هل تتعارض الديازك؟

[bishoy1]

اردت تركيب ريسيفر منفصل فى غرفة النوم ولدى التالى

1-عدد2 LNB اربعه مخرج لكل منهما على طبق واحد
2 - لدى الان فى الصاله عدد 2 قمر يعملان على الريسيفر بدايزك واحد وبكفاءة
3-قمت بتوصيل دائرة اخرى من مخرجين اخرين ودايزك وريسيفر على غرفة النوم وعمل ايضا بكفاءة
4- فجاة عند تغيير القمر فوجئت باختفاء الاشارة كليا من الريسيفر وكانة غير متصل باى طبق
5- قمت بفصل الديزك الجديد فلم تعد الاشارة
6- قمت بتغيير الدايزك مع بقاء الدايزك الاخر مفصولا فعادت الاشارة كالسابق
السؤال ماهو الخطا الذى وقعت فيه وكيف يمكن علاجه ؟
او بعبارة اخرى كيف يمكن استغلال اكثر من LNBمتعدد الخارج للتوزيع على اكثر من غرفة ؟
وشكرا

[bishoy1]

ايه يا جماعه
دة سؤال مهم
والاجابه ممكن تفيد الجميع هنا
هو فيه حاجه مش واضحه فى السؤال
شكرا وكل عام وانتم بخير بمناسبه حلول شهر رمضان المعظم اعادة الله علينا بالخير واليمن والبركات

[الحاج شريف]

ايه يا جماعه
دة سؤال مهم
والاجابه ممكن تفيد الجميع هنا
هو فيه حاجه مش واضحه فى السؤال
شكرا وكل عام وانتم بخير بمناسبه حلول شهر رمضان المعظم اعادة الله علينا بالخير واليمن والبركات
كل عام وانت بخير أخ بيشوى
المشكله مش مشكله ديازك ولكنها القطع الرباعيه
أحيانا تأخذ تغذيتها من جهاز من الأربعه المتصلين بها فقط
وعند فصله لا تعمل الأجهزه الأخرى مع أنها سليمه وتوصيلاتها سليمه
جرب تبديل القطعتين الرباعيتين مع بعضهما وأنظر النتيجه
والله أعلم

[الحاج شريف]

اول مره تجاوب اجابه دون المستوى يا حاج شريف
وكل عام وانت طيب patch_lov-

الكمال لله وحده يا أخى الكريم
كل عام وانت بالصحه والسلامه
هذا إجتهادى المبنى علي خبرتى مع القطع الرباعيه
ومن حقك نقضه
على أن تذكر سبب هذا النقض
لكن حكايه دون المستوى دى محتاجه تفسير

[scary man]

الكمال لله وحده يا أخى الكريم
كل عام وانت بالصحه والسلامه
هذا إجتهادى المبنى علي خبرتى مع القطع الرباعيه
ومن حقك نقضه
على أن تذكر سبب هذا النقض
لكن حكايه دون المستوى دى محتاجه تفسير


شوفت بقي يا حاج شريف
انت عودت الأحبة علي الاستمتاع بالاجابة مع الطريقة العلمية البسيطة

لكن لما تكون صائم ده مش يسمح لك انك تصوم عن المتعة في كتابة ردك

أنا أُحذرك
أوعي تفكر تعتكف عن الرد

patch_lov-patch_lov-patch_lov-
هكذا نلتقي ونتعارف في الله و رسوله

تحيتي لك اخي الغالي حاج شريف

كل العام وانت الي الله اقرب
و رمضان كريم

[الحاج شريف]

شوفت بقي يا حاج شريف
انت عودت الأحبة علي الاستمتاع بالاجابة مع الطريقة العلمية البسيطة

