استقبال استرا 1 طبق 240 عدسة انفرتو الترا معدلة

[fataka]

http://i.giphy.com/xTiTnDQ4PqHx8JEtlC.gif
طبعا الى مظبط الطبق العملاق استاذ احمد انور والمكان 6 اكتوبر
مع بعض تعديلات خفيفة عدد القنوات اكتر من 700
دى بعض الترددات السوبر الصورة متحركة التردد مكتوب فوق

[هشام حمدى]

مبروك يا غالى.....

[alamogy]

شغل جامد
1000 مبروك a056--
بس اشمعنه برنامج ال ALT-DVB?
ليه مش ال ProgDVB?
هى مش كروت Tevii شغاله مع ال diseqc??
وياترى ايه هى التعديلات الخفيفه؟
عايزين نعرف patch_sal--

[satytree]

عايزين نعرف

[ayaayatalaa]

تسلم ايدك يا هندسه

[حماد]

الف الف مبروك يا غالى.... والاستاذ احمد قنبلة موقوته ....

[fataka]

شغل جامد
1000 مبروك a056--
بس اشمعنه برنامج ال ALT-DVB?
ليه مش ال ProgDVB?
هى مش كروت Tevii شغاله مع ال diseqc??
وياترى ايه هى التعديلات الخفيفه؟
عايزين نعرف patch_sal--

عشان هوا اكتر برنامج بيجيب الاشارة مظبوطة شوية بقيت البرامج بتجيب معظم الاشارات 75 85 %

[عباس نصرابوزيد]

تسلم ايدك ويسلم ايد احمد انور

[alamogy]

عشان هوا اكتر برنامج بيجيب الاشارة مظبوطة شوية بقيت البرامج بتجيب معظم الاشارات 75 85 %
ده علشان الدرايفر بتاع الكارت مش البرنامج
وبعدين انا مبتفرقش معايا الاشاره اوى طالما القناه ثابته ومش بتقطع
انا يهمنى استخدم البرنامج اللى بحبه
وانا بفضل البروج علشان المبرمج بيحدثه اول باول
ولو انه شغال تحديثات كل يوم الله ينور ههههه
هو انا هتفرج على القناه ولا على الاشاره؟

[خالد99]

فين الترددات وفين صور القنوات

[هشام حمدى]

ازاي الرد بتاعي اتعدل مبروك ياغالي مع اني مكتبتش كدة ؟!

[عادل عامر]

الله ينور استقبال مميز
تحياتى ليك اخى وللاخ المحترم\ا حمد انور

[hassan_zein]

الف مبروك

[خالد ستار]

مبروك الأستقبال ياغالى

والشكر موصول للأخ الغالى الخلوق احمد انور على ضبط الطبق ..

تحياااتى لك

[fataka]

مبروك يا غالى.....

شكرا ياريس

[fataka]

عايزين نعرف

التعدليات لخفيفة دى قصة كبير رغم صغرها ومحدش اتكلم عليها قبل كدة وبصراحة هتبقى فتحة كبيرة يعنى لان فى كلا هنا كتير هيختلف معاها

[alamogy]

التعدليات لخفيفة دى قصة كبير رغم صغرها ومحدش اتكلم عليها قبل كدة وبصراحة هتبقى فتحة كبيرة يعنى لان فى كلا هنا كتير هيختلف معاها
قصة كبيرة وفى نفس الوقت صغيرة؟
وهتبقى فتحه كبيرة؟ دى فزورة؟ M-Dg
اللى هى ايه باءه التعديلات دى؟
وياريت صوره للعدسه والطبق والتعديل على كام سم بعد اذنك

[fataka]

قصة كبيرة وفى نفس الوقت صغيرة؟
وهتبقى فتحه كبيرة؟ دى فزورة؟ M-Dg
اللى هى ايه باءه التعديلات دى؟
وياريت صوره للعدسه والطبق والتعديل على كام سم بعد اذنك

