مشتري جديد و استفسار بخصوص ال كيوماكس جوكر hd

[ajdyc]

السلام عليكم


انا من المحله الكبرى

اتفقت مع محل اني اشتري منه جهاز كيوماكس جوكر HD

بسعر 560 جنيه

و اخترت ال HD عشان عندي شاشه HD

و قلت اكيد جودة الصوره هتظبط و هشغل القنوات ال HD كمان

بس هو مش عنده و قال لي الطلب مش كتير على الحاجات دي هنا

و هجيبه لك بكره و عرفت انه جايبه ب 530 و هيكسب فيه 30 جنيه

بعدها دورت هنا في المنتدى

لقيت ناس كتير كاتبه كلام خوفني

اوبمعنى ادق خلاني حاسس اني تايه و مش فاهم حاجه

كلام عن ان ******* لازم يكون بتاريخ اليوم

و لو مش كده اغيره و ابدله لحد ما اوصل لسيرفر بتاريخ اليوم

عشان ميضيعش عليا حاجه من السنه

طب انا الجهاز جايلي مخصوص ابدله ازاي ؟

اذا كان تقريبا مفيش غيره و لو جبيت اغيره هستنى يوم تاني

و لقيت ناس اصلا مش عارفه توصل لتاريخ ******* ازاي

و ناس بتقول احمر و اسود و برتقالي

و ناس بتقول فيرجن 1 و فيرجن 2

و تنزيل سوفت وير و تحميل ملفات قنوات

و ناس بتتكلم على ايبيهات IP

انا مش فاهم حاجه ف حاجه خـــــااالص

بعد ما كنت رسيت على الجهاز

هو انا لازم اعمل ابديت للسوفت وير و لا اشتغل بالي جاي ؟

و لو سوفت وير بيتعمل اول ما اشغل الجهاز

هل لازم كل فتره سوفت وير جديد

طيب ايه اصلا فايدة السوفتات الجديده دي ؟

هو انا لازم انزل ملفات قنوات و حاجات من دي و لا ايه ؟

انا كنت معتقد اني هشتريه اوصله بكابل النت يشتغل و يجيب القنوات

يا ريت حد يفهمني يا شباب

ال qmax joker HD لونه ايه و مميزاته و عيوبه ايه

و بيحتاج حاجه تتعمل فيه قبل التشغيل ولا هوصله بالنت و خلاص

و موضوع ******* و ال I.P. و اللودر ده يتعرفو منين

و فايدة ال ip واللودر دول اصلا ايه

و ايه حوار ********* الكتيره الي بيتكلمو عنها دي

و ناس تقول سيفر مجاني لمدة سنه و ناست قول انه شغال على طول ببلاش

و هل ال HD ده غير فيرجن 1 و 2 ولا هو فيه منه برضو 1 و 2 ؟

انا محتاس و الله يا شباب

و المفروض هستلم الجهاز بكره

الله يكرمكم حد يساعدني

[ajdyc]

و برضو عاوز اعرف هل هو بيدعم الصيغه dvb-s2 و لا لأ

و لو سعره غالي لو لو هو مجابوش

ايه اقرب مكان ليا اشتريه منه

و انا سامع كزا اسم هنا ف المنتدى برضو تايجر و حاجات كده

هل دي افضل ام الجوكر

و فيها اتش دي و لا لأ

[مصراوي متواضع]

كل استفسارات حضرتك هتلاقي اجابتها في الرابط ده اختار اللي انت عاوزه وادخل واعرف كل شئ
http://www.masrawysat.com/vb/showthread.php?t=82848
وتقبل تحيتي لك
واهلا بك في عالم الجوكر

[أ/حــمــاده الــجــوكــــر]

كل استفسارات حضرتك هتلاقي اجابتها في الرابط ده اختار اللي انت عاوزه وادخل واعرف كل شئ
http://www.masrawysat.com/vb/showthread.php?t=82848
وتقبل تحيتي لك
واهلا بك في عالم الجوكر

تمااااام حبيبى الف شكرا على المتابعه
واسف على التاخير

[ajdyc]

يا شباب الله يرضى عليكو انا طامع في شوية اهتمام مش اكتر

الموضوع ده تقريبا فهرس لكل مواضيع القسم

مش معقول هلف على 30 موضوع عشان اعرف الي انا عاوزه

غير ان دي مواضيع خدميه للي عندهم الريسيفر

عشان ينزلو سوفت و يركبو دونجل و حاجات كتير

انما انا بستفسر عن حاجات قبل الشراء

يا ريت حد يجاوب على استفساراتي هنا

[hodaiby]

