تسجيل الدخول

مشاهدة النسخة كاملة : اقصى استفادة من طبق ثابت 120

karimbo
2015/03/17, 05:58 PM
السلام عليكم ورحمة الله وبركاته
دلوقت اولا انا بإذن الله هشتري طبق ثابت سمارت 120 سم
سمعت انه كويس بس مش عارف هلاقيه ولا لأ وسعره كام فياريت الافادة هل موجود في باب اللوق ولا لأ وسعره كام؟؟
ثانيا عاوز اجيب المفيد بالطبق ده!! يعني ايه؟؟

الهيسباسات كده كده هركبه على طبق متر قديم عندي

فدلوقت مثلا ال 120 هركب عليه اوروبي ويوتالسات 16 شرق
عاوز اقصى استفادة من الطبق عشان اضمن اغلب الماتشات

اهم حاجة ميفرقش معايا خمسين قمر على قد ما يفرق ان القمر اللي اركبه تكون اشارة ثابتة دون فقد في ترددات الاقمار .. ياريت لو قنوات hd .. وتكون موجودة على الشيرينج

انا مش عاوز اقمار كتير ممكن اتنين كمان بالكتير اعتقد كفاية
قريت واحترت بين

اموس - اللي صرفت النظر عنه عشان مفيش hd وyes مبقاش فيها ترجمة عربي
يوتالسات 3 شرق وفيدات بي ان سبورت
يوتالسات 7 شرق
يوتالسات 9 شرق
يوتالسات 10 شرق
واسترا 19 شرق والحزمة العريضة
واسترا 23 شرق
مش عارف ايه اجمل الاقمار فيهم بجانب الهوتبيرد ويوتالسات 16 شرق في القنوات الرياضية
فياريت الافادة من الناس اللي عندها اقمار مختلفة وجربت اغلب الاقمار دي .. تدينا الزيتونة زي ما بيقولوا patch_rir--
DinaMo
2015/03/17, 06:06 PM
انا عاوز اسال حضرتك .. ليه يوتلسات 16 شرق ؟؟ عليه ايه يخليك تركبه ؟؟؟

ولو حضرتك عندك الهيسباسات والاوربى ومعاهم استرا 19 يبقى مش هتحتاج اى حاجه تانيه :) :)
karimbo
2015/03/17, 06:11 PM
انا عاوز اسال حضرتك .. ليه يوتلسات 16 شرق ؟؟ عليه ايه يخليك تركبه ؟؟؟

ولو حضرتك عندك الهيسباسات والاوربى ومعاهم استرا 19 يبقى مش هتحتاج اى حاجه تانيه :) :)

اولا استرا 19 شرق انا عارف انه غتت في استقباله بصراحة سواء حزمة عريضة بقى او غيره فبصراحة متخوف من كده مع اني عارف انه رائع
الميزة الوحيدة اللي مخلياني افكر في يوتالسات 16 شرق هي ببساطة اني ساعات ادخل ادور على مواقع اللي بتقول الماتشات متذاعة على انهي اقمار بلاقي القمر ده ديما عليه ماتشات مختلفة
انا مشكلتي الاساسية مثلا مع الاوروبي اني يجي الاسبوع في الدوري الانجليزي يكون ليفربول بيلعب مع سوانزي مثلا وتشيلسي بيلعب مع بني عبيد في نفس الوقت .. الاقي كل القنوات جايبة تشيلسي وسايبين ليفربول .. طب ليه الرخامة؟!!!
ثانيا في بعض البطولات زي بطولات الكؤوس في انجلترا سمعت والله اعلم انها موجودة عليه .. اما بقى موجودة على باقي الاقمار ولا لأ معرفش
DinaMo
2015/03/17, 06:13 PM
انا مركب عندى استرا 19 وهوتبيرد وبصراحه على استرا 19 باقة سكاى الالمانيه مش سايبه حاجه .. لوو عندك مشكله فى استقبال الاسترا 19 يبقى 23 كويس وبرده عليه معظم البطولات بالاضافه لقنوات الاتش دى طبعا
karimbo
2015/03/17, 06:41 PM
انا مركب عندى استرا 19 وهوتبيرد وبصراحه على استرا 19 باقة سكاى الالمانيه مش سايبه حاجه .. لوو عندك مشكله فى استقبال الاسترا 19 يبقى 23 كويس وبرده عليه معظم البطولات بالاضافه لقنوات الاتش دى طبعا

شكرا لحضرتك ومنتظرين برضه باقي ردود اخواننا الكرام
mohamed soror
2015/03/17, 06:45 PM
عليك باسترا 23 سنتر و على مسطرة يوتلسات 16 و يوتلسات 9 و اوروبى
karimbo
2015/03/17, 08:07 PM
عليك باسترا 23 سنتر و على مسطرة يوتلسات 16 و يوتلسات 9 و اوروبى

ايه هي القنوات الرياضية على استرا 23 شرق ويوتالسات 9 شرق؟؟
karimbo
2015/03/17, 10:53 PM
في اراء اخرى؟؟
rwhe1000000
2015/03/18, 12:21 AM
الهسبا والهوت واسترا 19 واسترا 23
karimbo
2015/03/18, 11:29 AM
الهسبا والهوت واسترا 19 واسترا 23

يعني من الاخر القنوات الرياضية على استرا 19 شرق بالنسبة للطبق 120 مع القنوات الرياضية على استرا 23 شرق افضل من القمر يوتالسات 16 شرق وسهلة الاستقبال وشغالة على الشيرينج؟؟؟؟