موضوع خاص بمشكلة تهنيج بريمر+1 على سبارك

[م/محمد إبراهيم]

ياريت كلنا نشارك فى اسباب التهنيج على سبارك فقط ولو حد وجد حل للمشكله وجربه ونجح معاة يشارك فى الموضوع لانى جربت كل السوفتات القديمة والجديده وبيهنج برضو.
ناس تقول السبب الاتصال بالانترنت
وناس تقول ترك الفلاشة فى الجهاز
وناس تقول القنوات hd بيهنج عليها
ياريت نتعاون ونشارك لحل المشكلة لان سوفت سبارك فيه مميزات مش موجوده فى الانيجما

[الشياطى]

الحل ياغالى بناءاً على تجربة شخصية ان جاهزك به ضعف استقبال اشارة الريموت وده موجود فى الريسيفر و وده اللى بيسبب التهنيج المستمر, والعيب بكده هاردوير مش سوفت وير وعليك بالذهاب لمركز الصيانة ان كان جهازك بالضمان ..

[احمد2000]

الجهاز نفسه بطئ ولو روحت التوكيل ياخذ فلوس على الفاضى
والمشكلة الرئسية فى السوفت متعدلش من ساعة مانازل
بيتحدث من اصدار الى اصدار وخالص
لازم واقفة لشركة الترومان

[sokalover]

CHANGE TO ENIGMA2 THE BEST SOFTWARE OF DVB SPECIALLY OPENATV IMAGES

[م/محمد إبراهيم]

الحل ياغالى بناءاً على تجربة شخصية ان جاهزك به ضعف استقبال اشارة الريموت وده موجود فى الريسيفر و وده اللى بيسبب التهنيج المستمر, والعيب بكده هاردوير مش سوفت وير وعليك بالذهاب لمركز الصيانة ان كان جهازك بالضمان ..

اشكر حضرتك على المشاركة وسؤالى ازاى العيب هاردوير وضعف استقبال الريموت وفى نفس الوقت الجهاز شغال تمام وظائف وريموت على صور الانيجما كلها بدون تهنيج او اى مشاكل ؟

[elhattak7]

ياريت كلنا نشارك فى اسباب التهنيج على سبارك فقط ولو حد وجد حل للمشكله وجربه ونجح معاة يشارك فى الموضوع لانى جربت كل السوفتات القديمة والجديده وبيهنج برضو.
ناس تقول السبب الاتصال بالانترنت
وناس تقول ترك الفلاشة فى الجهاز
وناس تقول القنوات hd بيهنج عليها
ياريت نتعاون ونشارك لحل المشكلة لان سوفت سبارك فيه مميزات مش موجوده فى الانيجما

سوفت انقاذ اي كلين
ثم اخر سوفت
فيعود جهازك سريع جدااااااا

[م/محمد إبراهيم]

سوفت انقاذ اي كلين
ثم اخر سوفت
فيعود جهازك سريع جدااااااا

والله انا جربت ضبط المصنع والرجوع لسوفت قديم اكثر من مرة ومفيش فايدة لكن لم اجرب سوفت الانقاذ ولكنى الاحظ فى الفترة الاخيرة انى لما انزل نسخة انجيما جديدة بتستغرق وقت طويل جدا حتى تظهر كلمة تمت بنجاح بعكس قبل ظهور التهنيج .
ربما يكون هناك ارتباط بين الامرين.
هل حضرتك كنت بتعانى من نفس المشكلة واتحلت بالانقاذ ؟

[elhattak7]

بعد سوفت الانقاذ يصبح سريع جدا

انا هنا لا اقصد ضبط المصنع

[الشياطى]

اشكر حضرتك على المشاركة وسؤالى ازاى العيب هاردوير وضعف استقبال الريموت وفى نفس الوقت الجهاز شغال تمام وظائف وريموت على صور الانيجما كلها بدون تهنيج او اى مشاكل ؟
لانى كان عندى نفس مشكلتك وجربت كل شئ من جميع أنواع السوفت وير الى سوفت الانقاذ ولم تحل المشكلة الا بتغيير الكرستالة المسئولة عن استقبال اشارة الريموت كنترول .. ولك مطلق الحرية أخى الكريم فاعل ما شئت

[م/محمد إبراهيم]

لانى كان عندى نفس مشكلتك وجربت كل شئ من جميع أنواع السوفت وير الى سوفت الانقاذ ولم تحل المشكلة الا بتغيير الكرستالة المسئولة عن استقبال اشارة الريموت كنترول .. ولك مطلق الحرية أخى الكريم فاعل ما شئت

جزاك الله خيرا على التوضيح وكمل جميلك وفهمنى الكريستاله دى تغييرها بيتكلف كام تقريبا فى التوكيل وهل فى نفس اليوم ولا بسيب الجهاز مدة فى التوكيل

[ممدوح عبدالباسط]

لوعندك نت ارضى ميكنش واصل بالجهازقبل التشغيل متحملش على الجهازاكثر من قمرين حدث السوفت اخر اصدار

