مؤيدو مبارك يدعون لـ"مليونية" 25 إبريل للمطالبة بعودته

[عمرو دنيا]

يا شباب افتكرو اى شئ حلو للريس وكفايه اللى بيحصل فى لبيا ولو الريس موجود اؤكد لكم ان مكنش شئ هيحصل

[walid_elfeqi]

مش هينزل الا المرتزقة ودول اخرهم 10000 هتجيبوا الصفرين البقيين منين

[زرقاء اليمامه2]

ندعوا الى بليونيه ساحقه حتى يعود اعظم القاده العرب واخر الرجال المحترمين

[al-hossam]

هما دول شباب مصر
والكثير اكيد هينزل عشان يحتفلوا معاهم بعيد ميلادو
ونحتفل بية
بغض النظر ع اللى حصل منو فى بعض السنوات الاخيرة من حكمة
لكن الجميع اجمع ان مبارك افضل رئيس مصرى حتى معارضية قالو انة افضل من ناصر والسادات

http://www.youm7.com/images/newspics/large/s12201025221122.jpg


مش هما دول شباب مصر دول شباب جمال وعلاء والحزب الفاسد الذى افسد كل شىء فى هذه البلد سياسيا واجتماعيا وفى كل مناحى الحياة المصرية

اللى مش عارف عصر مبارك عمل ايه فى هذا الشعب صنفيين من الناس اما شباب فاسد ومرتشى او بلطجى او رجال اعمال ومتسلقيين وكل اللى عايز مبارك هما من الصنفيين دول لكن الشرفاء اللى داقوا المر والظلم علشان كلمه الحق واللى عايزين بلد بدون ظلم ولا قهر ولا استبداد ولا فوارق طبقية ليس لها اساس ولا اصل عايز تعرف اقولك

اقولك عصر مبارك عمل ايه بداية من اول خطاب طلع فيه الرئيس بعد توليه السلطة افتكروا معاى او ارجعوا لارشيف خطاباته قام صحفى سألوه يا ريس نريدك ان تحارب الفساد كان مفروض يرد ويقول ( نعم انا مع كل شريف يرى فساد معا نحارب الفساد ) مثلا ولكن الرد كان فساد ايه روح شوف الفساد فى امريكا وبريطانيا احنا معندناش فساد وبنظرة ثاقبه علمت تاريخ مصر القادم ذلك الرجل نفخ فى النار وزادها اشتعالا وفسادا

اسمع مبارك الذى كذب الله فى حديث له عندما قال ان اليهود هم اشد الناس التزاما بالعهود وان كلمة اليهودى ميثاق وقال تعالى (} كَدَأْبِ آلِ فِرْعَوْنَ وَالَّذِينَ مِن قَبْلِهِمْ كَذَّبُواْ بآيَاتِ رَبِّهِمْ فَأَهْلَكْنَاهُم بِذُنُوبِهِمْ وَأَغْرَقْنَا آلَ فِرْعَونَ وَكُلٌّ كَانُواْ ظَالِمِينَ {54} إِنَّ شَرَّ الدَّوَابِّ عِندَ اللّهِ الَّذِينَ كَفَرُواْ فَهُمْ لاَ يُؤْمِنُونَ {55} الَّذِينَ عَاهَدتَّ مِنْهُمْ ثُمَّ يَنقُضُونَ عَهْدَهُمْ فِي كُلِّ مَرَّةٍ وَهُمْ لاَ يَتَّقُونَ )

وقال تعالى (فَرَجَعَ مُوسَى إِلَى قَوْمِهِ غَضْبَانَ أَسِفًا قَالَ يَا قَوْمِ أَلَمْ يَعِدْكُمْ رَبُّكُمْ وَعْدًا حَسَنًا أَفَطَالَ عَلَيْكُمُ الْعَهْدُ أَمْ أَرَدتُّمْ أَن يَحِلَّ عَلَيْكُمْ غَضَبٌ مِّن رَّبِّكُمْ فَأَخْلَفْتُم مَّوْعِدِي )

ولكن السيد مبارك يرى فى اليهود ما لم يراه الله عز وجل .

لقد نما فى عهد مبارك المرتشيين وتنطع ارازل القوم وانتشرت البلطجة ممن صنعتهم حكومة مبارك فى ربوع الوطن شمالا وجنوبا واصبح الشريف مدان والشرير مصان .
اى اثراء للحياه السياسية فى عهد مبارك اذكر لى .
هههه تذكرت خطاب له يتحدث عن كرامة المصريين انها مصانه ولن يسمح بمساس كرامة المصرى(لا تعليق )

الحياه الاقتصادية حدث ولا حرج اصبحنا صينى فى صينى
انا اعتبر كل صوت ينادى بعوده مبارك هو خائن لتراب ذلك الوطن ولا يستحق ان يطأ هذا التراب وخائن لدم الشهداء وامهاتهم واراملهم ويتيمهم .

[احمدعناني]

انت راجل طيب!!!

انت مفكر انهم هيفهموا الكلام اللي تعبت فيه وكتبته ده؟؟؟؟!!

دول ياحبيبي عايزين يتشتموا وبس
الواحد فيهم يتهزأ يعرف ينام ههههه

[hakem_opra]

خلينى بطيع والدى فى كل شىء وهو ديما تعبنى ويمكن يكون كمان مطا هضنى
بس فى الاول والاخر هو برضوا والدى ومهما يعمل مش من حقى احسبه
ربنا ال يحسبه
وبرضوا عمرى مقابل ان حد يهينوا
وبرضوا انا حتى من جوايا مرضاش انه يظلمنى بس هو برضوا والدى
ومرضاش ان حد يشمت فيه ابدا ابدا
وكما قال نبينا( انصر اخاك ظالما او مظلوما) فما بالك انو ابونا
ومهما يكون هو ابونا وله الف شكرا على كل ال قدمه والله يسمحه على كل ما فعله
وفى الاخر بقوله كل سنة وانت طيب يا ريس
وارجوكم دى وجه نظرى

[احمدعناني]

patch_galc--patch_galc--a213--a213--

ايه يابني اللي جاب سيرة الوالد الان؟؟

احنا بنتكلم على لص وحرامى وبلطجي قتل الاف الابرياء وطفش ملايين الشرفاء وباع ارضك وبيتك وثروتك وحط فلوسهم في جيبه

اصحو يا جدعان
مش عايزين حد يعلق وهو ..............!

[@@@ محمد كمبيوتر @@@]

قرار ادارى
هل هذه هى الحريه
وشجعنا باسم الحريه
ان كل انسان حر فى رايه
وبعد ماوصلنا لهذه الحاله من الفوضى وعدم احترام الغير
فقد تقرر
اغلاق اى موضوع
فيه عدم احترام للغير
واغلاق اى موضوع
فيه دعايه لمرشح او فئه معينه
وادارة
مصراوى سات
ترحب بكل عضو يفهم ويقدر
راى الغير