اتمنى حد يساعدنى باى شىء انا جديده

[ران موري]

يا جماااااعه انا لسه جديده وعايزه افهم حاجات كتير
اولا انا الرسيفر بتاعى ترومان tm150ultra
مشكلته الاتى مبيجبش قنوات زى ما انا عايزه يعنى فى قنوات الاطفال النكلودين والبراعم وحاجات تانيه كتير مش بيرضى يجبها ساعات تردد قنوات بيبقى نازل على الهوت بيرد الجهاز بينزلها وبشوف القناه قدامى لكن القناه نفسها مش بتفتح وساعات لما يتنفخ فيها الروح تيجى مقطعه بشكل بشع

نجيب الراجل بتاع الرسيفرات انا اسفه بحس انه بيطينها زياده وانا مش عايزه اطلع الرسيفر بره البيت
وعندى استعداد افهم وانا سريعه فى التعلم
اللى فهمته الى الان انه الرسيفر لازم اجبله وصله اسمها rs232
بوصله بيها بجهاز الكمبيوتر
اوكى ماشى
لكن هل لازم الرسيفر فى نفس الوقت يبقى متوصل بالتلفزيون عادى عشان اعرف اشوف شاشه الرسيفر ولا اشيله من التلفزيون واركبه فى الكبيوتر وشاشته هتطلع على شاشه الكمبيوتر نفسها
ثانيا انا مش فاهمه بعد اما اوصله للجهاز اعمل ايه
وايه هو اللودر ده وايه القنوات اللى انتو منزلين ملفتها دى
مافيش حد فيكم ممكن يساعدنى افهم
وانا لو فهمت هعرف اشتغل كويس ممكن حد يساعدنى
اعمل ايه
حد يفهمنى الوصله اشتريها منين وبكام
وانى الاحسن الوصله اللى فى طرفها وصله usb ولا الوصله اللى الطرفين فيها زي بعض ام تسع سنون

واول ما اوصله للجهاز ازاى اعرف الرسيفر وهو الرسيفر اللى بيتعرف على جهاز الكمبيوتر ولا جهاز الكمبيوتر اللى بيتعرف على الرسيفر
وايه فايده الملفات اللى صاحب الموضوع حاططها وبيقول قنوات اطفال ورياضه الخ
وايه هو الشيرنج ده
وفى قنوات انا ببقى عايزه اجبها قنوات اوروبيه زي ال kbs world
او القنوات اليابانيه وخلافه او ديسكفري تشانل وكده كل ده هل ينفع يتجاب على الرسيفر لما اوصله على الجهاز
ولا لازم الاول يبقى عندي راس اوربي جنب راس النايل سات اللى متركبه فى الطبق
عايزه مساعده كتير وحاسه انه محدش هيسال فيا

[ران موري]

هو محدش شايفنى ولا ايه

[ران موري]

بجد هو مافيش حد هنا ممكن يساعد ايه ده؟

[أبونوران]

أختى الغالية
اليكى اللودر الخاص بجهازك وكذلك ملف القنوات الخاص بة
ولا داعى لتوصيل الجهاز بالتلفزيون اثناء التحديث كل ما عليكى
فتح اللودر واختبار الملف والانتظار حتى انتهاء التحميل
ويكتب داون لود سكسيز
اوك
انا متابع معاكى

[أبونوران]

بالنسبة لقنوات الاوربى لابد ان يكون عند حضرتك طبعا قطعة اوربى hotbirdبس ياريت تخلى الفنى يقوم بالعمل دا اكيد هيبقى افضل
أوك
ونحن دائما فى خدمة جميع أعضاء مصراوى

[ران موري]

شكرا انه اخيرا فى حد رد
عندى سؤال

بالنسبه للودر اللى حضرتك حاطه لما اوصل الرسيفر بجهاز الكمبيوتر كل التعامل بيكون من خلال شاشه الكمبيوتر اقدر بمنتهى السهوله اتاكد انه كل شىء تم بفاعليه؟؟

[أبونوران]

بالنسبة للوصلة هى عادية جدا تباع لدى جميع محلات الستالايت والالكترونيات بسعر 7 جنيهات اوك بالنسبة لتشغيل اللودر هو لا يحتاج الى شرح حضرتك بتفتحى اللودر ثم اختيار bruseبمعنى عرض الملفت واختيار الملف بعد فك الضغط وبعد ذلك الضغط على startثم توصيل التيار الكهربى للرسيفر والانتظار حتى نهاية التحميل ويكتب على شاشة الجهاز رقم القناة

