فكره جديده فى التركيبات (على حد علمى)

[حسام الجد]

السلام عليكم..انا كنت لسه بفكر اعرض تجربتى اليوم مع تركيب الطبق المتحرك لكن كنت منتظر اجمع الصور واعرض الموضوع..انا عندى طبق 130 وقطعه عاديه وموتور وكنت مستقبل 28 قمر بهذا النظام لكن كانت هناك مشكله هى انى لو ظبطت اقمار الغرب تمام بتكون اقمار الشرق اشارتها قليله والعكس صحيح فكنت مثلا لو استقبلت الهسبا والنايل واموس والاوربى باشارت كويسه اجد ان التركى والهولندى(دهوك) والايرانى اشارتهم قليله ولما اظبطهم تقل اشارة النايل وافقد الهسبا..طبعا البعض هيقول المدار مش مظبوط وانا عملت كل شئ ممكن يتعمل ونفس المشكله لكن قدرت وباجتهاد شخصى اوصل لحل نموذجى (من وجهة نظرى)لهذه المشكله وسوف اعرضه على حضراتكم وياريت اللى عنده حل افضل يقوله او يعمل تطوير للفكره..معلش كان لابد من الاطاله للتوضيح والان اقولكم عملت ايه...طبعا العدسه لازم تكون مركزه على سنتر الطبق وفعلا بعض الاقمار بتكون كويسه ولما كنت بحرك العدسه شوى لاعلى كانت اقمار تانى بتزيد اشارتها والاولى تقل فقلت اركب عدسه اساسيه (مظبوطه سنتر)وعلى مسطره جنبها عدسه اخرى واوصلهم بديسك(كأنى جمعت الثابت والمتحرك)وبعد كده جبت المدار من اوله من الهسبا طبعا كان مظبوط مع عدسة السنتر (مخرج1)وصنفت الاقمر اللى اشارتها عاليه على هذا المخرج وبعد كده خليت اقمر الشرق مخرج2 اللى هى العدسه التانيه وبكده اقمار الشرق كمان اشارتها عاليه ...اسف على الاطاله بس هو الموضوع فعلا حتى صعب فى شرحه ناهيكم عن تركيبه وانشاء الله هحاول اجمع صور لعرض الفكره بطريقه افضل ..تقبلوا تحياتى والسلام عل

[السنيور]

فكره جديده فعلا بس فى حاله ان يكون البعد البؤرى مضبوط

[hero story]

فكرة جيدة يا غالى منتظرين صور الطبق والعدسات المركبة للافادة بشكل اكبر

[ayaayatalaa]

والله فكره جديده منتظرين الصور

[ابواياد عبدالله]

لفه العدسه ناحية اليمين او اليسار علشان تنظبط الاشاره

[علاء النادى]

ياريت تفيدنا اكثر بالصور واكون شاكر

[satytree]

الاخ كل الفكرة فى توصيل اقمار الشرق مع بعضها على مخرج الديزك واقمار الغرب على المخرج الاخر.

[اسامة احمد عبد]

فكرة جديدة ولكن من المعروف ان الطبق له سنتر واحد.... لو العدسة مظبوطة عليه 100% اعتقد مش هتحتاج لعدسة تانية بس شكرا على اجتهادك وبجد احنا محتاجين بس نفكر.....

[عادل حسان]

اناعندي طبق130برفكس وقطعه فوجي اصلي ومستقبل من هسبسات حتا الهولندي ومجموع الأقمار 24قمر وشغال كويس

[abdulmohsin]

عدم ضبط المدار بصورة صحيحة هو سبب المشكلة .. ومع هذا نقدر لك اجتهادك .. وشكرا

[حسام الجد]

اخوانى الاعزاء السلام عليكم ..احييكم جميعا وأخص بالتحيه الاخوه الذين شرفونى بردودهم الكريمه...اعذرونى فى تأخرى بموضوع الصور لأن ظروف عملى لاتتيح لى وقت كثير فى التقاط ورفع الصور خاصة وانى مش خبير فى الموضوع ده وخير دليل قلة مشاركاتى كما تلاحظون..وكما تعرفون الحاجه ام الاختراع يعنى الواحد مش مستعد يجيب فنى ويسهر معاه لوش الصبح علشان يجرب وينزله اقمار كذا وكذا علشان كده كنت بحاول بنفسى ومره ورا مره اتعلمت اشياء كتير ..والموضوع اللى حكيته سابق جربت فعلا كل شئ لضبط المدار ولم اقل انى لم احصل على اشارة اقمار الشرق لكن قلت ضعف اشارة اقمار الشرق لواقمار الغرب كويسه بمعنى انها شغاله بس الفرق انى دهوك كانت 78% اصبحت 96% وهكذا ده طبعا غير انى حصلت على ثلاث اقمار بعد دهوك (للاخ عادل حسان)هى الايرانى وانتلسات68(اللى عليه بتسوانا طبعا فاكرينها)ويوتلسات 70 (قنوات سريلانكيه وبنجاليه روعه)وهذا نتيجة زيادة المدار لان القطعه2 تبعد حوالى 7سم يسارالقطعه1 وانت امام الطبق ولكنها موجهه لاعلى قليلا..اما بالنسبه للبعد البؤرى وسنتر الطبق دى طبعا اشياء علميه بحته لا احد ينكرها لكن انا حبيت اعرض الموضوع بكل تفاصيله وممكن حد يزود قطعه على يمين القطعه المركزيه وللاسفل قليلا وهيلاقى نتائج كويسه اقلها هيجيب قمر او اتنين تحت الهسبا ..نسيت اقول لحضراتكم ان انا من المنيا والاشارات عندنا اغلبها ضعيفه نسبيا ..ولى طلب لكن ارجو ان لا تسخروا منى (من قال لا اعلم فقد افتى) هو انى عاوز احد من حضراتكم يتكرم ويشرحلى كيف ارفع صور من اول التقاطها بالموبايل حتى رفعها على منتدانا الغالى ولكم جزيل الشكر

[hassan_zein]

شكرا على اجتهادك

[alaa_hor]

فكرة جديدة منتظريين الصور

[midomorad222]

بالتوفيق