هوا موضوع التعديل بتاع العدسة عشان كل واحد بيعمل التعديل مختلف وبعد قراية كبيرة فى المنتديات وموضوعات اجنبية معظم الكلام الى هنا هجص بصراحة يعنى ومنغير زعل التعديل ملوش ستندارد وطول ثابت ده على حسب كل طبق ومش كدة بس وزيادة الحلقات ملوش لزمة وليه قياسات معينة ومثلا الى مشفتش حد متكلم عنو البوز الى فى اول العدسة والى فى الانفرتو كم معمول قلووظ عشان تعديل طوله ده مثلا مهم جدا جدا فى تركيز الاشارة وفى ناس اجنبية عاملة موضيع طويلة وقدرت تزول من 5-8 فى الميه اشارة باضافة حتة معدن صغيرة جدا او كشط حته من الامام بس وده ملوش علاقة بتطويل الزور من ورة ده من قدام بعد الحلقات علطول بس
انا قصدى مثلا مش المفروض يكون فى موضوع يقول تعديل سترونج على 11 سم لان ممكن 10 و2 ميلى يكون الطول المناسب ليك مثلا وممكن يكون 3 او اربع حلقات وممكن الجزء الاماى يحتاج يكون طويل او يحتاج كشط التعديل مش مجرد تقطع من الزور وتركب انا شفت ناس زودت اشارة بانها لما ركبت الزور لفت الحلقات جوة الزور حاجة بسيطة جدا
انا الطبق بتاعى 210 والفوكل بوينت بايظة اصلا يعنى الlnb مش بيبقى متوجه فى نص الطبق اصلا يعنى خربان وشوفو الاشارة بقت عاملة ازاى
وبعد كدة تلاقى حد عامل موضوع يقول الاسترونج كانت اقوى من الانفرتو
او السانتك او او الانفرتو احسن عدسة والالترا متفوقة على البرو بحاجة بسيطة وده من مليون موقع وريفيو لمئات العدسات وهى باتفاق ناس كتير احسن حاجة وتلاقى عندنا يقولك الاستار جولد احسن ممكن عشان مشاكل التعديل بس مفيش اى مقارنة

[alamogy]

موضوع التعديلات معروف انه مش ثابت وهو على حسب عمق الطبق
وزياده الحلقات برده اى كلام
"والى فى الانفرتو كم معمول قلووظ"
قصدك انفاكوم؟
على العموم بخصوص الصوره دى

http://s9.postimg.org/rqtyjbedr/scalar.gif

الصوره الى على الشمال
طبق مسطح
f/D كبير
عدسه بعيده عن الطبق
بنقرب الحلقات من الزور حتى يتم تضييق ال beamwidth

الصوره اللى على اليمين
طبق غويط
f/D صغير
عدسه قريبه من الطبق
بنبعد الحلقات عن الزور حتى يتم توسيع ال beamwidth

وده اللى بيعمله فيد انفاكوم وهو تغيير ال beamwidth للعدسه سواء تضييق او توسيع

http://s7.postimg.org/75tflym7f/image.jpg

الكلام يبدو منطقيا
وانا قريت هذا الرد من اخونا حماد

الاول .مقاس الـ10سم .. ويكون للاطباق الغويطة او العميقة...

والثانى . مقاس الـ11سم ويكون ممتاز للاطباق المسطحة

وهو بخصوص تعديل عدسه سترونج وارى انه متوافق مع الصور

فى حاله الطبق المسطح بنقرب الحلقات من الزور وبما ان فيد انفاكوم لا يتوافر فى مصر
اذن هم يقومون بتقريب العدسه من الطبق وزياده طول الزور

وفى حاله الطبق الغويط بنبعد الحلقات عن الزور
نفس الكلام وهو عدم توافر فيد انفاكوم اذن هم يقومون بابعاد العدسه عن الطبق وتقصيير طول الزور

دى وجهه نظرى للموضوع ومنتظر ردود الاخوه الذين يقومون بالتعديل للاثبات او النفى

[alamogy]

سؤال هام للاخوه الذين يقومون بالتعديل
وهو خاص بطول الزور للقطعه المعدله
هل طول الزور يقل كلما كان الطبق اكثرعمقا ويزيد كلما اصبح الطبق مسطحا؟؟
الاجابه نعم او لا patch_sante--