المساعد الشخصي الرقمي

مشاهدة النسخة كاملة : ممكن المساعدة فى تشغيل وحدة الحركة بى ساتddk1000p

abdo14
2015/05/27, 02:36 PM
ريموت الوحدة ليس به ارقام من صفر الى9 ولكن بها يمين ويسار وفوق وتحت وريست وغلق وشفت وريسكن واستور والبور وعند تحريك الطبق يمين يكتب 1-- ومفيش حركة لايمين ولايسار وعمل ريسكن وريست ومفيش فايدة يظهر هناك اعدادات من نوع خاص لهذة الوحدة ممكن المساعدة فى حل هذة المشكلة وشكرااا
abdo14
2015/05/27, 03:12 PM
مفيش حل
abdo14
2015/05/27, 03:39 PM
اين العملاقة
mcafee
2015/05/27, 04:47 PM
اين العملاقة

اكيد انت تقصد (العمالقه) موش (العملاقه)

على ما ييجو العملاقه

لانى نفر عادى ومعنديش (نجوم ولا اوسمه)


هاقولك معلومه بسيطه

دى بتستخدم مع الريسيفرات

بطريقه usales

اللى هى بتضبط بيها داخل الريسيفر

كل قمر بموقعه وهى تشتغل وتروح للقمر

اللى انت تختار قنواته

يعنى اتوماتيك
abdo14
2015/05/27, 05:14 PM
لا ولو بها مدخل lnp
abdo14
2015/05/27, 05:18 PM
جزاك خيرا على الاجتهاد هى مغلقة الحدود الفكرة قائمة على فتح هذة الحدود بس اول مرة اجرب هذة الوحدة
mcafee
2015/05/27, 05:20 PM
جزاك خيرا على الاجتهاد هى مغلقة الحدود الفكرة قائمة على فتح هذة الحدود بس اول مرة اجرب هذة الوحدة
اعمل لها حاله المصنع
abdo14
2015/05/27, 05:24 PM
ازاى ياغالى
mcafee
2015/05/27, 06:52 PM
ازاى ياغالى
تدوس على زر الريسيت
كذا ثانيه لغايه ما تبدا فى الرجوع الى حاله المصنع
واصبر عليها لما تعمل ريستارت
abdo14
2015/05/27, 08:26 PM
مش زى توب فليد وسوبرجاك وجنتك وترومان وغيرها تعمل ريسكن بيجيب رقم 2500 ووقفت على كده ولا يمين ولاشمال نرجوا المشاركة
abdo14
2015/05/27, 08:29 PM
نرجوا من الاعضاء المشاركة فى حل المشكلة
mcafee
2015/05/27, 08:37 PM
نرجوا من الاعضاء المشاركة فى حل المشكلة
بص عايز تقضى
هات صورتها من الخلف من ظهرها
علشان نشوف هى تبع اى نظام
abdo14
2015/05/27, 09:29 PM
اتفضل ياغالى
abdo14
2015/05/27, 10:21 PM
مفيش حل من المشرفين
kaspers
2015/05/27, 10:27 PM
مفيش حل من المشرفين

حل ايه الحاج صفوت بيقولك صور للوحده من الخلف علشان يعرف نوعيتها وطريقه عملها تقوم حضرتك تبعت صور للرموت من المنتصف تفيد بايه الصور دي ومستعجل علي الحل
abdo14
2015/05/27, 10:36 PM
الصورة الاولى للوحدة من الخلف لايوجد بها سوى سللك البور و4مدخل 2سنسنسور و2موتور عايز تعرف ايه وانا مصور الريموت علشان يعرف انه مفهوشة ارقام وبعدين لوسمحت حسن الفاظك المشاركة من الساعة 12.30 ظهرا ومفيش حد حلها ولاهتعرفوا
kaspers
2015/05/27, 10:48 PM
الصورة الاولى للوحدة من الخلف لايوجد بها سوى سللك البور و4مدخل 2سنسنسور و2موتور عايز تعرف ايه وانا مصور الريموت علشان يعرف انه مفهوشة ارقام وبعدين لوسمحت حسن الفاظك المشاركة من الساعة 12.30 ظهرا ومفيش حد حلها ولاهتعرفوا