[أبونوران]

طبعا هتعرفى ان كل شيئ تم بعد الانتهاء من التحميل عدد القنوات هيتغير والترتيب القديم وزيادة القنوات طبعاااااااااا
ونحن دائما بالخدمة

[ران موري]

عايزه اعرف ايه فايده انك تحدث جهاز الرسيفر
انا جهازى التاريخ بتاعه 21\12\2006
معنى كده انه جهازي فعلا ممكن ميقدرش يجيب قنوات
وايه فايده القنوات اللى انتو بتقولو ننزلها اللى بتبقى مضغوطه فى المرفقات دى
والتحديث بيعمل ايه؟؟

[أبونوران]

بصى اختى الغالية بالنسبة لتاريخ السوفت دا طبعا مش هيفيدك لأنك من الواضح ان عندك طبق صغير يعنى نايل سات فقط وطبعا انا ارسلت لحضرتك ملف قنوات فقط وليس سوفت ويرالسوفت بنحدثة فى حالة وجود طبق متحرك لفتح قنوات مشفرة على اقمار اخرى بخلاف النايل سات طبعاااااا دا شغل تانى لأنهم غير مكسورين ****** الا بطرق معينة وقنوات معينة انتى لا تحتاجى الى سوفت وير كل ما تحتجية ملف قنوات لتحديث القنوات لديكى بدلا عن البرمجة اليدوية واضافة الترددات والترتيب وخلافة
اوك اى استفسار انا متابع معكى

[ران موري]

جميل يعنى انا لو حبيت اجيب القنوات او اشغل القنوات اللى عندى كل اللى اعمله انى اوصل الرسيفر على جهاز الكمبيوتر واشغل اللودر واحمل القنوات على الرسيفر

وفى حاله انى عايزه قنوات تانيه عالميه زي اللى ذكرتها لازم الاول يتركب راس اوربي على الطبق وبردو استخدم اللودر فى تحميل القنوات الاوربي

وفى الحالتين السوفت اللى عندى ده هيمشى الحال بس هل فعلا هيشتغل بكفاءه

وحاجه كمان لما اوصل جهازي على الكمبيوتر ايه اللى بيظهرلى هل بيظهر على انه درايف ولا لازم له تعريف خاص على الجهاز

ياريت تصححلى لو فى حاجه انا مفهمتهاش صح

[أبونوران]

اللودر ليس لة تعريف يعمل بدون تسطيب بس فكى الضغط الاول عن الملفات
الملف المرفق نايل سات فقط لو محتاجة اقمار اخرة اامرى احنا تحت امرك وممكن تتابعى فى قسم ملفات القنوات الخاصة بجهازك بقسم الترومان

[م/محمد علاء]

بسم الله

نقطة نقطة علشان منتهحش من بعض
3. الوصلة الخاصة بالتحديث . يو اس بى لو عند لاب توب او جهاز بدون مخرج الكابل ال9 بن لكن لو وصلة ال9 بن موجودة يبقى الكابل العادى افضل بكتير
4 القنوات الاروبية لايمكن ان تشاهديها الا اذا تم تركيب قطعة خاصة بالقمر المرغوب فية
وانا موجود لو فية اى استفسار .
1 تقطيع القنوات والقنوات اللى مش عايزة تيجى .
اولا الطبق لازم يكون مظبوط علشان تبتدى تشتغلى على الجهاز وتعملى اللى انتى عايزاة غير كدة هتتعبى وممكن تكسرى الجهاز
ممكن تشوفى فنى كويس الناس بتشكر فية او جيرانك وهاتيه يظبط الطبق وفى ملحوظة صغيرة الترومان فى بعض الاوقات بيكون فى مشكلة فى مكثفات البور هية اللى بتخلية يقطع .
وياريت تذكرى الطبق عندك اد اية وكام قطعة راكبين
2.وصلة السوفت والتوصيل .
اولا احتياجك للسوفت وملف القنوات هيكون للتحديث فقط يعنى ملوش علاقة بتقطيع القنوات او تنزيل قنوات جديدة او تردادت جديدة
وشكرا

[حسين عيد]