يا شباب الله يرضى عليكو انا طامع في شوية اهتمام مش اكتر

الموضوع ده تقريبا فهرس لكل مواضيع القسم

مش معقول هلف على 30 موضوع عشان اعرف الي انا عاوزه

يا ريت حد يجاوب على استفساراتي هنا

الفهرس اللي بتتكلم عنو ده اختار منه ابسط الاشياء مثال : صور وشكل الجهاز وتوكل على الله واشتري وتعاللنا نسألك وتجاوبنا....هل فيه فتحة usb واحده ولا اتنين مع اني متأكد انه هيبقى اتنين... وبعدين هنشرحلك خطوه بخطوه ازاي تعرف موديل جهازك والسوفتوير اللي عليه وايه انسب سوفتوير ليك ...... وكمان هنخليك تعرف امتى ابتدت السنه المجانيه وامتى هتنتهي...... وباقي خواص الجهاز وامكانياته هنعرفك عليها.... انت بس توكل واشتري وتعالى

[ajdyc]

الفهرس اللي بتتكلم عنو ده اختار منه ابسط الاشياء مثال : صور وشكل الجهاز وتوكل على الله واشتري وتعاللنا نسألك وتجاوبنا....هل فيه فتحة usb واحده ولا اتنين مع اني متأكد انه هيبقى اتنين... وبعدين هنشرحلك خطوه بخطوه ازاي تعرف موديل جهازك والسوفتوير اللي عليه وايه انسب سوفتوير ليك ...... وكمان هنخليك تعرف امتى ابتدت السنه المجانيه وامتى هتنتهي...... وباقي خواص الجهاز وامكانياته هنعرفك عليها.... انت بس توكل واشتري وتعالى


يعني ايه اختار منه ابسط الاشياء

مهو انا قلت اني عاوز اشتري ريسيفر كيوماكس جوكر

هو ده مش تحديد ؟

استفساراتي واضحه فوق يا باشا و الله

[smsm_87]

ازيك يااخى اولا حضرتك لما بتجيب الجهاز بيكون مكتوب عليه تاريخ السنة بتاعتك من اول ماتشترية لغاية سنة قدام وهى انك بدوس من الريموت f1+666وكدة تعرف السنة بتاعتك اللى هيا الجهاز اشتغل من امتى
2-مفيش فى الجوكر hd غير نوعين هما v1وv2
(الجوكر v1دا فيه يو اس بى واحدة)
(الجوكر v2 فيه يو اس بى اثنين) دا الاختلاف وv2 دا النسخة الثانية من الفيرجن 1
3- بالنسبة للسوفتات انت هتجيبه وهتديله سوفت السوبر 177 او السوبر 185 او الاصلى 343 الثلاثة دول افضل سوفتات ليه علشان متوجعش دماغك والافضل من وجهتة نظرى السوبر 177 ومن رايى بعد تنزيل السوفت تعمل بحث يدوى ومتحطش ملف قنوات علشان دى بتقل الجهاز
4-افضل سوفت 177 والسوفت وير بينزل مرة واحدة وليه خطوات وان شاء الله لما تشتريه هاقولك ازاى وهيه مرة واحدة فقط وبعدين الجهاز هيشتغل معاك زى الطلقة
5-السوفتات الجديدة فايدتها ان الشركة بتعدل على السوفتات بتاعتها كل فترة يعنى بتضيف اشياء جديدة للجهاز +بتزيد من سرعته فى العمل وان قولت لحضرتك افضل السوفتات فى كلامى
6-وان شاء الله اول ماهتشتريه هيشتغل معاك بس لو مش عليه السوفتات اللى انا ذكرتها لك .هاتغير علشان الجهاز يبقى معاك افضل
7- وجهة نظرى او نصيحة ليك لو هاتشترى الجوكر توكل على الله واشتريه لانه فعلا جهاز ممتاز ولو عرفت تتعامل معاك عمرك ماهتشتكى منه لان تعامله سهل جداا جهاز بالامكانيات دى وسنة مجانية يعتبر ببلاش دا رايى ليك واتمنا انى اكون افاتدك ولو فيه اى استفسار انا تحت امرك

[ajdyc]

