تلفزيون جولد ستار 14" 23 نظام قاطع الصورة عند فتح الشاشة من اللين يظهر خط بالعرض ؟

[hamada.moner]

جالى تلفزيون جولد ستار 14" 23 نظام قاطع الصورة عند فتح الشاشة من اللين يظهر خط ابيض بالعرض .
التلفزيون كان جاى لمبة البيان تضئ وعند ضغط مفتاح التشغيل اللمبة تضعف ويخرج صوة الكهرباء ولكن الشاشة لا تعمل قمت بتغير مكثف 250v/10uf اشتغل ولما طفيته وشغلته لم تعمل الشاشة ويظهر الخط الابيض عند فتح الاضائة من اللين ؟
مرفق صورة البوردة ارجوا الاشارة على المكان المسئول عن العطل وكيفية القياس .

[مهندس محمودعبدالحميد]

كدا فى مشكله فى اعاده لحام على خط تغذيه الفيرتيكال من اللين

[hamada.moner]

مهندس محمود ايسى الفرتكال ta8445k هل كدا تمام ?
ارجوا من حضرتك كيفية قياسه وبياخد كام فولت من اللين وانا رافع لحضرتك صورته منفرد

[hamada.moner]

اعدت اللحام على ارجل كل الايسيهات على البوردة بما فيها اللين ويعمل الحمد لله بنجاح ولكن هناك مشكلة اللون فاللون الاخضر زيادة جدا على الشاشة فاذا اغلقت الرسيفر لا يكون لون الشاشة اسود كالعادة وانما يميل الى الخضار بشكل ملحوظ ويوجد حوالى اربع خطوط ونصف بيضاء اعلى الشاشة .

[hamada.moner]

اغلقت التلفزيون وذهبت الى الافطار وعدت اشغله فوجدته على حالته الاولى لمبة البيان تضئ وعند ضغط مفتاح التشغيل اللمبة تضعف ويخرج صوت الكهرباء ولكن الشاشة لا تعمل لمست اللين بمفك اشتغل التلفزيون بذيادة اللون الاخضر ما هذه الاعراض وما علاجها جذريا ؟

[نادرالشبراوى]

غير المكثفات المجاوره لاى سى الفيرتيكال
ده بالنسبه للخطوط الموجوده اعلى الشاشه
اما بالنسبه للون الاخضر اعد لحام على 3 ترانزستورات
الموجوده على بوردة سوكيت الشاشه
ان لم يجدى غير التالف منهم.ان لم يجدى
جرب الشاشه على شاسيه اخر

[نادرالشبراوى]

بالنسبه للمشاركه الاخيره
اعد لحام على ارجل اللاين
واعد لحام على اى جزء
فاكك من الشاسيه اى راجع
لحامات الشاسيه وليس كله
بل الفاكك فقط وتابع معاك

[hamada.moner]

جارى التنفيذ استاذ م.نادر وارجوا من حضرتك التابعة وسعة الصدر

[نادرالشبراوى]

تحت امرك يا غالى ومتابع معاك

[hamada.moner]

تم اعادة اللحام على ارجل اللين وايسى الفرتكل ta8445k و 3 ترانزسستور على بوردة سوكيت الشاشة والتلفزيون الان يعمل بخط فى منتصف الشاشة من اليمين لليسار ؟

[نادرالشبراوى]

راجع خطوط اى سى الفيرتيكال
وتاكد انها واصله بارجل الاى سى
راجع تغذية الاى سى من اللاين
كما زكرم/محمود عبدالحميد

[hamada.moner]

الرجل الثالثة للايسى من ناحية اللين بتصفر مع الرجل 4(الارضى) و الرجل 5(16v)والرجل (24v) والرجل 6(h/t) ما هذا الوضع ؟

[نادرالشبراوى]

اخى حماده دقق كويس
فى ارجل الاى سى هل
متصله بخطوطها ام لا
هذا اولا

[hamada.moner]

نعم متصلة فكل رجل بتصفر مع اقرب نقطة لها البوردة ام هل هناك طريقة اخرى للتاكد ؟

[نادرالشبراوى]

كدا تمام
راجع ارجل فيشة الدفلكشن
ولحاماتها بالشاسيه لانها
تعمل نفس العيب وهو خط
بالمنتصف.ومتابع معاك

[hamada.moner]

فيشة الدفلكشن تمام راجعتها على البوردة وعلى الشاشة .
لاحظت وجود 24 فولت على الرجل الاولى لاسى الفرتكال و23 فولت عالتانية و25فولت عالسادسة و8. عالسابعة و 2. عالتامنة فقط .

[نادرالشبراوى]

هل راجعت ارجل اللاين ولحاماتها بالشاسيه
وراجع ايضا البفات او المكثفات السيراميك ذات اللون البنى
وما هو الوضع الحالى .هل كما هو؟؟؟

[hamada.moner]

راجعت ارجل اللاين ولحاماتها بالشاسيه اكتر من مرة واعدت اللحام عليها 3 مرات وتاكدت من المكثفات البنية والوضع كما هو خط بعرض الشاشة .

[نادرالشبراوى]

اخى حماده يوجد مكثف عادى كيميائى
160/1بجوار الشوبر ناحية الاس تى ار
عليك بتغييره.واعد لحام على 2 سايلستور
مركبين على تبريد.واعد لحام على المقاومات
المجاوره لل 2 سايلستور.ومتابع معاك

[hamada.moner]

الف حمد وشكر لله الف الف شكر لله اولا ثم لحضرتك .
قلت لنفسى استاذ نادر يلح على اعادة اللحمات فاكيد العطل فى فك لحام وبفضل الله بالتدقيق على المقاومات خلف الـ 2 سايلستور لاحظت احداها تتحرك بحرية فقلبت البوردة لقيتها مفكوكة هيا والى جنبها وشرخ فى لحام الثالثة اعدت اللحمات على الاربع مقومات والحمد لله اشتغل تمام والمفاجأة ليا انا ان الالوان روعة بعد اعادة اللحام على 3 ترانزسستورات على بوردة سوكيت الشاشة .
فرحتى الان لا توصف ولكن ليس فقط لان الجهاز اشتغل ولكن استفدت كثيرا من هذه المشاركات من م.نادر الشبراوى ولانى ايقنت بانى بانى لو احتجت حاجة هلاقى اخ فى الله واقف معايا وبيساعدنى لله وبصراحة انا اتعجب لطول صبر م.نادر والمتابعة وعلى مدى الساعات الماضية من بعد الافطار فجزاه الله خيرا واسأل الله ان يكتب كل حرف كتبه فى ميزانه يوم القيامة وله منى كل تقدير واحترام وشكر طبعا.
اخوك فى الله واشهد الله انى احبك فى الله حمادة منير .