احسن الفاظي هوانا غلط فيك ولا حاجه راجع المشاركه يمكن انت قريت حاجه غلط وبعدين الاعضاء والمشرفين هنا موش شغالين عند حضرتك ايه يعني مشاركتك من الساعه 12 اليوم او حتي من يومين فاتو ومحدش رد عليك كل واحد وله مشاغله وممكن تكون انت عارض مشكلتك بطريقه موش مفهومه او جهازك محدش يعرف عنه حاجه او قليل
mcafee
2015/05/28, 12:53 AM
الصورة الاولى للوحدة من الخلف لايوجد بها سوى سللك البور و4مدخل 2سنسنسور و2موتور عايز تعرف ايه وانا مصور الريموت علشان يعرف انه مفهوشة ارقام وبعدين لوسمحت حسن الفاظك المشاركة من الساعة 12.30 ظهرا ومفيش حد حلها ولاهتعرفوا

يعنى ايه الجمله الاخيره دى
طيب بتسأل ليه لما محدش هيعرف
وموش جايب صور زى الناس ليه
طيب بالعقل كدا مدام ريموتها مفيهوش ارقام
يبقى هتشتغل تبع الريسيفر ولا هتقلب ازاى فى الاقمار
قول انت
الحاج شريف
2015/05/28, 01:48 AM
ريموت الوحدة ليس به ارقام من صفر الى9 ولكن بها يمين ويسار وفوق وتحت وريست وغلق وشفت وريسكن واستور والبور وعند تحريك الطبق يمين يكتب 1-- ومفيش حركة لايمين ولايسار وعمل ريسكن وريست ومفيش فايدة يظهر هناك اعدادات من نوع خاص لهذة الوحدة ممكن المساعدة فى حل هذة المشكلة وشكرااا

استاذ عبده أنا لى عتاب عندك بس بعد ماارد عليك
اول شىء تعمل ريست أو تصفر الوحده
بفرض إنك موصل كل شىء صح للموتور حتعمل الآتى
الوحدات القديمه بتتصفر كالتالى بتدوس علي زر البور وأحد السهمين فى واجهه الوحده ثم توصل فيشه الكهرباء وانت مازلت ضاغط علي الزراير حتى يتم التصفير
بعد كده الخطوه التانيه بتحدد مدى التحريك
الوحده بعد التصفير بتطلب منك حدود الحركه الليمت يمين ويسار
أول ماتظهر علامه الليمت حتدوس علي زر الحركه يمين حتى يقف الموتور وبعدين تسجل نهايه اليمين
بعد كده بتدوس علي زر الحركه يسار وتحرك حتى يقف الموتور وتسجل نهايه اليسار بفرض إنك ظابط فوق ترس الليمت صح بحيث مايسمحش بأن الطبق يسقط ناحيه الشرق
بعد كده بتقلب فى السهم اعلى وأسفل لإختيار القمر المراد تسجيله
لو الأمور ماظبتتش معاك صفر الوحده تانى وابتدى من أول وجديد
لو ظبتت الأمور معاك قولنا علشان القارىء يستفيد من تجربتك علشان أنا باكلمك من الذاكره ويمكن كلامى مايكونش دقيق كفايه
والله أعلم
أما عتابى عليك فهو
إنت عارف إن الجو اليوم مش ولا بد وماحدش طايق نفسه
فمتصعبهاش علينا وتقول من الساعه كذا ماحدش رد أنا نفسى مافتحتش جهازى من الحر وزى ماانت ملاحظ المنتدى فاضى
كمان الناس اللى ردت عليك ناس أفاضل ضيوف علي موضوعك وبيحاولوا يساعدوا بناءا علي المعلومات اللى إنت عرضتها ويستاهلوا منك معامله أفضل
والحقيقه عرضك ناقص كان لازم تعرض صوره الوحده من الأمام والخلف وصوره الريموت علشان اللى عنده وحده مشابهه يقدر يتداخل معاك ويساعدك