الشكوى، والاسئلة في غضون 5 أيام عمل (لا تشمل عطلة الليالي والأعياد)
شكرا،

الشركة يس

بصوا بقى قولولى رايكم ان عجبتكم الفكرة عايز كل واحد يبعت الرسالة اللى انا بعتها ملحوظة الموقع بالعبرى بس لو عجبتكم الفكرة هشرحلكم بالظبط وبالصور ازاى هتبعتوا الرسالة لموقعهم
فى انتظار ردكم ونصيحتكم ليا وتعاونكم معايا او رايكم بالغاء الفكرة اصلا
وشكرا مقدماا رجالة مصراواى

[اليوفنتوس الكبير]

والله مش فارقة معاية لان قنوات الافلام البدائل كثيرة عندك مجموعة قنوات mbcوfoxوقناة توب موفيز وكمان قناة ماجتستك سينما وقناة سينما 1 بتعت الافلام الاجنبى بنسبة لافلام الاجنبى مفيش مشكلة خلاص ومش محتاجين ولا ترجمة ولا شى وعلى فكرة مكن ده يجيب نتجية عكسية بمعنى انهم لو ترجموا عربى وما لقوش زيادة فى عدد المشتركين من يفكروا فى التحول لبث الامن

[remoo11]

اولا ياعلى هية باقة يس فى البث الامن فعليا ولكن مكسورة واتاكد حضرتك من الاعضاء
ثانيا افلام باقة يس لاتقارن من حيث قوتها وانها احدث من القنوات اللى حضرتك قولت عليها
بالاضافة الكبيرة والهامة انها بدون اى فواصل او اعلانات يعنى مش هتشوف ساعة اعلان لغاية ماتزهق من الفيلم والقناة نفسها
واخيرا احترم رايك طبعا

[ياسرعجوه]

انت عايزنا نكلم اليهود ونطلب منهم ترجمة عربى يبقى عيب فى حقنا وحق كل مصرى وانا عن نفسى مستحيل ابعت رسالة الى يهودى واكلمه لو مش هسمع افلام تانى مدى الحياة

[remoo11]

طيب يا استاذ ياسر فى اعضاء كتير بتتفرج على قنوات الرياضة والمصارعة اللى على قمر اموس
وناس كتير اتفرجت على كاس العالم على قنواتهم
الحكاية مش حكاية يهود ولا غيرة لو نجحت الفكرة هنبقى ضحكنا عليهم بس واتفرجنا على الافلام ببلاش

[محمدزينهمhd]

والله يا استاذ ريمو هى فكرة جميلة و اللى يجي منهم احسن منهم

[ياسرعجوه]

دول يهود يا اخى يعنى متجيش تحت ضرسهم والناس اللى بتتفرج على على قنوات الرياضة والافلام بتاعتهم مفيش مشكلة لانها مش افلام يهودية ولا رياضة اسرائيلية ولكن انا بتكلم على موضوع الرسالة اللى حضرتك بتقول عليها دى تعتبر خيانة لبلدك واحنا بكده بنفتح لهم مجال المراسلة معانا وبعد كده صداقة وصحوبية ومفيش مانع شوية معلومات عن مصر والقادم لا يعلمه الا الله بالنسبة لاصحاب النفوس الضعيفة انا ارفض الفكرة وبشدة وكل شخص حر فى وجهة نظره ( تحياتى اخى الحبيب )

[remoo11]

لا يا استاذ ياسر الموضوع مش زى ما حضرتك فاهم
دى رسالة هنبعتهم وبعد كدا فى ستين داهية هما
احنا هنتفرج على الافلام ومفيش اى رسالة تانى ليهم ولا اى كلام مع الكلاب دى
ثانيا زى ماحضرتك بتقول ان قنوات الرياضة والمصارعة مفهاش اى حاجة اسرائلية برضة قنوات الافلام كلها افلام امريكية يعنى مالهاش اى دعوة بالصهاينة خالص
انا محترم رايك جدااا بس الموضوع مش حكاية مراسلات وصداقات وكدة احنا عايزين نضحك عليهم بس نتفرج ببلاش ونطمعهم انننا هنشترك بس كدة

[data2008]

المشكله مش مشكله افلام اجنبيه
قنوات الافلام الاجنبيه مفيش اكتر منها
وكمان فى رسيفر بيترجم الافلام من الاقمار التانيه
ببلوجن الترجمه من غير ما تراسل القنوات ولا اى حاجه
...................................

