وزير الاتصالات: سرعة الإنترنت لن تقل فى العام الحالى عن 1 "ميجا"

[الامبراطور محمد]

قال المهندس خالد نجم وزير الاتصالات، إن الوزارة أطلقت مبادرة من أجل تحسين خدمة الإنترنت المقدم للمواطنين وتقديمها بأقل الأسعار، مؤكدا أن هناك وعدا بألا تقل سرعة الإنترنت هذا العام عن 1 ميجا، فيما ستصل سرعته فى العام المقبل إلى 10 ميجا.

وأضاف نجم عبر مداخلة هاتفية لبرنامج "القاهرة اليوم" مع المحامى خالد أبو بكر، على فضائية "اليوم"، أن سرعة الإنترنت فى الفترة المقبلة ستصبح أفضل من نظيرتها فى دبى وبأسعار مخفضة، مشيرا إلى أن دبى ليست بها أفضل خدمة إنترنت بالعالم، لأن هناك بلاد تفوقها فى هذه الخدمة مثل المغرب وعدد من الدول الأخرى، قائلاً "وإحنا عارفين بنقارن نفسنا بمين، وأقل سرعة السنة دى هتبقى 1 ميجا".

المصدر http://www.youm7.com/story/2015/6/25/%d9%88%d8%b2%d9%8a%d8%b1-%d8%a7%d9%84%d8%a7%d8%aa%d8%b5%d8%a7%d9%84%d8%a7%d 8%aa--%d8%b3%d8%b1%d8%b9%d8%a9-%d8%a7%d9%84%d8%a5%d9%86%d8%aa%d8%b1%d9%86%d8%aa-%d9%84%d9%86-%d8%aa%d9%82%d9%84-%d9%81%d9%89-%d8%a7%d9%84%d8%b9%d8%a7%d9%85-%d8%a7%d9%84%d8%ad%d8%a7%d9%84%d9%89-%d8%b9%d9%86-1-%d9%85%d9%8a/2240394#.VYyWjE3GPmI

[hazzuma]

بالفعل قرأت الخبر من شويةلكن الكلام غير مقنع،او مفهوم،يعنى ايه سرعة النت لا تقل عن واحد ميجا وهتبئى عشرة ميجا العام القادم!!! هل يقصد انه هيلغى السرعات الاقل من واحد ميجا؟ وهل يقصد انه العام القادم هتبئى السرعة الادنى عشرة ميجا!!! أعتقد مستحيل،لو حد. فهم بالظبط ،يفهمنا،وهل يعقل ان النت فى المغرب افضل من دبى!!! الكلام كله غير منطقى يا جماعة،نرجو التوضيح،تحياتى

[م/محمدزيان]

المشكلة ان فى الاخر بيبقى مجرد كلام وخلاص
ولما يجي مسئول تانى غيرة يوضح لنا الكارثة ان الامكانيات والبنية التحتية مش مساعدة
والشركات المنافسة مش راضية وفى الاخر بيكون القرار والحل بايد الحكومة ال مش عايزة تتعامل ان النت حق مشروع لكل مواطن فى ظل التطورات العالمية
واتمنى فعلا اخى ان الكلام يبقى صح ويكون فعلا الاسعار الحالية والقادمة اسعار مخفضة فعلا ونفسنا نشوف السرعات ال بنسمع عنها فى الدول التانية

[حسين31]

يوم ال ...........بسنه
وبقولك العام القادم يعنى من يعيش

[DmgRoxx]

كانت هتطبق على شهر 6 شويه ناجل لشهر 7 عشان فيه مشاكل شويه مش هنعدى السنادى الحوار ده عندى زى حوار كسر BeIn مش هصدقوا غير لما اشوف بعنيا مهما كانت المواعيد ايه

[™Mr.Mahmoud™]

كلام في كلام
المفروض ياجماعه نقفل الكلام في الموضوع ده عشان بقا مستفز

[hazzuma]

المفروض ياجماعه نقفل الكلام في الموضوع ده عشان بقا مستفز

بالعكس لازم نتكلم ونفضل نطالب بحقنا حتى يصل صوتنا وإصرارنا للمسئولين،أممال ثورة ٢٥ قامت ازاى! خصوصا وان الوزير وعد من اكتر من شهرين بالتغير لكن الشركات رافضة ومعطلة الموضوع،لكن التغير قادم بالتأكيد فى السرعات والأسعار،خصوصا مع تغيير الكابلات والآعلان اللى عملته الشركة المصرية للإتصالات من كام يوم اللذى يفيد بذلك،تحياتى

