محتاج مساعدة فى رسيفر h4 plus

[كابتن أهلاوى]

لو سمحتم انا عندى رسيفر اتش 4 بلس ... وصلته من الخلف بوصلة الانترنت عن طريق الكونفرتر وحاولت اخلى الجهاز يقرأ الاى بى مفيش خالص كل البيانات 0000 ..... والسيرفر شغال لكن مفيش نت عشان يوصله ...... ازاى اخليه يقرأ الاى بى علما انى اول مرة استخدم الكيوماكس وكنت بستخدم سترونج 4920 قبل كدة

[محمدوفيتش]

menu ثم addition function ثم ضبط الشبكه ثم ضبط السرفر ثم اضغط ع زرار بتاع الصوت شمال اختار بورت 40 ثم اضغط تفعيل السرفر

[م / محمود عبدالعال]

هل الجهاز ان يعمل من قبل على الانترنت السلك ؟؟

[كابتن أهلاوى]

لا الجهاز مكنش متوصل نت اصلا .... جربته عند الراجل فى المحل لما اشتريته واتاكدت انه شغال وفاتح الشيرنج ... رجعت البيت ركنته لأن عندى سترونج 4920 ******* كان شغال وخلص جيت اشغل ده بقى مش راضى يلقط نت اصلا ... انا موصله على الكونفرتر بسلك مش وايرليس ولا ثرى جى ...... مش راضى يلقط اى بى ......... وهل لو عملتله ضبط مصنع ******* المجانى هيروح؟
علما انه على سوفت 1.50 وهل لو حدثته لسوفت اعلى ******* هيروح؟

[كابتن أهلاوى]

حد يساعدنى ياجماعة

[كابتن أهلاوى]

.....!!!!!!!!!!!!!!!!!!!!!!!!!!!!!!!!!!!!!!!!!

[م / محمود عبدالعال]

اخي الحبيب اعمل ضبط مصنع وحمل هذا السوفت
سوفت v1.52 اصلي (غير معدل) للh3 plus يدعم g-share3 (http://www.masrawysat.com/vb/showthread.php?t=1729499)

ثم ضبط مصنع تاني بعد تحميل السوفت
وياريت توضح الانترنت عندك على تليفون ارضي
ام ميكروتك ؟؟

[كابتن أهلاوى]

الانترنت عندى ارضي موصل مباشرة بالراوتر عن طريق كونفرتر rs ...والكونفرتر سليم لانى كنت شغال بيه على الاسترونج

[م / محمود عبدالعال]

اخي الحبيب هل كنت مشغل كونفرتر كيوماكس على استرونج ؟؟
لو لا كدا مشكلتك تنحصر في الكونفرتر
لأن الكيوماكس مش اي كونفرتر يمشي معاه

[كابتن أهلاوى]

طيب ايه الكونفرتر المناسب

[كابتن أهلاوى]

تم حل المشكلة الحمدلله وطلعت كونفرتر غير مناسب وغيرته بواحد مخصوص للكيوماكس واشتغل ******* الحمدلله ... السؤال هنا بعد اذنكم لو نزلت سوفت 1.52 ..فى فرق عن السوفت الحالى 1.50 ؟؟؟ وكمان فى مشكلة لو سحبت ملف القنوات منه ونزلته تانى بعد تحديث السوفت وير ؟

[م / محمود عبدالعال]

الحمد لله اولا على حل المشكلة
اخي الحبيب السوفت رقم 1.52 من وجهة نظري
أفضل من 1.50 لأنه بيحل مشاكل كثيرة في الجهاز
وكمان التحويل ممتاز جدا واليك التحويل

القنبله الاولى .. تحويل الكيوماكس h3 و h4 بلص الى الجيون وتشغيل اليوتيوب واضافه نظام التشفير Powervu (http://www.masrawysat.com/vb/showthread.php?t=1917200)

اما ملف القنوات اذا سجلت ملف على سوفت عندما
تغير الى سوفت اخر اعتقد ان القنوات بتروح
انا بسراحه مش فكرة انني اجرب هذه الطريقة

[كابتن أهلاوى]

انا اكتر حاجة مستفزانى فى الجهاز هو نظام قوائم القنوات والتقليب العكسى بين الصفحات... لكن ******* بتاعه للأمانة ممتاز جدا عن الاسترونج ومفيش تقطيع تقريبا على باقة ام بى سى بعكس الاسترونج كانت بتقطع اكتر مابتشتغل ... عموما مش مشكلة القنوات لكن ممكن حضرتك تقولى السوفت التحويل ده بينزل ازاى ؟؟؟ وكمان هل شكل القوائم والنظام فيه مختلف ؟؟ وهل فى ضرر على الجهاز ولا لا ؟؟ واقدر ارجع تانى للسوفتات الاصلية ولا فى مشاكل؟

[م / محمود عبدالعال]

اولا طبعا من المستحيل اننا معينين عشان نساعد الناس
في حل مشاكلهم مع الاجهزة اننا نرفع شيء يضر اجهزة الناس
نأتي للتحميل ادخل الموضوع وتعرف على كل شيء من خلاله
ولو هناك شيء غير واضح انا تحت امرك

[كابتن أهلاوى]

انا بشكر حضرتك جدا على سعة صدرك وفعلا انا مش عارف من غيرك كنت عملت ايه وبعتذر على انى طولت عليك ....... هجرب السوفت وير وارجعلك تانى لو فى حاجة مش فاهمها واستحملنى معلش انا جديد على الكيوماكس عموما.... ورمضان كريم وكل سنة وحضرتك طيب

[عبدالفتاح جابر]

متابعه ممتازه استاذ محمود

[۩ تامرالقناوى ۩]

متابعه ممتازه استاذ محمود

[كابتن أهلاوى]

عملت ابديت للسوفت وير ونزلت 1.52 بدون مشاكل الحمدلله ... ******* زى ماقولت قبل كدة على النايل سات ممتاز فعلا وباقة ام بى سى تحديدا شغالة بثبات تام بعد ماكانت قارفانى على السترونج ... لو فى طريقة اشيل بيها نسخة احتياطى من ملف القنوات ياريت حد يقولهالى لو سمحتوا واجيب منين احدث ملف ***** فيه ***** بيس وانزله ازاى

[م / محمود عبدالعال]

شكرا لأخواني الاحباب على الرد الطيب

استاذ عبدالفتاح

واستاذ تامر قناوي

اخي الحبيب صاحب الموضوع لا داعي للأعتزار
والحمد لله ان الجهاز اشتغل تمام معاك

للاحتفاظ بنسخة من ملف القنوات
احضر فلاشة وركبها في الجهاز
وادخل على التحكم بالقرص
ثم ادخل الى الفلاشة هتلاقي اسفل الشاشة
اختيارات الزر الاصفر في الريموت لسحب القنوات
اضغط عليه وواختار نعم ثم اوك كدا هتاخد نسخة من الملف الى الفلاشة
وهناك طريقة للحفظ على الجهاز نفسه
ادخل على احد الخيارات وبالتحديد نظام الخدمة
هتلاقي اختياِر قائمة قنوات المستخدم
ادخل عليها وهتعرف الباقي ِ

[كابتن أهلاوى]

طيب فى اوبشن موجود فى الجهاز الخاص بتحديث ملف ******* من الانترنت g-net update هل لو عملته هيطيرلى القنوات او هحتاج مسح مصنع من اول وجديد؟