مراجعة شاشة LG 42LF6500

[miro123123]

جربت اخى عليها استقبال البث الارضى بتاع الاريال؟؟؟
وهل جيد؟
لانى ملاحظ فى الصور انها فى الخلف وصلة ار اف مختلفة عن موديل 2014
وانه عايز صامولة الريسيفر مش جاك ار اف كموديل 2014؟؟
وانا كنت شايف على النت ان موديل 2015 به بوستر داخلى لتحسين صورة استقبال القنوات الارضيه من الاريال؟
هل صحيح لاحظت قوة استقبال الارضى؟؟

[mostafa dddr]

انا شارى 6300 سمارت نت فو اتش دى روعة الروعه موديل 2015 شهر 6

كنت ناوى عليها والله لكن قولت اشترى حاجه 3D بالمرة

[هانى عنانى]

ده االمنتدى الفضائى مش منتدى الشاشات ياغالى
بشكر حضرتك على مجهودك بس ده مش مكانه الصحيح
كل عام وحضرتك بخير

وايه المانع الراجل بيعمل خدمه للى بيفكر يشترى شاشه وبيحكى تجربته لكى يستفيد الجميع شكرا لك صاحب الموضوع على الشرح الوافى لهذه الشاشه

[adel513]

الف مبروك اخى الكريم على اقتناء تلك الشاشة وربنا يباركلك فيها
الحمد لله اننى قمت باقتناء تلك الشاشة وبيتثبت لى ان الله وفقنى فى اختيارها
لانى شوفت شاشات اخرى لموديلات اخرى وتاكدت انها الافضل
فانا عن تجربة انصح من هو قادم لاقتناء موديلLF6500 3d
لانه امكانياته عاليه من ناحية الوضوح والصوت وحاجات تانية كتير
ولى تجربة مع القاهرة للمبيعات هم رافعين السعر 190جنية عن التوكيل
ولكن هم مقدمين هدايا ممتازة حاليا وهو عدد6نظارات اضافية خارج الكرتونة
وحامل حائط ممتاز عن تجربة ومش موجود بالسوق وسعرة لو لقيتة مش هيكون اقل من150جنيه وكمان فلاشة 8جيجا وكمان نضارت جيمز يعنى تفوق فرق السعر اللى موجود وبالنسبة لى انا اشترتها منهم فى شهر خمسة اول مانزلت واعطونى الهدايا فلاشة والحامل وفوجئت بانهم مبعتوش النظارات ولكن قمت بالاتصال عليهم وقالوا سيتم ارسالها لما تتوفر وفعلا صدقوا وارسالوا عدد4نضارات وده كان عرضهم فى الوقت ده ولم اتكلف مليم فى الشحن
هم مشكلتهم ممكن يتاخروا حوالى اسبوعين
وشكرا

[hazzuma]

معنى خاصية 2D to 3D ان الفيديو العادي 2D
تقدر تحوله لفيديو 3D بدل ما تقوم بتحميله من النت 3D مرة أخرى
يعنى لو عندك فيلم عادي ( ثنائى الابعاد )
تقدر تحوله لـ 3D ( ثلاثي الابعاد ) اى مجسم
فـ الشاشات

يعنى أسجل أى حاجة من الدش على فلاشة وأقوله يحولها لثرى دى، ولا لازم فيلم أجنبى مثلا ولا إيه،وبلد الصنع إيه؟كوريا ولا الصين ولا تقفيل مصرى؟ تحياتى

[FAIR]

والله انت راجل محترم انك تفيد الناس بالمراجعة الممتازة دي ربنا يبارك لك فيها وتقضي بها اوقات طيبة وممتعة وياريت اي حد له تجربة مع اي جهاز يرفعها عشان الناس تشوف وتقارن قبل ما تشتري وبالتالي تقتني الافضل .. محتاجين جدا ثقافة التعاون وعدم كتم المعلومة وربنا يكتر من امثالك

[mostafa dddr]

الف مبروك ==== الشاشة ممتازه انا عندي نفس الموديل بتاع حضرتك بس 32 بوصه في ميزه في الريموت السحري اللي بيجي مع الشاشة انك تقدر تتحكم في الريسيفر من نفس ريموت الشاشة كائنه ريموت الريسيفر

اول مرة اعرف المعلومة دى منك
وجربتها لكن منفعتش
هل فى اعدادات معينه الواحد يعملها ؟

[adel513]

دى المشاركة التى تعتبر المرجع الشامل لمحبى اقتناء الشاشة Lg. LF6500
وكل صاحب تجربه من الاخوة الاعضاء
وقام عليه ناس محترمة افادو الجميع فارجوا الاطلاع عليه
http://www.masrawysat.com/vb/showthread.php?t=1489817

[mostafa dddr]

جربت اخى عليها استقبال البث الارضى بتاع الاريال؟؟؟
وهل جيد؟
لانى ملاحظ فى الصور انها فى الخلف وصلة ار اف مختلفة عن موديل 2014
وانه عايز صامولة الريسيفر مش جاك ار اف كموديل 2014؟؟
وانا كنت شايف على النت ان موديل 2015 به بوستر داخلى لتحسين صورة استقبال القنوات الارضيه من الاريال؟
هل صحيح لاحظت قوة استقبال الارضى؟؟