شكرا على اهتمامك يا باشا

بس انا اصلا مش عارف اجيبه منين

و عاوز اعرف اقرب مكان اشتريه منه و انا في المحلة الكبرى

لاني مش لاقيه في المحلات هنا

و الراجل الي كان بيقول هيجيبه مجابش حاجه

و انا سمعت ناس بيتكلمو عن ان ******* المجاني بيتمد بعد السنه

و في ناس قالو انه اصلا مش سنه ولا حاجه و انه على طول مجاني

و ان الشركه عاملاه مجاني عشان تبيع الريسيفر على حس *******

و ليه ناس كتير بتقول فيرجن 1 افضل و اني اشتريه

و ناس تانيه بتقول اصلا مفيش فيرجن 1 دلوتقي لان الجديد كله ف السوق فيرجن2

معلش استفساراتي كتير

بس انا ف كام يوم دخل دماغي كمية معلومات كبيره و مش قادر استوعبها

[muhammad iprahem]

شكرا على اهتمامك يا باشا

بس انا اصلا مش عارف اجيبه منين

و عاوز اعرف اقرب مكان اشتريه منه و انا في المحلة الكبرى

لاني مش لاقيه في المحلات هنا

و الراجل الي كان بيقول هيجيبه مجابش حاجه

و انا سمعت ناس بيتكلمو عن ان ******* المجاني بيتمد بعد السنه

و في ناس قالو انه اصلا مش سنه ولا حاجه و انه على طول مجاني

و ان الشركه عاملاه مجاني عشان تبيع الريسيفر على حس *******

و ليه ناس كتير بتقول فيرجن 1 افضل و اني اشتريه

و ناس تانيه بتقول اصلا مفيش فيرجن 1 دلوتقي لان الجديد كله ف السوق فيرجن2

معلش استفساراتي كتير


بس انا ف كام يوم دخل دماغي كمية معلومات كبيره و مش قادر استوعبها



بخصوص تشتريه منين فى المحله الكبرى لو احد الاعضاء يعلم مكانه يتفضل

لاكن فى القاهرة طبعا باب اللوق

ثانيا v1 تقريبا خلص من السوق ومش موجود غير v2 والاتنين زى بعض وكمان v2 ليه 2 usb ام v1 usb واحد فقط

واتوكل على الله v2 تمام

المهم انك تتأكد من ان السنه المجانيه كمله اى بعد تحميل السوفت تطلب من الراجل انه يدخل على صفحه ********* وتلاقى تاريخ ******* يبدأ من اليوم الى اشتريته انت فيه غير كدا متشتريش الجهاز

[ajdyc]

طيب دلوقتي انا جبت رقم تاجر له من طنطا من على الانترنت

اتصلت بيه قال لي سعره 650 جنيه ! !

قلت له غالي جدا و انا اعرف انه اخره 550 او 560

قال لي اصلا معدش موجود في السوق

و لو لقيته عند حد اشتريه

ده بيضحك عليا ولا ايه يا جماعه ؟

[muhammad iprahem]

طيب دلوقتي انا جبت رقم تاجر له من طنطا من على الانترنت


اتصلت بيه قال لي سعره 650 جنيه ! !

قلت له غالي جدا و انا اعرف انه اخره 550 او 560

قال لي اصلا معدش موجود في السوق

و لو لقيته عند حد اشتريه


ده بيضحك عليا ولا ايه يا جماعه ؟



فعلا الجوكر قل جدا فى السوق لاكن التاجر دا استغلالى جدا

فى باب اللوق محل او اتين بس الى عندهم الجوكر لاكن ب 550 جنيه

[ajdyc]

طيب ممكن حد يعرفني اروح باب اللوق ازاي

انا من المحله يعني بنزل عبود او مظلات او رمسيس

و يا ريت اسم التاجر الي عنده الجهاز

[muhammad iprahem]

طيب ممكن حد يعرفني اروح باب اللوق ازاي


انا من المحله يعني بنزل عبود او مظلات او رمسيس


و يا ريت اسم التاجر الي عنده الجهاز


انت بس انزل ميدان التحرير واسأل عن باب اللوق والف مين يدلك وهتتمشى شارع صغير جدا

واسأل فى المحلات عن الجوكر وهتلاقيه ان شاء الله

وعزرا ممنوع وضع اسماء محلات

[ajdyc]

اوكي مفيش ماشكال انا مكنتش اعرف

بس اوصل التحرير ازاي طيب ؟

انا مش من القاهره اعذرني

[muhammad iprahem]

لو انت هتنزل رمسيس زى ما قولت

فهما الاتنين جنب بعض يادوب محطه واحدة مش كتير انزل واسأل