تجربتك مع البي ان سبورت.. والشرنج

[دهبه]

للمشتركين في بى ان سبورت ما هو تقييمك لقناة بى ان سبورت مقارنة بالشرنج والقنوات الاجنبية
.. عن نفسي شايف ان قنوات بى ان سبورت فعلا تستحق الاشتراك فيها والمبلغ اللى بتاخده للاشتراك صوره رائعة واستديوهات ممتازة و افضل معلقين وعندك كل الاحداث الرياضية ابتداءا بكل دوريات العالم تقريباً وكذا الاحداث الكروية انتهاءا ببطلات التنس وكرة السله عيبها الوحيد ويمكن ميكنش عيب هو قيمة الاشتراك اللى مش كل الناس تقدر تدفعه او بمعنى ادق توافق تدفع المبلغ دا
..بالنسبه للشرنج والقنوات الأجنبية بتحس انك قدرت تكسر احتكار القنوات للبطلات بجانب انك مش بتدفع اشتراك لكن عيوبها ان الشرنج مش مضمون ممكن يفصل وقت ماتش مهم ممكن القناه الاجنبية متذعش الماتش اللى انت عايزه

.... انا مش بعمل دعاية للقناه انا بقول تجربتى قبل الاشتراك فى القناه ولما اشتركت فيها فعلا فيه فرق كبير للاحسن طبعا على الرغم ان الشرنج ليه متعه محتلفه

[™Mr.Mahmoud™]

مفيش خلاف ان bein sports باقه عالميه
وبتنقل بطولات واحداث رياضيه باقات عالميه عملاقه مبتنقلهاش

بس مش كل الناس تقدر تدفع اشتراكها
دا غير ان الشيرنج بيوفر كل البطولات والاحداث ايضاً ويعتبر ببلاش
ناهيك عن متعة متابعة باقات وثقافات مختلفه

انا افضل الشيرنج

[اسامه الملكى]

الفكرة فى الهواية برضو

يعنى لو عندى النايل والبين سبورت اعتقد ان الهاوى

برضو هيدور على الفيدهات والاقمار الاخرى

طبعا اكيد البين بتوفر كل حاجه بس لو متكسرتش انا واحد من الناس

الى لو لقيت الفلوس فى الارض مش هشترك فيها برضو

امال دماغنا وقدراتنا هتطلع ازاى ولا زمتها ايه

[دهبه]

هو فعلا احساسك انك بتبدع علشان توصل للى انت عايز متعه لوحدها ... بس المشكله لو معندكش وقت علشان تبدع بتكون مضطر انك تاخد السهل وهو الاشتراك

[mohamed soror]

مفيش خلاف ان bein sports باقه عالميه
وبتنقل بطولات واحداث رياضيه باقات عالميه عملاقه مبتنقلهاش

بس مش كل الناس تقدر تدفع اشتراكها
دا غير ان الشيرنج بيوفر كل البطولات والاحداث ايضاً ويعتبر ببلاش
ناهيك عن متعة متابعة باقات وثقافات مختلفه

انا افضل الشيرنج

تمام التمام

[اليوفنتوس الكبير]

الايام القادمة تذكر كلامى الشيرنج سيكون افضل بكثير
اقوال لك لية لان فى حقوق ابدات تسحب من bein sport اه لسة فى حقوق كثيرة مع bein sport لكن الوق بدات تاخذ وحدة البدية كانت تصفيات امم اوربا ثم كاس اسبانيا وايطاليا وايضا كئوس السوبر فى نفس البلدن وفى كلام عن الدورى الانجليزى والله اعلم انا واحد من الناس بعشاق اليوفنتوس لو كانت مشترك bein sport بطبق نايل سات كانت لان اتابع مبارة كاس السوبر الايطالى واكيد عاشق البرسا نفس الوضوع ونا باقوالك المنافسة الايام القادمة فى حقوق لان تكون سهلة
الايام القادمة حيبقى امامك حل من الاثين
الاول تشرك فى bein sport وتسمع بجزء من الحقوق والباقى لا
ام شيرنج ويكون معاك كل البطولات حتى الى مش موجودة على bein sport

[khaledelsheref]

الشيرنج كويس بس المشكلة كلها في البطولات الافريقية

[maradona6000]

الشيرنج افضل بكثير

[mohamed mamdouh 14]

