فكرة مش عارف تنفع فى مصر لاذاعة المباريات المشفرة

[م/محمدزيان]

http://bnat.cc/images/5/554076bb79834d8b141817e5461d807b.jpg

اخوانى بالمختصر كدة وبدون اطالة على حضراتك
ياريت تشاركوا معايا فى الموضوع دا وان شاء الله نوصل لحل سهل وبسيط لاذاعة المباريات المهمة والدوريات العالمية لكل المصريين وبدون استثناء
الموضوع باختصار
بما ان البث الارضى آمن بالنسبة للحكومة ومفيش اى مشاكل ليها مع الباقات ولا الفيفا ودا طبعا على حسب بعض القوانين الموجودة فى اوروبا
ال بتكفل حق اى مواطن مشاهدة الدوريات العالمية وكمان كأس الامم وكأس العالم مجانا عن طريق البث الارضى
طب لية الحكومة متستغلش الموضوع دا وتبث المباريات دى وتدفع ثمنها كمان وفى نفس الوقت يكون فى طريقة ان كلنا كمصريين ندفع تمن المباريات دى من جيبنا يعنى مثلا احنا 90 مليون مواطن لو كل واحد فينا دفع جنية عن نفسة وعن اولادة حنجمع 90 مليون جنية على الاقل ولو زاد ل 2 جنية حيبقى اكتر وهكذا وبالطريقة دى الحكومة تقدر تشترى المباريات وتبثها على الموجات الارضية بطريقة آمنة وقانونية وبكدا الحكومة تقدر تعمل ابراج بث ارضية فى كل مكان فى الجمهورية ونقدر نستقبلها كلنا ولو الموضوع نجح نقدر نشترى دوريات اكتر واكتر وهكذا
وعلى فكرة البث الارضى للمباريات اقل وارخص بكتير من شراء القنوات الفضائية للمباريات
وممكن كمان الحكومة فى الحالة دى تقدر تفاوض البين سبورت نفسها بطريقة قانونية وبكدا ممكن نشوف المباريات كلها
انا قلت فكرتى وشايفها من وجهة نظرى بسيطة ومفيدة وكمان قانونية
ولكنى مش خبير علشان اقدر اقول كل حاجة انها صح او غلط
فياريت ال قرأ موضوعى وشايف ان فى حاجة غلط او مش قانونية ياريت يناقشنا علشان نقدر نشوف حل
وانا عن نفسى الطريقة لو قانونية وسهلة وقدرنا نسهلها ونبسطها حكون اول واحد يرفعها للحكومة او الجهات المسئولة ونقدر كمان نجمع الاقتراحات والمشاكل وحلولها ونرسلها كلها لدراستها عن طريق الحكومة
وشكرا لسعة صدوركم
فى انتظار ردودكم واقتراحاتكم

[طة شكر]

نتمنى ذالك اخى

[بيزوووووو]

كلام جميل طبعا

بس مش ال 90 مليون غاويين كورة

ولو قولت لحد هيقولك فى حاجات اولى من الكورة

وهتلاقى حد تانى طالع بيهاجم الحكومة ويقولك

اشتروا الكورة وسايبن الشعب مش لاقى ياكل

ومش هتخلص من الكلام اللى هيتقال

انا عن نفسى اول واحد ادفع

تحياتى ليك

[حسن السرحه]

من غير ماحد يدفع بس لو قناة تنقل ارضى الاعلانات تغطى تكلفة شراء البث لكن التلفزيون ماعندوش الجرأه لخطوه هكذا

[VIGA_RUO]

شكرا يل غالى

[اسماعيل عمر]

كلام صحيح 100% وياريت تكون الفكرة حتى مع تعميم البث الارضى الرقمى dvb-t

[hassan.shahen]

يااستاذ/محمد كل شعوب العالم بتشاهد هذه البطولات ماعداشعبنا الغلبان عليه العوض ومنه العوض

