معرفة فى اشتراك ال BeIN

[moh2012561]

كنت عايز اشترك فى BeIN sport ولما اتصلت بالموزعين قالى الجهاز ب 490 جنيه واشتراك سنه فى الباقة العربية ب1000 جنيه والطاقة الكاملة ب 1300 جنيه فمش عارف ايه الفرق بين الباقتين علما انى أرغب فى مشاهدة بطوﻻت التنس فهل الباقة العربية ستفوت عليا مشاهدة بطوﻻت التنس . وبحثت على موقع ال BeIN ﻻقيت 3 أجهزة مختلفة أما الموزع قال لى ﻻ يوجد غير جهاز واحد فهل من مساعدة

[moh2012561]

ياريت حد يا جماعة يفدنى واشترك دلوقتى وﻻ بداية الموسم

[DmgRoxx]

بص من حيث الرسيفر فكلهم يقوموا بفتح القنوات بنفس الكفاءه لكن بيكون فيه مواصفات زياده مثل التسجيل وكده يعنى ملهاش لزمه هات ارخص واحد
اما الاشتراكات
العربيه 1~10
الكامله 1~15 الخمس قنوات الزياده لغات اخرى
ولكن اوقات الضغط فى الدورى الانجليزى مثلا بينقلوا بعض المباريات على القنوات ال 11~15 وبيكون فيه قناه صوتيه للعربى وقناه صوتيه للغه القناه الاساسيه
اما بطولات التنس مثلا رولاند جارس(فرنسا المفتوحه) حاليا تنقل على 8 9 10 بالتبادل يعنى وكل بطولات ال BeIn بتشتريها بتنقلها على القنوات دى يعنى برده مش مهمه اوى الباقه الكامله للتنس
بمعنى الباقه الكامله هتفيدك فى القدم اكثر ووقت الضغط
لكن : ولاد التيت دول محدش يامن ليهم فاكر لما نقلوا ماتش الكلاسيكو على BeIn 9 وسعتها مكنتش متاحه عند معظم المشتركين الشرعيين لان فيه بند فى
التعاقد يحق للقناه اختيار محتوى كل قناه بدون الرجوع للمشترك
فده بيخليهم يتحكموا زى م هم عايزين باختصار العربيه تكفيك حلو جدا هيفوتك مباريات بسيطه جدا فى الدورى الانجليزى وغالبا مبتكنش المباريات الكبرى لكن المضمون 100% الباقه الكامله

[هامر]

بص ياغالى اولا بالنسبة للرسيفر هما فغلا ثلاث انواع لكن المتداول هو اللى قال لك الموزع عليه لان الجهازين الباقيين سعرهم غالى شويه اما بالنسبة للاشتراك انا بفضل تستنا للموسم الجديد ﻻن كل الدوريات خلصت اما بالنسبة للاشتراك اشترك فى الباقة الاساسية بس وهى من 1 الى 10 اتش دى وبيجيبو عليها كل حاجة حتى التنس ارجو ان اكون قدمت شئ يفيدك اخى العزيز

[moh2012561]

شكراً لردودكم الإيجابية وهل الجهاز اللى فى مصر كورى وﻻ صينى وبه تسجيل USB وﻻ أخلى حد يجيبلى من بره زى الباقى وهل عند بدايه الموسم سترتفع أسعار الاشتراكات

[rcoco99]

ياباشا فى جهاز 429
والجهاز التانى 950 هيوماكس وده عند وكيل معتمد مش موزع

[هامر]

ياباشا الاجهزة اللى بيقدموها اجهزه معتمدة يعنى لا قدر الله لو فيها مشكلة بترجعلهم وهما بيظبطوها اما بالنسبه للاسعار مفيش حد يعرف ان كانت هاتزيد ولا ﻷ بس ظنى انها مش هاتزيد

[moh2012561]

فين الوكيل المعتمد هل هو cne أم ماذا

[هامر]

ايوه هوcne ياباشا

[zezo prince]

لا هات الجهاز الــ 490 جنية وده ارخص واحد وده الاحسن لان مفيش فرق كبير بين الاجهزة الـ 3 اما بالنسبة للباقات انصحك بالباقة الكاملة ب 1300 جنية لمدة عام كامل لان فى بداية مواسم الدوريات بيبقى فى مباريات كتيرة فبيتم بث بعض المباريات ع 11HD و12HD