مفيش حل مع قناة ايدمان 46 شرق

[usama safe]

انا عندى طبق متر بريفكس وقناة ايدمان على القمر الاذرى 46 شرق شغالة بالليل زى الفل لكن بالنهار تقطيع ممل ومستقبل قنوات الاتش دى بثبات تام وكل قنوات القمر باشارة عالية
المكان / العاشر من رمضان * الرسيفر كيوماكس 999 vhd2
وياريت لو الكل يشارك فى حل مشكلة قناة ايدمان لانها قناة تستحق الاهتمام بتذيع كل البطولات
1- الدورى الانجليزى
2-الاسباتى
3-الالمانى
4- دورى ابطال اوربا * الدورى الاوربى
وهل المشكلة
* درجة الحرارة والرطوبة العالية- المصدر من القمر نفسه*نوع العدسة * تيونر الرسيفر
هل تحتاج الى رسيفر عالى فى استقبال الاشارة

[ahmed-atef2014]

ياغالى انا عندى نفس المشكلة يبدو انها مشكله عامة خصوصا للاطباق الصغيرة زى المتر اللى عندنا واتمنى حد من الفنيين يقدر يفيدنا
انا كل يومين بحاول اطلع اظبطها علشان متقطعش بالنهار لكن مفيش فايدة تقطيع او تكاد تكون مش شغالة بالنهار لحد لما الشمس تغيب

[gamal_317_ 20]

بقالها فترة عند البعض على طبق المتر نفس الموضوع

[ibrahim2010551]

لو عندك عدسه اريون هتظبط معاك بالنهار

[خالد الغمراوى]

رجب قطعة تانية وشوف النتيجة

[usama safe]

استاز ابراهيم هل انت جربت العدسة الاريون فعلا
وجابت نتيجة واجيبها منين وبكام وازاى اعرف ان هيا ولا لاء

[usama safe]

اطالب الجميع فى المنتدى بالمشاركة فى حل هذه المشكلة لان راى كل واحد فينا هيفرق كتير وهنوصل لحل خاصة ان مباريات دورى المجموعات من دورى ابطال اوربا يوم 16/9/2015

[usama safe]

الى الاستاز خالد الغمراوى
انا جربت بالفعل نوعين من العدسات ( كامكس - ترومان )

[محمود احمد89]

● حضرتك انا كنت مستقبل باقه إيدمان على طبق متر قبل ما التردد بتاعها يتغير ل 11175 - 27500 - H
وحاليا مستقبل القناة على طبق 120 سم بريفكس + عدسه برفكس (ام علبه خضراء)
● لو عندك عدسه كويسه وطبق 120 سم جرب عليهم وهتشتغل معاك من غير تقطيع بإذن الله

[eng_dr2006]

عندى نفس المشكلة و التقطيع باليل شديدا و الطبق 130 سم

نرجو الحل

[richard2006]

وأنا بردو لاحظت أول أمبارح وأمبارح غياب الاشاره كلياً لقناة إيدمان ولكن رجعت الأشاره للقناة وقت المغرب تقريباً.
ويبدو أنها مشكله عامه وكويس أني مطلعتش العب في الطبق.. والطبق عندي smart 110cm والقطعه آريووون ومكاني محافظة الاسكندرية

[PRO WAEL]

● حضرتك انا كنت مستقبل باقه إيدمان على طبق متر قبل ما التردد بتاعها يتغير ل 11175 - 27500 - H
وحاليا مستقبل القناة على طبق 120 سم بريفكس + عدسه برفكس (ام علبه خضراء)
● لو عندك عدسه كويسه وطبق 120 سم جرب عليهم وهتشتغل معاك من غير تقطيع بإذن الله
هل المقصود بالعدسة العلبة الخضراء لون الكرتونه بتاعتهاو لا لون البودى البلاستيك بتاع العدسة ! لانى دايما اسمع يقولوا بريفكس لبنى علبة سودا ارجو التوضيح

[المهندس/احمد جمال]

القمر غير مستقر سعات تنزل من5 الى 7 درجات وايام تنزل 3 درجات بنهار بس شغاله لان طبق180 وقطعه اريون معدله

[richard2006]

هل المقصود بالعدسة العلبة الخضراء لون الكرتونه بتاعتهاو لا لون البودى البلاستيك بتاع العدسة ! لانى دايما اسمع يقولوا بريفكس لبنى علبة سودا ارجو التوضيح

بص يا غالي بالنسبة لأستفسارك المقصود (بالعلبه) بيبقى لون الكرتونه.
وبالنسبة للبريفيكس الشهيره اللبني علبه سوده A1 بتبقى بالشكل ده.
http://www4.0zz0.com/2015/08/31/16/373755968.jpg

[PRO WAEL]

بص يا غالي بالنسبة لأستفسارك المقصود (بالعلبه) بيبقى لون الكرتونه.
وبالنسبة للبريفيكس الشهيره اللبني علبه سوده A1 بتبقى بالشكل ده.
http://www4.0zz0.com/2015/08/31/16/373755968.jpg الله عليك يا فنان تسلم ايدك ... ولكن هل هى متوفرة ؟

[richard2006]

الله يعزك يا باشا وبالنسبه لتوافرها فيمكن صعب أوي الصراحه.. والقطعه دي أنا لقيتها بالصدفه عند أحد المحلات الصغيره في الاسكندرية بعد لما دوخت عليها في أكبببر المحلات ولم أجدها ولكن حظي حلو أني لقيتها.. وعموماً أتعب شوية ودور يمكن تلاقيها وبالتوفيق لكــ

[darwish]

بص فكك خالص من القمر ده
نصيحة مني
الافغاني 10/10
وقناة 3sport بتنقل كل حاجة اسباني وايطالي وانجليزي وفرنسي والماني
ويجي علي طبق 70 كمان

[هانى خليل]

كمان ممكن تشغلها على يوتلسات 7 شق بس بتحتاج سوفت كام

[PRO WAEL]

الله يعزك يا باشا وبالنسبه لتوافرها فيمكن صعب أوي الصراحه.. والقطعه دي أنا لقيتها بالصدفه عند أحد المحلات الصغيره في الاسكندرية بعد لما دوخت عليها في أكبببر المحلات ولم أجدها ولكن حظي حلو أني لقيتها.. وعموماً أتعب شوية ودور يمكن تلاقيها وبالتوفيق لكــتسلم يا باشا وربنا يسهل

[BOTA]

ياريت قناه ادمان تبث من على القمر الافغانى