لو سمحتو هل فعلا الحاوي ليه السيطره علي التعابين والافاعي

[شريف المهندس]

كان في افعي في منزلتا وتم اخراجها والحمد لله
بس هل ده حقيقي ان الحاوي ليه السيطره عليها

وده الفديو اثناء استخراجها

https://www.youtube.com/watch?v=U69qvWoBLKY&feature=youtu.be

[م / سمير محمد]

بص ياغالى
كثير من الناس تجوب الشوارع وتقنع الاشخاص اصحاب المنازل بوجود افعى او ثعبان كبير بالمنزل ولكن هذا ليس حقيقى ويسحرون اى شئ بالمنزل سواء قطة او حمامة او اى شئ متاح امامة ليقنع الناس بانة قام باخراج الافعى او الثعبان من هذا المنزل ولكن للاسف فية ناس بتكتشف سرقة اشياء من المنزل بعد مدة من خروجة من القرية او البلد دى وهذا ما حدث بقريتنا
اتى شخص غير معروف واقنع احد السيدات بوجود حية بالمنزل ومش عارف اية اللى حصل فقالها اخلعى الخاتم اللى فى ايدك وحطية تحت المخدة اللى بتنامى عليها ولا تاخذية وتلبسية الا بعد ساعتين على الاقل وبعد اخراج الحية او الثعبان من المنزل او كما خيل لهم هذا الشخص طلب منهم مبلغ من المال اعتقد ساعتها 40 جنية وبعد فترة راحت للخاتم فلم تجدة مكانة واتضح انة سرقة
هذا ما يفعلة بعضهم
وحدث بالقرية عندنا وبنفس شارعى

هذا والله اعلم

[نۨــٰا̍صــر ؏ــڶــۍۧ]

الأفعى دى الراجل ده مطلعها من هدومه

ركز فى الفيديو الراجل رفع الجلابيه اللى لابسها
وسحبها بسرعه من على وسطه خلى بالك هو مدورش عليها

دا عمال يحدف حاجات عشان يشتت الأنتباه وضهره للى بيصور

وخلى بالك هى ساكته خالص
لغايه ما ضرب عليها بالعاصيه
بدأت تجرى

[جلال العسيلى]

ده شغل نصب في نصب

[سامح م]

وعلى فكرة النوع داة من الافاعى مش موجود فى مصر
لان داة نوع من انواع الكوبرا

[شريف المهندس]

بس الافعي دي اصحاب المنزل شافوها قبل الحاوي ما ياتي

وقالو هي دي نفس اللي شوفناها

قبل كده

والله اعلم