لكن لما تكون صائم ده مش يسمح لك انك تصوم عن المتعة في كتابة ردك

أنا أُحذرك
أوعي تفكر تعتكف عن الرد

patch_lov-patch_lov-patch_lov-
هكذا نلتقي ونتعارف في الله و رسوله

تحيتي لك اخي الغالي حاج شريف

كل العام وانت الي الله اقرب
و رمضان كريم




كل سنه وأنت بخير أخى العزيز أبو علي
والله يا أبو على أنا جاوبت الراجل صاحب السؤال بأمانه
كمان أنا زمان لما فتحت القطعه الرباعيه وحاولت أن أجد سبب علمى للمشكله وقست كل جزء فيها لم أصل إلى شىء كل حاجه فيها تبدو سليمه
والأغرب إنه لما تحطها مع توليفه أجهزه تانيه فى مكان تانى ممكن تشتغل والعطل يختفى
لكن فى مكانها الأصلى يستحيل أن تعمل فى جهاز معين فى مجموعه الأجهزه المتصله بها هو اللى بيقوم بالتغذيه والباقى كأنه مش موجود لما تطفيه بتروح إشاره كل الإجهزه ؟
لو حد عمل التجربه دى ووصل لحل يقول لنا
لكن زى مانت ملاحظ ماحدش عبر الراجل ورد علي سؤاله وأنا معاك وحنشوف ماحدش حيسأل
كمان صاحب المشكله طلب ردود ولم ينتظر يسمع الردود
أما أخونا اللى مش عاجبه المستوى فأنا مافهمتش منه حاجه عامل زى ولادى تسألهم سؤال يقولك المفروض أو نوعا ما كلام مطاط واسع يعفيك من المسئوليه وما تعرفش تمسك صاحبه أو تاخد منه معلومه
أنا شخصيا أحب الكلام المحدد أبيض أو إسود
الخلاصه يا بو علي إنه مافيش حاجه إسمها تعارض ديازك ، وإن المشكله مشكله القطع الرباعيه هل هذا مقنع ؟
كل اللى طلبته من صاحب المشكله يبدل مكان القطعتين ويشوف هل المشكله بتنتقل مع التبديل وبكده نعرف القطعه سبب المشكله
ويمكن الأخ اللى ماسك لى مازوره ساعتها يقتنع بمستوى الرد
وأشكر صاحب الموضوع علي أنه أعطانا هذه الفرصه لنتحاور
كل عام وانت بألف صحه وسلامه كل عام وأنت أقرب إلى الله

[هلال هلال]

اشترى نوعيه تكون كويسه من الديازك وتكون كلهانوع واحد........وشوف
مهم. وحد خرج الفولت بين الرسيفرات

[bishoy1]

ايه اللى حصل ياجماعه
صلوا على النبى ووحدوا الله ورمضان كريم
ماكانش سؤال يعمل كل دة
والله العظيم باحبكم كلكم وباستفيد منكم وباحسدكم على انكم بتعرفوا تفيدوا الجهله المتطفلين امثالى وعذرى ان اسئلتى بتفتح مجالات للتفكير والابتكار اللى انا ما اقدرش عليه ودى مشاركاتى اليتيمه فى المنتدى
بس تفتكروا اقدر اطلع الدور السادس وانا فى الدر الاول علشان اغير القطعتين الرباعيتين والدنيا صيام
يمكن بعد رمضان اجرب واقول لكم.
بالمناسبه الاسم bishoy مش nickname ولكن دة اسم واحد صاحبى كان عندة كومبيوتر زمان وانا طبعا ماعنديش فكنا بنستخدم E-mail واحد وبعد وفاته ظللت محتفظ بنفس E-mail
علشان اللى مستغرب من الاسم ومن التعليق
احنا كلنا واحد مش كدة والا ايه
وكل عام وانتم بخير

[bishoy1]

طيب ايه رأيكم لوبحثنا فى اعددات الريسيفر وخلينا واحد LNP power ON
والتانى LNP power OFF
يمكن تكون شحنه زيادة بتعمل قفله فى احد الديازك او ما اشبه

حتقولوا طيب ليه يافالح مابتجربش
الصراحه انا شغال 12ساعة يوميا ولو فكرت العب فى الريسيفر بالليل حتقوم على ثورة شعبيه دة بخلاف الدور السادس
فانا باقترح دة علشان اللى عندة امكانيه ووقت يجرب
وشكرا