لأ نفس الشكل العادي ع فكرة
لأن الصورة الخاصة بالمخارج والمداخل للشاشة من النت
مش انا الـ صورتها عشان تبقى بشكل افضل
وعلى اى حال تجربة الموضوع هيحتاج كابل وشغلانه
وكدا كدا مفيش قنوات اساساً تستاهل
انما جربت كدا من غير كابل مجبتش الشاشة اى قنوات

http://im62.gulfup.com/D6i7LR.png


http://im62.gulfup.com/2DDe26.png

[نبيل لطيف]

ما هى اخى الكريم عدد سنوات الضمان لهذه الشاشة

[amr shabaan]

lg led 32 550a .......... لو سمحتم ايه رأيكم فى الشاشة دى وسعرها 2200 جنية

[ase92110]

اخي mostafa dddr تدخل على قائمة الاعدادات من الريموت السحري و تختار منها متقدم
ثم تختار من القائمة الجانبية SIMPLINK و تفعلها ( تشغيل )
تخرج من القائمة السابقة EXIT
تدخل في قائمة HOME من الريموت و تختار ( موصل الجهاز ) تضغط OK
تختار جهاز فك التشفير تضغط OK ( يجب ان يكون الريسيفر متصل بالشاشة عن طريق وصلة HDM1 ) ثم تضغط ( التالي ) مرتين سوف تظهر لك قائمة بانواع الريسيفرات و الشركات المختلفة تختار اسم الشركة المصنعة للريسيفر الخاص بك
عندي انا مثلا ريسيفر STRONG - المهم تختار نوع الريسيفر و تضغط OK و تنتظر قليلا و اتبع التعليمات التي ستظهر على الشاشة و ان شاء الله سوف يعمل معك الريموت السحري للشاشة مع الريسيفر . ارجوا ان استطعت التوضيح و اعتذر على الاطالة .

[bebo606]

ما هى اخى الكريم عدد سنوات الضمان لهذه الشاشة

الضمان استاذي الفاضل : سنتان

واعتقد سامسونج وال جي كله سنتين

تحياتي لحضرتك

[alsharony]

شاشة رائعة وانا عندي موديل سمارت 55 بوصة HD -3D
من سنتين بس سعرها عالي جدا والف مبروك

[mostafa dddr]

اخي mostafa dddr تدخل على قائمة الاعدادات من الريموت السحري و تختار منها متقدم
ثم تختار من القائمة الجانبية SIMPLINK و تفعلها ( تشغيل )
تخرج من القائمة السابقة EXIT
تدخل في قائمة HOME من الريموت و تختار ( موصل الجهاز ) تضغط OK
تختار جهاز فك التشفير تضغط OK ( يجب ان يكون الريسيفر متصل بالشاشة عن طريق وصلة HDM1 ) ثم تضغط ( التالي ) مرتين سوف تظهر لك قائمة بانواع الريسيفرات و الشركات المختلفة تختار اسم الشركة المصنعة للريسيفر الخاص بك
عندي انا مثلا ريسيفر STRONG - المهم تختار نوع الريسيفر و تضغط OK و تنتظر قليلا و اتبع التعليمات التي ستظهر على الشاشة و ان شاء الله سوف يعمل معك الريموت السحري للشاشة مع الريسيفر . ارجوا ان استطعت التوضيح و اعتذر على الاطالة .


ربنا يخليك يارب ويكرمك
انا من يومين كدا وصلتلها وانا بشوف الاعدادات
لكن لما حاولت افعل الخيار دا SIMPLINK قالى
ان الصوت هيختفى تقريباً ومش هيبقى من الشاشة
تقريباً يعنى لازم اكون موصل سماعات خارجية
المهم محبتش انى اجرب واقوله ok على اى حال
لكن هجربها ولو فى مشاكل هلغى تفعيلها
والف شكر ليك و الله ع الشرح الجميل دا والمساعدة

ياريت بقا لو تعرف ازاى اخد السكرين شوت screenshot
واسحبها من ذاكرة الشاشة لذاكرة خارجية
لأن انا باخد screenshot لقناة مثلاً وبتتخزن على الميموري
بتاعة الشاشة الداخلية ومش بقدر احطها على فلاشة
غير لما اعملها Edit واحفظها save وقتها يخيرني
الحفظ هيكون على الذاكرة الداخلية ولا الخارجية
وكمان ازاى احذف الـ screenshot الـ باخدها

[AhmedMedhat93]

ما هى اخى الكريم عدد سنوات الضمان لهذه الشاشة

أخي الكريم لا تسأل عن الضمان و أسئل عن نوع و جودة الشاشة عندك توشيبا بكل منتجاتها ضمان 5 سنوات و تصنيع سئ جدا جدا و الوكيل أسوء و أسوء

[نبيل لطيف]

مبروك استاذ مصطفى على الشاشة انا كنت محتار اشترى سامسونج او ال جى لكن مشاركة الممتازة دى عن الشاشة اقتنعت بال جى وهشترى نفس الموديل ده باذن الله بس فى حاجه فى الشرح كش فاهمها هل يوجد بها بث رقمى ولل بتشتغل بالاريال

[ahmed hamdeee]

لو سمحت حضرتك جبتها منين لان انا عايزها بس لاقيتها 4750 فى ال جى نفسها

[محمود اللفاف]

ياريت يا اخ مصطفى تعرفنى هل بيها مدخل كمبيوتر وار اف للاريال ولا لا

[adel513]

يوجد بها مدخل اراف للاريال العادى والشاشة يوجد بها البث الرقمى والبث الارضى العادى
وبالنسبة لمدخل الكومبيوتر فلا يوجد وعموما انا بوصلها بكيسة الكومبيوتر عن طريق كابل الهيد لانى عندى مدخل بكارت الشاشة الموجود بالكيسة