[حمدى العسالى]

على الله اما نشوف

[™Mr.Mahmoud™]

بالعكس لازم نتكلم ونفضل نطالب بحقنا حتى يصل صوتنا وإصرارنا للمسئولين،أممال ثورة ٢٥ قامت ازاى! خصوصا وان الوزير وعد من اكتر من شهرين بالتغير لكن الشركات رافضة ومعطلة الموضوع،لكن التغير قادم بالتأكيد فى السرعات والأسعار،خصوصا مع تغيير الكابلات والآعلان اللى عملته الشركة المصرية للإتصالات من كام يوم اللذى يفيد بذلك،تحياتى

انا مش قصدى ان احنا نسكت علي حقنا
انا قصدي ان كل يوم بيتم نقل اخبار مستفزه وغير صحيحه

[amir_love2]

كلام غير صحيح بالمره لان الوزير لا يقدر منذ اكثر من فتره على تغيير السرعات ولا الاسعار لانه ما بيده لان المصريه للاتصالات قالتها علنى انها غيرت من نحاس الى الياف ضوئية وكلفت الشبكه مليارات ومش هتقدر تخصر فلوس واشترت 49 فى المائه من تى داتا يعنى النت فى جيبها هترخص ليه وهيه الى محتكره كل شىء خليكى فاهمين بس

[احمد سعد]

الكلام ده عجبنى بس للحرامية حلال وكل حاجة فى ثانية للشعب اخبط دماغك فى الحيطة والله إحنا نستاهل كل إل بيحصل فينا


المشكلة ان فى الاخر بيبقى مجرد كلام وخلاص
ولما يجي مسئول تانى غيرة يوضح لنا الكارثة ان الامكانيات والبنية التحتية مش مساعدة
والشركات المنافسة مش راضية وفى الاخر بيكون القرار والحل بايد الحكومة ال مش عايزة تتعامل ان النت حق مشروع لكل مواطن فى ظل التطورات العالمية
واتمنى فعلا اخى ان الكلام يبقى صح ويكون فعلا الاسعار الحالية والقادمة اسعار مخفضة فعلا ونفسنا نشوف السرعات ال بنسمع عنها فى الدول التانية

[adel513]

اكيد الوزير كان صايم وطلع منه الكلام ده من مايحس
النت فى مصر هيبقى احسن من دبى
مش عاوز اقوله .......احسن صايم

[محمود الكدوانى]

كلام هرى على الفاضى

ياعم الوزير ما تتكلمش غير لما تعمل حاجه
فايدته ايه كلامك ده يعنى
خلاص نفرح واحنا مش عارفين ولا فاهمين حاجه

[hassan.shahen]

بعد تصريح هذا الوزير تاكدت اننا في مصر

[نادر زاهر]

اقبال الناس وتعلقهم بالنت وراء تعنت الشركات ارخص ليه والاقبال كبير لابد من موقف موحد بالضغط على الشركات واخد حقنا فى نت قوى وسعر معقول زى غيرنا من الدول والموقف يكون من اكبر عددمن المشتركين بعدم دفع الاشتراك شهر اثنين فطبعا الشركات مش ممكن تقطع اانت عن كل المشتركين

[عبدالسلام شعير]

اقبال الناس وتعلقهم بالنت وراء تعنت الشركات ارخص ليه والاقبال كبير لابد من موقف موحد بالضغط على الشركات واخد حقنا فى نت قوى وسعر معقول زى غيرنا من الدول والموقف يكون من اكبر عددمن المشتركين بعدم دفع الاشتراك شهر اثنين فطبعا الشركات مش ممكن تقطع اانت عن كل المشتركين

صح هو ده الكلام لازم كده

[القاضي 46]

الصبر يارب .. الصبر يارب .. الصبر يارب ..

[amrlion]

الوزير البوء

[نۨــٰا̍صــر ؏ــڶــۍۧ]

سرعة النت فى مدينتى 100 ميجا

ولسه بيتكلم عن الواحد ميجا

[hazzuma]

سرعة النت فى مدينتى 100 ميجا

ولسه بيتكلم عن الواحد ميجا

مدينتى دى اللى جنب الرحاب،ولا فين،وانتا تقصد عشرة ميجا ولا مائة،واذا كانوا مائة ميجا،،،عملوها ازاى دى!!! شكرا لك