[remoo11]

البلوجن دة فى رسيفرات دريم بوكس بس وانت عارف تمنها كام طبعا ؟
ولو حضرتك تعرف ازاى اعمل البلوجن دة على رسيفر استرونج 4950h قولى ازاى من فضلك

[وليد حبى]

http://img908.imageshack.us/img908/7278/PFYAi9.jpg

http://img538.imageshack.us/img538/4310/DmI946.jpg

http://img673.imageshack.us/img673/3424/rtXBmC.jpg

http://img538.imageshack.us/img538/4333/jiQhOL.jpg

ولا اوسن ولا غيره

[remoo11]

قنوات اية دى استاذ وليد من فضلك وترجمتها ازاى ؟

[وليد حبى]

دى قنوات من الباقات الاوربية على الهوت برد اخترت من كل باقة قناة على سبيل المثال

والترحمة ببلوجين الترجمة على الدريم بوكس 800

ويمكن ترجمة اى فيلم على اى قناة على اى قمر

[وليد حبى]

http://img909.imageshack.us/img909/8308/YIN4JO.jpg

باقة yes اللى انت عايز ترجمتها

[remoo11]

تمام يااستاذ وليد المشكلة مش كلنا عندنا الدريم بوكس طبعا وتمنة غالى شوية
ثانيا مهما كانت القنوات الفرنسية ليست بقوة القنوات اللى بتذيع الافلام الامريكية
وباقة يس عبارة عن 5 قنوات متخصصة فى الحاجات الامريكية الحديثة
بالاضافة للمسلاسلات كمان
دة راى المتواضع لحضراتكم

[وليد حبى]

تمام يااستاذ وليد المشكلة مش كلنا عندنا الدريم بوكس طبعا وتمنة غالى شوية
ثانيا مهما كانت القنوات الفرنسية ليست بقوة القنوات اللى بتذيع الافلام الامريكية
وباقة يس عبارة عن 5 قنوات متخصصة فى الحاجات الامريكية الحديثة
بالاضافة للمسلاسلات كمان
دة راى المتواضع لحضراتكم

اولا بالنسبة لتمن الدريم بوكس غالى بس لاحظ انت بتشترية مرة واحدة وتعيش الى جانب انت بتشترى رسيفر تحفة وسعرة حاليا يمكن 1500 جنيه او اكتر شوية واظن احسن ما تروح تشترى رسيفر خردة ب 400 او 500 جنية

ثانيا مين جاب سيرة القنوات الفرنسية دلوقتى انا حطيت قناة من اسكاى ايطاليا واخرى من السيفرا والبولسات وكمان حطيت قناة على سبيل المثال من باقة yes ويمكن ترحمة كل باقة yes او غيرها

[remoo11]

طيب وكل ما احب اترجم فيلم اعمل اية ؟
افضل ادور على ملف ترجمة على النت واحطة مع البلوجن ولا اعمل اية ولا هو هيترجم لوحدة من فضلك
لانة لو هيترجم لوحدة هنزل اشترية دلوقت ههههههه

[وليد حبى]

طيب وكل ما احب اترجم فيلم اعمل اية ؟
افضل ادور على ملف ترجمة على النت واحطة مع البلوجن ولا اعمل اية ولا هو هيترجم لوحدة من فضلك
لانة لو هيترجم لوحدة هنزل اشترية دلوقت ههههههه

اخى شفت الصور اللى انا رفعتها كلها عليها افلام مختلفة انا ترجمتها كلها فى ثوانى بمنتهى السهولة من غير لا لف ولا بحث ولا غيره

العملية كلها زىما انت عارف ان اسم الفيلم بيكون مكتوب فى لوحة المعلومات بتاعت الرسيفر ادامك بتدخل على بلوجين الترجمة بيظهرلك اسم الفيلم المعروض اللى مشغلة بتضغط عليها بتلاقى اكتر من ترجمة متوفرة طبعا البلوجين ده بيبحث فى ثوانى على الترجمة المطلوبة بتضغط على اى ترجمة من عشرات الترجمات اللى بتظهرلك والدريم بيشغلها مع الفيلم وبعدين من البلوجين بيظبطلك الترجمة مع الفيلم علشان لو انت شغلت الترجمة مثلا فى نص الفيلم

[tefffaa]

انت عايزنا نكلم اليهود ونطلب منهم ترجمة عربى يبقى عيب فى حقنا وحق كل مصرى وانا عن نفسى مستحيل ابعت رسالة الى يهودى واكلمه لو مش هسمع افلام تانى مدى الحياة


كنت هقول كدا بس الراجل جاب من الاخر

[remoo11]

استااذ وليد متاكد من حكاية البلوجن دى؟؟؟؟؟؟؟؟؟؟
يعنى لو اشتريت الدريم بوكس هيترجملى كل الافلام ؟
طيب اجيبة منين البلوجن دة ؟
وطريقة عملة ازاى ؟ يعنى بيجيب الترجمة لوحدة من النت ؟
وهل فى بلوجن لباقى انواع الرسيفرات ولا الدريم بوكس من فضلك ؟