[م/محمد إبراهيم]

عندى نت ارضى وواخد سلك من الراوتر مباشر للريسيفر ومحدثه لاحدث سوفت لكن موضوع انى اخلع سلك النت قبل التشغيل واركبه تانى بعد التشغيل سمعت عنه من احد الاعضاء الكرام لكن مجربتوش خفت اصلح مشكلة التهنيج وابوظ فتحة النت فى الريسيفر هههههههه غير الملل لكن لو حضرتك جربت الحل دة واتحلت المشكله عندك نشوف لموضوع السلك حل او توصيلة بعيد عن الجهاز

[الشياطى]

جزاك الله خيرا على التوضيح وكمل جميلك وفهمنى الكريستاله دى تغييرها بيتكلف كام تقريبا فى التوكيل وهل فى نفس اليوم ولا بسيب الجهاز مدة فى التوكيل

لو جهازك خارج الضمان هياخدوا منك 50 جنيه وتستلمه تانى يوم ولو طلبوا منك أكثر من كده متدفعش

[م/محمد إبراهيم]

لو جهازك خارج الضمان هياخدوا منك 50 جنيه وتستلمه تانى يوم ولو طلبوا منك أكثر من كده متدفعش
من مشاراكات حضرتك السابقة فهمت ان جهاز حضرتك لا يستجيب للريموت وكنت تستخدم ازار الجهاز نفسه . طيب على الانيجما كان حاله عندك ايه هل كان بيهنج برضو ولا مجربتش وهل المشكلة دى كانت من اول ماتفتح الجهاز ولا بعد فترة ؟
جهازى لما بفتحة على سبارك بيكون شغال عادى جدا وبعد فترة اكتشف انه مهنج او لما اجى اغير القنوات بعد فترة اثناء التقليب يهنج ولا يستجيب للريموت ولا حتى الازرار الاماميه للجهاز بتشتغل . بضطر اقفل الباور الخلفى وارجع افتحه تانى.

[الشياطى]

من مشاراكات حضرتك السابقة فهمت ان جهاز حضرتك لا يستجيب للريموت وكنت تستخدم ازار الجهاز نفسه . طيب على الانيجما كان حاله عندك ايه هل كان بيهنج برضو ولا مجربتش وهل المشكلة دى كانت من اول ماتفتح الجهاز ولا بعد فترة ؟
جهازى لما بفتحة على سبارك بيكون شغال عادى جدا وبعد فترة اكتشف انه مهنج او لما اجى اغير القنوات بعد فترة اثناء التقليب يهنج ولا يستجيب للريموت ولا حتى الازرار الاماميه للجهاز بتشتغل . بضطر اقفل الباور الخلفى وارجع افتحه تانى.
ياغلى انا احتارت زيك الاول من التهنيج وقعدت اغير فى السوفتات لحد ما انتهت فترة الضمان وفجأة مبقاش بيستجيب للريموت ولما اتغيرت الكريستالة راح بفضل الله كل شئ
واعمل اللى يرحيك :)

[midomorad222]

الله ينور

[م/محمد إبراهيم]

اخى العزيز الشياطى انا مقدر والله مساعدتك لى وبشكر حضرتك وباقى الاخوة جدااا على الاهتمام وانا صابر على مشوار التوكيل وجاعلة اخر مرحلة لانى خارج القاهرة غير ضيق الوقت وبحاول مع الحلول الاخرى جايز ربنا يسهل للجهاز ويوفر المشوار

[م/محمد إبراهيم]

ابشركم انى بقالى اكثر من ساعتين فاتح الجهاز ولكن خلعت كابل النت خالص قبل الفتح ومركبتوش.
والجهاز شغال تمام وعمال اقلب فى القنوات يمين وشمال وبسرعة جدا علشان اساعدة انه يهنج لو عايز لكن الحمد لله مش عايز يهنج لغاية دلوقتى.
لو نجحت المرحلة دى اكتر من مرة هجرب انى اوصل كابل النت بعد مافتح الجهاز ونشوف رد فعلة ايه واوافيكم بالنتيجة علشان نستفيد كلنا من التجربة

[طارق الصعيدي]

كان عندي كده والسبب كان النت ولما كنت بشيل سلك النت كان ربيهنج ولاحاجه شيل سلك النت خالص مش هينج معاك يبدو ان عندك مشكله بالنت

[م/محمد إبراهيم]

كان عندي كده والسبب كان النت ولما كنت بشيل سلك النت كان ربيهنج ولاحاجه شيل سلك النت خالص مش هينج معاك يبدو ان عندك مشكله بالنت
فعلا حضرتك كنت عملت موضوع عن المشكلة دى وان سببها الاتصال بالانترنت
وانا استفدت منها الان وبجرب بنفسى والجهاز شغال اكثر من 5 ساعات تمام بدون كابل الانترنت .
هجرب اوصل الكابل واشوف هيهنج ولا هيكمل على خير