ما رايكم فى شاشات سكاى لاين

[سعد حسن الديب]

يا جماعة قدام منى شاشة 40 سكاى لاين ب 2300 ججججنيه ايه رايكم فيها ولا كده الواحد يبقى رمى فلوسه ع الارض لانى كنت من يومين فى كارفور السيوف بشوف الشاشات و
واحد من اللى بيشتغلوا فى توكيل العربى قاللى هات سونى او ال جى او سام سونج او توشيبا واى حاجة تانية ما تسالنيش فيها معلش انا توهتكم معايا ارجع تانى للسؤال بخصوص سكاى لاين يا ريت تفيدونى بسرعة لو سمحتم
واسف على الاطالة

[bebo606]

بلاش الانواع الغريبة دي وخليك في ( السوني - سامسونج - lg )

تحياتي لحضرتك

[DmgRoxx]

نوع مش متداول ومش معروف بس 40 بوصه ب 2300ج السعر ده ملوش حل جربها بنفسك وشوف صورتها كويسه ولا لأ

[abomody]

خليك فى الانواع المعروفة اخى الغالى

[montser123]

واللة يا اخي انا جبتها من حوالي 6 شهور وهي جميلة جدا وصورها روعه بس متشتغلش تلفزيون هي شاشة عرض وكانت اغلي من كدة جبتها 2700 جنية

[ABo 3AHD]

شاشه رائعه سوف تنافس lg وسامسونج
اشتريها

[ياسر على على]

اخى الكريم انا مشتريها 32 بوصة من شهر واليك تقرير :
*** الالوان والصورة رائعة
*** لا تدعم rf
*** لا تدعم تشغيل الفيديو
*** لا تسجل على الفلاشة
*** سريعة فى الاستجابة
*** سألت البائع قال انها نفس دواخل السامسونج وسألت فنى الصيانة قالوا سيئة وافضل لك ترجعها وتستبدلها ب هيسنس او جاك ( لو نفس السعر ) او سامسونج وال جى وسونى ( بسعر اعلى )
عموما انا حبيت اجرب حاجة جديدة وربنا يستر والله الموفق

[سعد حسن الديب]

شكرا لك اخى ياسر ومن كلامك كده الواحد يخاف وبلاش مجازفة

[ashraf_m2010]

الشاشة كويسة عندى 42 بوصة فيها rf وفيها فيديو وفيها 2 usb وفيها 2 hdmi

[allam125]

الكافتريا اللى بعد عليها كلها شاشات سكاى لاين وشغاله روعه
معنى انها فى كافتريا وبتشتغل الوقت دا كله تبقى كويسه
انا بفكر اشترى واحده
وفى قدامى كمان يونيون اير 40 بوصه ال اى دى وسمارت ب2700
بس محتار اجيب ايه؟

[المصطفى]

الكافتريا اللى بعد عليها كلها شاشات سكاى لاين وشغاله روعه
معنى انها فى كافتريا وبتشتغل الوقت دا كله تبقى كويسه
انا بفكر اشترى واحده
وفى قدامى كمان يونيون اير 40 بوصه ال اى دى وسمارت ب2700
بس محتار اجيب ايه؟
الاتنين حلوين ياغالى بس صورة اليونيون اير جميله انا شفت السمارت منها تحفه

[سعد حسن الديب]

شكرا لكم جميعا والشكر الخاص لادارة هذا الموقع وكل العاملين به على عطائهم الكثير

[عماد رياض]

اخى الفاضل تاكد من انها LET او LCD وليست بلازمة لان شاشات البلازمة عبارة عن زجاج ودى بيعكس الصورة يعنى لازم تتضلم الغرفة كويس علشان تعرف تشاهد الصورة ثانيا شاشات البلازمة لها فترة زمانية وتتشحن علشان كدة تجد حجم الشاشة كبير والسعر رخيص ثالثا جربها على دقة 1080 P واعتقد انها مفهاش تلك الابشن ولك ان تعرف ان انا عندى شاشة سامسونج 43 بوصة جيبها ب 4500 وحضرتك سعرك ارخص بكتير يبقا ازاى نفس مكونات السامسونج والفرق يكون دة كلو اخر شى حضرتك ممكن تاخد اى فديو هاى دفنيشن على فلاشة وشغلو على الشاشة الاسكاى ثم جرب نفس الفديو على سامسونج وال جى هتجد فرق فى دقة الالوان عن تجربة

[سعد حسن الديب]

شكرا اخى عماد على شرحك الرائع

[ابوعبدالرحمن1]

طيب ما انت عندك الشاشة الجروهى 39بوصة 2150 ج وكله هيشتغل اهم شى المحافظة والشاشة اللى انت بتقول عليها المفروض انها مستعمله يبقى سعرها 2000 ج كويس عليها وربنا يوفقك