استفسار عن النت

[سامى عرابى]

طيب انا مشترك فى سرعة 1 ميجا لوحدى وسرعة التحميل فى كل الاوقات وجميع المواقع لا تتعدى 60 كب \ ثانية .ايه الحل ؟
اعمل زى واسأل الجيران
ان كان عندك بس اتصل بخدمة العملاء
وان كان عند الكل يبقى المشكله فى السنترال عندكم
ويا ريت يجرب روتر تانى

[عابدين جمعة]

النت عندى من فترة زى الزفت

[الحسام المنتصر]

شركة نصابة ..اه نصابة

[bebo606]

والله يا جماعة كلامي مش دفاع عن شركات النت لأن شركات النت معظمها بتستغلنا اسوأ استغلال

وعندهم طمع وجشع لا حدود لهما

لكن الخدمة السيئة للنت ومشاكل ضعف النت في بعض الاماكن ناتج عن سوء خطوط التليفونات اسوأ نظام تليفونات في العالم موجود في مصر

السلوك النحاسية والتى عفى عليها الزمن وغير معمول بها في معظم دول العالم

وكمان خطوط التليفون ونظام البوكسات اللى بناخد منها سلك التليفون يصل عندنا في منازلنا

والله البوكس اللى واخد منه سلك التليفون عبارة عن شوية سلوك معلقين على الحائط وطبعا معرضين للهواء والاتربة والامطار في الشتاء تخيل بعد كل دا عاوز نت كويس وسرعة ثابته ومن غير انقطاع او مشاكل في النت

علشان نحاسب شركات النت لازم اولا تتغير منظمومة التليفون الارضي في مصر

ولازم الخطوط تكون شغالة بامتياز والبوكسات الزبالة اللى واخدين منها تتشال وتيجي بوكسات محترمة ومغلقة لكي لا تتعرض للتلف

وبعد كل دا نبدأ نحاسب شركات النت واللى بتستغلنا اسوأ استغلال

والله احنا عاوزين ثورة سوء التليفون الارضي اولا وهي السبب الرئيسي في سوء النت في مصر ثم بعدها ثورة الانترنت .

أسف للإطالة

تقبلوا مني وافر الاحترام والتقدير لحضراتكم