ماهى أفضل شاشة كمبيوتر ليد 19 بوصة حاليا؟

[hazzuma]

ناوى أشترى إن شاء الله شاشة كمبيوتر قريبا،فكنت عاوز أعرف أيه أحسن شاشة 19 بوصة أو عشرين،ولا يزيد سعرها عن 700 جنيه،وهيشتغل عليها كارت ستالايت عادى،وإتش دى مستقبلا،؟ علما بأنى كنت بحثت فى موقع إيجى برايس،لكن شايف المواصفات متقاربة،،،ونفس الموديلات موجودة عندهم من مدة!!! شكرا لحضراتكم

[ahmed bardl]

وانا معاك دخلت كثير من المواقع لشراء شاشة بصراحة احترت ولم اصل لنتيجة

[FAIR]

والله انا مجرب شاشة سامسونج ليد 23 بوصة وشايفها كويسة مع اني مبحبش سامسونج عموما وسعرها حوالي 1100 جنيه بس حضرتك عايزها في حدود 700 لكن نصيحتي تجيب شاشة اكبر عشان تعرف عالماتشات بكارت الستالايت ولو لقيت ال جي توكل على الله وربنا يوفقك

[ahmed bardl]

مكان بيع الشاشة عن طريق المواقع علي النت ولا مكان اخر ونوع الشاشة بالتفصيل

[bebo606]

أفضل الشاشات للكمبيوتر سامسونج وعن تجربة

وفيه كمان شاشات الاستيراد جميلة واسعارها كويسه جدا ومعظم الناس حاليا بتشتري الشاشات دي لرخص سعرها وجودتها وقوتها ومتانتها

تحياتي لحضرتك

[hazzuma]

أنهوا موديل سامسونج تحديدا يا بيبو،إن أمكن؟ وتقصد بالإستيراد،المستعمل ولا إيه؟ تحياتى

[elneklawy]

أفضل الشاشات للكمبيوتر سامسونج وعن تجربة

وفيه كمان شاشات الاستيراد جميلة واسعارها كويسه جدا ومعظم الناس حاليا بتشتري الشاشات دي لرخص سعرها وجودتها وقوتها ومتانتها

تحياتي لحضرتك

بالفعل كلامك سليم 100/100 وفى كونفرتة HD تضعها فى الشاشة وتوصلها بالرسيفر HDواتفرج على انقى صورة انا عندي 2 شاشة21بوصةVIEW SONIC والثانية19SAMSUNGواللة العظيم صورة خارقة وشكرا

[bebo606]

أنهوا موديل سامسونج تحديدا يا بيبو،إن أمكن؟ وتقصد بالإستيراد،المستعمل ولا إيه؟ تحياتى

معلهش اسف جدا انا مش عندي فكرة عن الموديلات

لكن كل شاشات سامسونج ممتازة

والشاشة اللى عندي 23 بوصة تشتغل كمبيوتر وتشتغل تليفزيون وهي روعة
وتقريبا في حدود 1400 جنيه او 1300 مش متأكد

وكان قبل كدا كان عندي 23 العادية وكانت روعة وقعدت معايا 4 سنين شغالة بامتياز لكن غيرتها لاني كنت محتاج اللى اشريتها علشان تشتغل كمبيوتر وتليفزيون

اما السامسونج ال 19 بوصه هتكون طبعا ارخص وفي حدود السعر اللى قولته حضرتك

والشاشات الاستيراد طبعا مستعمله لكن ممتازة وسوقها ماشي في مصر كتير لرخص سعرها ولانها كويسه جدا جدا

وتقريبا الشاشة استيراد 22 بوصة في حدود 650 جنيه تقريبا

كان نفسي افيد حضرتك اكثر من كدا لكن بحب اقول الحاجه اللى متأكد منها وعن تجربة

تحياتي لحضرتك

[hazzuma]

شكرا لك يا بيبو

[undertaker2040]

http://www4.0zz0.com/2015/07/22/00/637346614.jpg

[funpda]

ناوى أشترى إن شاء الله شاشة كمبيوتر قريبا،فكنت عاوز أعرف أيه أحسن شاشة 19 بوصة أو عشرين،ولا يزيد سعرها عن 700 جنيه،وهيشتغل عليها كارت ستالايت عادى،وإتش دى مستقبلا،؟ علما بأنى كنت بحثت فى موقع إيجى برايس،لكن شايف المواصفات متقاربة،،،ونفس الموديلات موجودة عندهم من مدة!!! شكرا لحضراتكم

[Ahmed Eshish]

سامسونج ماليزي 19 بوصة والشاشة عندي علي الكمبيوتر وعلي الكمبيوتر كارت ستالات tevii 471 وما شاء الله جميلة جدا

[hazzuma]

سامسونج ماليزي 19 بوصة والشاشة عندي علي الكمبيوتر وعلي الكمبيوتر كارت ستالات tevii 471 وما شاء الله جميلة جدا
رقم موديلها كام يا أستاذ أحمد؟ وبئالها عندك أد إيه؟ وعاملة كام حاليا؟ شكرا لك

[gameyking]

الشاشه دي معايا بقالها 4سنين اقسم بالله صوره خيال الخيل اقسم بالله احسن من سامسونج 40 ليد
الشاشه 23بوصه سامسونج ليد
ملحوظه لو لقيت شاشه سامسونج كرتونتها لونها خام اي بدون صور ملونه اشتريها وانت مغمض الشاشات اللي كرتونتها بيضه كلها lcdبيبعوها علي انها ledوبيكتب علي الكرتونه بتاعتها led ful hdوده كله بتكتب في المصنع اللي اتعمل في بني سويف ودي عن تجربه لجميع الشاشات
http://im83.gulfup.com/LMq5xq.png

[Ahmed Eshish]

الموديل s19b300 وعندي بقالها 3 سنين والسعر حاليا مش عارف بس خلي بالك لان كله مصري والله البيت بيحب بيتفرج علي التلفزيون علي الشاشة دي مع العلم ان التلفزيون توشيبا 21 بوصة وحاجة كمان مميزة فيها لو الشمس جيت علي الشاشة مش بتاثر خالص بعكس التلفزيون لو ضوء الشمس انعكس عليه بتضطر تقفل الشباك عشان تعرف تشوف

[hazzuma]

بس خلي بالك لان كله مصري
أخلى بالى من إيه بئى،طالما كله مصرى!!! تحياتى

[hazzuma]

طب أيه رأى حضراتكوا فى الشاشة المذكورة فى المشاركة رقم عشرة,الأختيار التانى
Samsung S22D300HY 21.5 Inch LED LCD
http://www10.0zz0.com/2015/08/17/00/567462054.jpg (http://www.0zz0.com)

[hazzuma]

ماحدش جرب الشاشة المعروضة فى المشاركة السابقة يا جماعة؟ تحياتى

[undertaker2040]

هى بصراحة شاشة فوق الممتازة .. بس تأكد عند شرائها ان ضمانها 3 سنوات و ليست سنة واحدة

[hazzuma]

هى بصراحة شاشة فوق الممتازة .. بس تأكد عند شرائها ان ضمانها 3 سنوات و ليست سنة واحدة

خلاص أنا هاجيبها على ضامنتك،ولو حصل فيها حاجة ،،هارجعهالك.