اظن اللى عنده شيرنج وطبق كبير 180 ولا 240 عمره ما حيفكر فى بين سبورت خالص
اولا على مستوى البث حصل اكثر من مرة ان القنوات تكون متاخرة 4 او 5 ثوانى عن البث المباشر واتاكدت منها بنفسى فى نهائى التشامبيونز ليج لما تابعته على canal + france ..ده مشكلة لانك بتدفع فلوس والقنوات الاجنبية سابقك
ثانيا الصورة لاننكر ان الصورة اكثر من رائعة ولكن هل تقارن بجودة وصفاء القنوات الالمانية على استرا 1 او الهولندية على استرا 23 او حتى الباقة البولندية على الاوروبى ؟؟!!. بالتاكيد هناك فرق واضح وخصوصا القنوات الالمانية رقم واحد فى الصورة ال HD

ثالثا قنوات بين سبورت متحكمة فى مشتركيها وزى ما الخليفى عايز فى الاشتراك على كيفه وكمان اشتراك خاص فى بطولات امم اوروبا وكاس العالم وده مش موجود خالص فى الشيرنج اللى تشترك فى ***** مدفوع محترم ب150 وتعيش عليه كل البطولات سنة ببلاش
رابعا :ابوظبى ابتدت تسحب البساط وخطفت من البين بطولات كثير ومهمة كاس اسبانيا والسوبر وكاس ايطاليا وتصفيات امم اوروبا وغيرها ..فى الشيرنج مفيش الكلام ده لان كل القنوات تحت ايدك
خامسا :البطولات الافريقية عندك الفيدات على 7 و10 شرق وفيد افينكس على 68 شرق و معاهم 22 غرب وكمان القنوات الافريقية زى ORTM على 7 شرق والحمد لله مفيش ماتش افريقى فاتنى السنة دى

باختصار الشيرنج نعمة كبيرة والبين صفقة فاشلة

[hazzuma]

البطولات الافريقية عندك الفيدات على 7 و10 شرق وفيد افينكس على 68 شرق و معاهم 22 غرب وكمان القنوات الافريقية زى ORTM على 7 شرق والحمد لله مفيش ماتش افريقى فاتنى السنة دى

مشكلة الفيدات على 7 شرق وغيرها،تكمن فى حجم الطبق،،،،قليل من الناس اللى عندها طبق 180 تقدر تستقبل به الفيدات الناقلة لبطولات أفريقيا،تحياتى

[tmorgan]

انا من اول الناس اللي اشتروة ريسيفرات عام 98 الانالوج و عديت علي كل المراحل من الجولد كارت للفن كارت للكامات المبرمجة للشيرنج واستهلكت عدد 6 ريسيفرات وعندي طبق 240 بدور بية علي جميع الاقمار و عندي ثابت ايضا للنايل و عاموس
وكنت حالف ماشتركش شرعي في اي حاجة ولكن من شهرين زهقت من التقطيع لان لو التليفون عطل يبوظ النت و يبوظ القنوات او السريفرات تقطع وقت المباريات و تنكد عليك .
وقررت اخيراً بعد 17 سنة اني اشترك شرعي في بين سبورت و بعد تجربة شهرين شرعي استطيع ان اجزم ان الاشتراك الشرعي لةمميزات كبيرة من مشاهدات و ممكن اشاهد المباريات مسجلة لو لم استطع رؤيتها
الاشتراك الشرعي افضل و اريح للعقل و ضمان للمشاهدة وكمان الاشتراك مش غالي 84 من الفيزا كارت

[™Mr.Hassan™]

بي ان سبورت = طبق 180 او 240 متحرك
الموضوع بسيط لان بي ان سبورت معاها تغطيه لبطولات افريقيه مش موجوده علي اي قنوات تانيه علي الشيرنج ولازم يكون عندك طبق متحرك من 180 ل 240 علشان تقدر تشوف البطولات دي براحتك
انما لو عندك طبق اقل من كده ومش متحرك يبقي الافضليه لبي ان سبورت كمان بالاضافه للتعليق العربي

[emk]

للاسف البين معدية اي حد تاني،بمراحل بس الحلول التانية ارخص،بكتير هية معادلة لان انا جربت الاتنين طبعا البين تغطيتها خرافية بس الحلول التانية مقبولة تكاد تصل للممتازة
يعني رسيفير + طبق متحرك +اشتراك سيرفير سنة لاول مرة بس هتتحمل تمن الطبق والتركيب وكدة بس بعد كدة التكلفة لا تذكر بالنسبة للبين + انك ممكن تسجل وحاجات تانية كتير