[abo.ehab1410]

فكره ممتازه بس مين اللى هاينفذ هذه الفكره

[xeers]

بس للاسف البث الرقمي حاليا بالقاهره فقط

انا بالشرقيه مش لاقط اي قناه ارضي

[ayman belal]

كلام جميل طبعا

بس مش ال 90 مليون غاويين كورة

ولو قولت لحد هيقولك فى حاجات اولى من الكورة

وهتلاقى حد تانى طالع بيهاجم الحكومة ويقولك

اشتروا الكورة وسايبن الشعب مش لاقى ياكل

ومش هتخلص من الكلام اللى هيتقال

انا عن نفسى اول واحد ادفع

تحياتى ليك

patch_lov-patch_lov-
كلام تمام

[hemahp]

المشكلة ان البين سبورت عندها حصري يعني لو هتبث ارضي لازم تشتري من البين سبورت مش من الفيفا

[xeers]

انا وجدت اريال قديم عندي نوعه سوني سونات

بالبوستر

شغلته في الشقه جوه لسه ما رفعتوش علي السطوح

جايب معي التانيه و الاولي و قناه القنال

بس فيهم لغوشه


مش عارف دول بث دجتال ولا البث القديم العادي

[™Mr.Mahmoud™]

الفكره طبعاً كويسه جداً

بس مش كل الناس بتحب الكوره
دا غير ان فيه ناس كتير هتقولك هو احنا هنلاحق علي كهربا ولا مياه ولا زباله
عشان يجيبولنا الكوره كمان

دا غير بعض الاصوات اللي هتطلع تهاجم الحكومه لو عملت فكره زي دي
وهيقولك حلوا كل مشاكل مصر فاضل الكوره

اعتقد الفكره جيده جداً لكن الحكومه مستحيل تنفذها

[mohamedzaghlolah10]

الفكره طبعاً كويسه جداً

بس مش كل الناس بتحب الكوره
دا غير ان فيه ناس كتير هتقولك هو احنا هنلاحق علي كهربا ولا مياه ولا زباله
عشان يجيبولنا الكوره كمان

دا غير بعض الاصوات اللي هتطلع تهاجم الحكومه لو عملت فكره زي دي
وهيقولك حلوا كل مشاكل مصر فاضل الكوره

اعتقد الفكره جيده جداً لكن الحكومه مستحيل تنفذها

شعب مش بيعجبه حاجة

[™Mr.Mahmoud™]

شعب مش بيعجبه حاجة


لا يا استاذ محمد
فيه ناس فعلاً معهاش الجنيه ده

[م/محمدزيان]

بصراحة انا متفائل لما لقيت كل الردود دى
وصدقونى لو فكرنا شوية حنلاقيلها حل وممكن نوصل صوتنا للحكومة
ان دا حق مشروع للناس حتى ولو مش كل الشعب بيشوف الكورة او بيتابعها
وبالنسبة ان دا حصرى للبين سبورت حقولكم ان القانون الدولى يمنع بثها فضائى فقط مش ارضى
يعنى شراء الحقوق ارضى حيتم من الاتحادات الدولية وكمان الفيفا
صدقونى الفكرة سهلة وبسيطة ومش مكلفة للدرجة ال انتوا متخيلينها بس قبل كدا الحكومة كانت بتعمل الف حساب للخارج فقط مش جوة مصر
واحنا شايفين ان الوضع بدأ يتغير نسبيا فنكون متفائلين ان شاء الله
اننا نفكر ونشوف حل للمشكلة دى وان شاء الله حنقدر نوصل صوتنا للمسئولين
وبالنسبة للناس ال بتقول هما خلصوا كل مشاكل الشعب علشان نبص للكورة حقولكم كفيانا تشاؤم وممكن تكون دى بداية لحاجات تانية كتير ممكن تتحل بنفس الطريقة وتكون سهلة وبسيطة
ومتنسوش ان فى حاجة اسمها السهل الممتنع يعنى الحل موجود بس مش شايفينة قدامنا لاننا لازم نصعب الامور على نفسنا
وفى انتظار باقى الاقتراحات والافكار
وان شاء الله نقدر نحلها