بعد اذن الاخوة الافاضل بالنسبة لتوصل الرسيفر بالكمبيوتر عن طريق الكبل العادى لايحتاج للتعريف
التعريف بيتم باللودر عند قفل الرسيفر وفتح اللودر واختيار السوفت ثم الضغط على كلمة ستارت فى اللودر بعدها بنفتح الرسيفر واللودر يتعرف علية اتو ماتيك

ثانيا جهاز الرسيفر عند توصيلة بالكمبيوتر لايظهر على شكل درايفر مثل الفلاشات وكروت الر يد ر وغيرها

ثالثا اذا اردتى توصيل التلفزيون بالرسيفر عادى جدا اثناء تنزيل الملفات اليه

واذا اردتى عرض شاشة الرسيفر على الكمبيوتر هذا بيتم عن طريق كارت تلفزيون يباع فى جميع محلات اكسسورات الكمبيوتر

[أبونوران]

شكراااااااااا لمروركم الكريم

[ران موري]

شكرا بجد لكل واحد دخل وقدملى معلومه بجد انا اسفه لانى اضطريت اخرج فى وقت ردكم ووجودكم بس بجد الله يكرمكم وضحتم حاجات كتير
والاستاذ العضو ابو نوران الله يكرمه بجد فضل موجود ومتابع بالرد

الله يكرمكم حقيقى فعلا


انا الطبق اللى عندى صغير 60 سم
والراس اللى متركبه نايل سات والطبق مظبوط جدا جدا

والقنوات اللى بتقطع دى حاسه انه المشكله فى الرسيفر
نفس القنوات موجوده عند جيرانى اللى برضو عندهم ترومان بس احدث شويه وشغاله
انا الرسيفر قديم
وهل انا لو وصلت الجهاز بالكمبيوتر وحملت عليه القنوات عن طريق اللودر وكان موجود فى القنوات دى نفس القنوات اللى عندى وبتقطع
هل لما تتحمل هتشتغل ولا تفضل برضو تقطع ولا كانى عملت حاجه اصلا

مع العلم انى اتاكدت انه الدش مظبوط
وجبنا فنى اكتر من مره وقال انه متركب ومتوجه صح ومافهوش اى شىء

[SALAH SALEM]

شكر لالاخوة على المتابعة الجميلة ده
الاخ او الاخت السائلة
ممكن كتابة معلومات جهازك
بالدخول على المنيو ومنها معلومات الجهاز كما احضرت تاريخ اخر تحديث
رجاء كتابة باقي المعلومات الموجودة بالجهاز

[ران موري]

اخيرا يا استاذ صلا ح انا كتبت رد فى موضوع لحضرتك لعل وعسى يكون فى رد
مواصفات جهازى الاتى


طبعا هو ترومان tm 150 ultra

vga 3.3.02
hard 1 5.3.0
loader ver 1.0.7
fdd ver 1.0.0

التاريخ

21\مارس\2006

كده واضح البيانات ؟؟

[ران موري]

بالمناسبه انا اصلا عمري ما جيت جنب الجهاز ولا عمره اتعمله تحديث من ساعه ما طلع من الكارتونه وهو شغال وبس
ومؤخرا ابتدى يعمل حاجات غريبه يفصل وفجاءه ويشتغل تانى ولا كان فى حاجه حصلت ولما افتح المنيو الاقيها قلبت انجليزي لوحدها
او مره وهو شغال افتح القوائم بتاعه القنوات عشان اعرف الافلام اليوميه لو القناه منزله الاقى التاريخ بتاعه اتقلب وبقى تاريخ مثلا من سنه 1996 والوقت مش هو الوقت ومن غير ما اعمل اى شىء اقلب على قناه تانيه الاقى رجع عادى التاريخ والوقت مظبوطين واخيرا وليس اخرا
شاشه الارقام بتاعته ابتدت تخرف
وتجيب ارقام عجيبه متلخبطه كانه بيهنج وده بقا مستمر
والامر اللى فعلا مشكله
انه لو طفينا الجهاز من زرار الباور اللى موجود ورا لسبب انه سبنا الجاز يومين تلاته مش موجدين فى البيت
نرجع نفتحه
وواصله كهربه وكله تمام لكن الشاشه متنورش ولا تشتغل ولا هو يشتغل ويفضل على الحال ده ما يقثارب الساعه

الاحسن نرميه ونشتري غير احدث
ولا فى امل؟؟

[ران موري]

الوو هو فى حد هنا؟