[محمود محمد أبودنيا]

محدش يتخلف على ان باقة البى ان سبورت من افضل الباقات الموجوده فى العالم بس مش كل الناس تقدر تدفع الاشتراك بتاعها وخصوصا فى مصر لكن لو بصيت على الشيرنج عندك كل البطولات فى كرة القدم والالعاب الاخرى على جميع الاقمار واسعار رمزية جدا واحيانا ببلاش . علشان كده الناس بتتجه الى الشيرنج

[shrifstar84]

الامر محسوم للأمكانيات الماديه يعنى اللى امكانياته الماديه يستطيع بيها الاشتراك فالاشتراك افضل بكتير لكن اللى امكانياته محدوده فله الشيرنج وقناة دهوك والماتشات الافريقيه اما على النت او على كافتريا ومش حكلف غير ثمن المشروب ههههههههه

[دهبه]

الامر محسوم للأمكانيات الماديه يعنى اللى امكانياته الماديه يستطيع بيها الاشتراك فالاشتراك افضل بكتير لكن اللى امكانياته
محدوده فله الشيرنج وقناة دهوك والماتشات الافريقيه اما على النت او على كافتريا ومش حكلف غير ثمن المشروب
ههههههههه
لو حسبتها اليوم تكلفته اقل من 3جنية
سهل جدا توفرهم كل يوم

[دهبه]

الشرنج هيكون جامد لما يتم كسر باقات النيل سات واهمها باقه الشو تايم .. ودا للاسف شبه مستحيل على الاقل العام الحالي

[احمد يوسف عابدين]

اولاً احب اقول حاجة بالنسبة لحالة المواطن المصرى فى مواطنين لا طايلين دا ولا دا واكيد ناس كتير هتأكد كلامى وحتى دلوقتى فيه ناس بتعتمد على القنوات العادية مكسورة ****** مثل ايدمان و AZ وايسبن وايرتريا وغيرهم واللى اكيد ان فى ناس كتير جداً جداً جداً مشتركين فى بى ان سبورت فى مصر والكلام دا برضوا محدش يختلف عليه يعتبروا اكتر من المشتركين فى الشيرنج ودول الناس اللى بتحب تريح نفسها وحالتهم مقتدرة اما بقى رسيفر اتش دى واشتراك نت وشيرنج وطبق 100 مثبت على الاوروبى واموس اللى لسه جديد فى الموضوع هيعتبرها تعقيدة والناس عارفة الكلام دا كويس اما بقى من ناحية مين الافضل فبكل تأكيد بى ان سبورت وانت مغمض ليه بقى يا باشا كفاية التعليق ولغة القناة بالعربى ناس هتقولى ما دهوك بتنقل بالعربى اقوله مش كل الماتشات وبعدين تفرق 10 قنوات تخصص رياضة طول اليوم عن قناة واحدة واللى ميحبش برشلونة وبيحب باريس يسمع دهوك والبطولات الافريقية غير متوفرة على الشيرنج افصل خالص الشيرنج عن الفيدات اما بقى الشيرنج انا واحد مستفيد منه وشغال بيه دلوقتى عن تجربة شخصية حاجة روعة برضوا ومتعدد القنوات اللى بتنقل الاحداث ودى ميزة وكل واحد وشوقه

[هامر]

انا واحد من الناس عنى الاتنين البى ان والشيرنج واللى مش موجود هنا فى البى ان بلاقيه فى الشيرنج هتقولولى ازاى بتقدر تدفع الاثنين اشرح ليكم الموضوع انا كنت مشترك شيرنج بسرفر مدفوع 100 جنية كل ثلاثة شهور بلاضافة لاشتراك النت 50جنية للشهر يبقى المجموع تقريبا للشهر 85 جنية احيانا السرفر يهنج احينا النت يقف كانت بهدلة لاقيت بعد كدة ان البي ان افضل وبنفس السعرفاشتركت فيه فكلمت الراجل بتاع السرفر علشان يفصل الاشترك قالى ماشى ونسى يفصله حتى الان او بمعنى اصح اشتراكى مش فارق معاه خالص وبكدة يبقى عندى الاثنين

[محمدفايزعلي]

كلام سليم
الاشتراك احسن