كرم عص
2015/03/10, 03:50 AM
انا ولدى كان موظف وتوفى وانا الواصى على اخى القاصر قدمت اوراق الوصايه فى المعاشات وكله تمام والمعاش نزل باسمى لانى انا الواصى على اخويا لان امى متوفيه بردو وفضل المعاش ينزل باسمى لحد ماقررت السفر فكنت مضطر اعمل توكيل لمراتى علشان المعاش ينزل باسمها وعملت توكيل لمراتى فى 2012 وبالفعل تم نزول المعاش باسمها لحد وقتنا هذا فراحت تقبض معاش شهر 3 قلولها المعاش مقفول فعاوز اعرف ايه حل المشكله دى مع العلم ان اخى لسه قاصر وعنده حاليا18 سنه فذهبت للمعاشات علشان اعرف ليه المعاش مقفول الموظف قلى ممكن يكون التوكيل اتلغى وعايز يتجدد وبحث على الكمبيوتر على ملف ولدى ظهر كل البيانات بس ماظهرش اسم اخى القاصر الى هوا يستحق المعاش فقلى مافيش مستحقين قلتله ازاى انا ليا اخى قاصر ولسه عنده 18 سنه وباخد معاش ليه بقالى كام سنه قلتهم ازاى مش ظاهر عندكو طلبو منى اجيب الملف بتاع ولدى من موظف الارشيف وجبت الملف قلولى الملف تمام ومافيش فيه اى مشكله والمعاش شغال قلتهم امال المعاش مقفول ليه ماحدش بردو فدانى من الموظفين والاخر عملى طلب اعاده صرف المعاش والغاء التوكيل الى كنت عمله لمراتى وقلى تجى كمان 20 يوم اما نشوف الملف وان كان كده هنعملك شيك بصرف الشهر ده بس انا قلقان قوى مش عارف ليه المعاش مقفول والموظفين مافدونيش باى حاجه فهل قفل المعاش ده ممكن يكون مده التوكيل خلصت ولا ممكن يكون غلطه موظف افيدونى افادكم الله لان السن المستحق لاخى حتى ينقطع المعاش هواسن 21 عام وهوا عنده دلوقتى 18 سنه وهل لم يتم 21 سنه ممكن اقدم جواب من الوحده المحليه عندنا انه لا يعمل بالقطاع الخاص او العام علشان يمده المعاش لسن 24 سنه لانى ليس معه دبلوم هوا طالع من تانيه دبلوم وكان فضله سنه بس هوا كان عاد سنه فعلشان كده اضطر يسافر لانه لو كان قعد لحد ماياخد السنه الاخيره فى الدبلوم هيوصل سنه19 سنه وهيخش الجيش فعلشان كده سافر وهوا مخلص تانيه دبلوم نظرا للظروف الماديه ولو الجواب بتاع الوحده المحليه ما ظبطتش عاوز اعرف ايه الاوراق الى اقدمها وهوا مسافر بعد بلوغه سن 21 حتى يمتد المعاش لسن24 ارجو الرد والاستفسار فى كل حاجه افادكم الله واسف للاطاله