[اليوفنتوس الكبير]

على فكرة الفكرة كوبيسة لكن على فكرة 90 مليون جنية مش مبلغ كبير لحقوق حتى لو ارضى فقط عندك bein sport فى مرة المرات كان بيتفاوص معها التلفزيون المصرى من اجل نقل كاس افريقيا ارضيا طلبت bein sport طلبت 10 مليون دورلا يعنى لو الدورلا 7 جنية يعنى 70 مليون جنية الحقوق غالية جد جد

[م/محمدزيان]

على فكرة الفكرة كوبيسة لكن على فكرة 90 مليون جنية مش مبلغ كبير لحقوق حتى لو ارضى فقط عندك bein sport فى مرة المرات كان بيتفاوص معها التلفزيون المصرى من اجل نقل كاس افريقيا ارضيا طلبت bein sport طلبت 10 مليون دورلا يعنى لو الدورلا 7 جنية يعنى 70 مليون جنية الحقوق غالية جد جد

انا معاك ياغالى وكلامك صحيح
طب لو افترضنا ان الحكومة حتعمل الحكاية دى والناس حتقبلها وحتبطل تشترك فى البين سبورت وكمان الكافيهات والمطاعم وخلافة تخيل كدا معايا ممكن يوصل الحال للبين سبورت انها تنزل اسعارها وكمان تخفض المبلغ للحكومة لكام
بص ياغالى كلنا عارفين ان السوق عرض وطلب وكل ما زاد الطلب كل ما زاد الثمن المطلوب ودا اسمة الجشع ومش موجود الا فى الدول العربية ولو قل الطلب بالتالى حيقل الثمن وحنبقى احنا المستفيدين
نفسى نوصل لفكرة وصيغة قانونية وفكرية ونرفعها بملف للمسئوليين وصدقنى ممكن تكون الفكرة دى بداية الخير للمصريين لمشاهدة الكورة براحتهم وبدون تحكم ولا لف اطباق وتركيب اقمار وخلافة
فى انتظار باقى الاقتراحات وان شاء الله نوصل لحل
والله انا فرحان اننا بدأنا نتكاتف مع بعض حتى ولو كان الموضوع فى الهوا وملهوش لازمة
بس كفاية اننا نبقى ايد واحدة فى كل حاجة والله مش حيبقى فى صعب ان شاء الله

[باسم عادل]

فكرة ممتاااااااازة نتمنى تحقيقها
بس خدوا بالكم من كام نقطه و هى عقبات اساسيه
اولا : علشان تستقبل البث الديجتال الارضى
هيضطر المواطن يشترى جهاز البث زى الريسيفر
و تمنة تقريبا هيكون غالى لانه لسه غير متداول
او يشترى شاشة عرض يكون فيها خاصية استقبال البث الارضى الديجيتال
و يغير التلفزيون العادى
و ده هيكون عبء على الفقراء و مش هيشتروا
2 - اهم نقطه اصحاب المصالح مش هيسيبوا الموضوع يتم ابدا .. و هم قنوات البين .. لان ده يعنى افلاسهم لو الشعب المصرى لم يشترك .. و ثانيهم اصحاب القنوات الفضائيه و رجال الاعمال الممولين ليهم
لان كده البث الارضى هيشتغل اكتر
و نسبة الاقبال عليه هتكسر الدنيا و ده معناه الاعلانات هتطير من قنواتهم و هما مش هيسمحوا بكده
ده راييى و اعتقد ان دول اكبر عقبات
و شكرا لك لطرحك الفكره
تحياتى للجميع

[عبدالسلام شعير]

فكرة ممتازة نتمنى تحقيقها