مشكلة عندي في طبق متحرك 130 سم

[karimbo]

السلام عليكم ورحمة الله وبركاته
تحياتي لكم اخواني الكرام
انا في عندي طبق 130 سم متحرك وريسيفر ستارسات هايبر 2000
وفي مشكلة وحاسس انه مش مضبوط 100%
في بعض الترددات على الاوروبي مش شغالة كمثال 10834 V
رغم ان التردد ده قبل كده كان شغال معايا على طبق متر!
وفي شيء غريب مثلا زي تردد النايل سات 10815 H
التردد ده شغال بإشارة ضعيفة جدا لدرجة ان القنوات مش شغالة
واحرك الطبق بالبوزيشنر يمين شمال برضه مفيش فايدة
المشكلة دي خلتني اشك ان ممكن يكون في ترددات ضعيفة على باقي الاقمار مش عارف استقبلها وإني ممكن اكون مش مستفيد من الطبق 100%
ايه الحل وممكن اجرب ايه خصوصا اني خايف اطلع ابوظ الدنيا خالص وكله يبوظ بدل ما اظبط المشكلة .. ايه مقترحتكم؟

[karimbo]

فين خبراء القسم الكرام :)

[اتش مان]

اخى الكريم اولا تاكد من سلامه الاسلاك والقطعه
بعد ذلك تاكد من حروف الطبق ممكن تكون متنيه او فيها لوحه شويه
جرب وشوف ورد عليا

[karimbo]

اخى الكريم اولا تاكد من سلامه الاسلاك والقطعه
بعد ذلك تاكد من حروف الطبق ممكن تكون متنيه او فيها لوحه شويه
جرب وشوف ورد عليا

اولا شكرا على ردك اخي الكريم
ثانيا بخصوص الطبق هو الطبق لسه جديد مكملش تلت شهور وكنت شاريه جديد واعتقد الاسلاك والقطعة مفيهمش مشكلة لإن عادتا اغلب ترددات الاقمار شغالة ولكن المشكلة ديما في بعض الترددات فقط

[اتش مان]

طيب شوف ممكن يكون ف عائق ف اتجاه الطبق حد بنا سور او حاجه او تقريبا كدا المشكله عندك تهريب اشاره اما من السلك او القطعه واحتمال ضعيف الرسيفر يكون سبب دا ع حسب خبرتى المتواضعه جدا وحسب كلامك ان الطبق تمام وجديدوان الترددات كانت شغاله قبل ذلك
ف انتظار باقى الاراء لتعم الافاده

[karimbo]

طيب شوف ممكن يكون ف عائق ف اتجاه الطبق حد بنا سور او حاجه او تقريبا كدا المشكله عندك تهريب اشاره اما من السلك او القطعه واحتمال ضعيف الرسيفر يكون سبب دا ع حسب خبرتى المتواضعه جدا وحسب كلامك ان الطبق تمام وجديدوان الترددات كانت شغاله قبل ذلك
ف انتظار باقى الاراء لتعم الافاده

شكرا جزيلا اخي الكريم هو مفيش اي تغيير في السطح من بناء او خلافه
منتظر باقي ردود الخبراء يمكن نوصل لحل بإذن الله

[فتحي الجارحي]

بص يا غالي باختصـــار جرب نفس الترددين علي النايلسات وشوف اشارتهم عامله ايه

وبانتظار ردك

[karimbo]

بص يا غالي باختصـــار جرب نفس الترددين علي النايلسات وشوف اشارتهم عامله ايه

وبانتظار ردك

التردد اللي هو 10815 h زي ما وضحت لحضرتك هو لاقط اشارة ضعيفة يعني القنوات تكسير شديد كأن الصورة ثابتة ... يعني شبه مش شغال
والتاني 10834 v مش جايب اشارة
والكلام هنا على الترددين على النايل سات

[فتحي الجارحي]

طيب انت قريب للطبق الان او بتقوم بتظبطه

منتظر ردك

[karimbo]

طيب انت قريب للطبق الان او بتقوم بتظبطه

منتظر ردك

للاسف لا يا غالي بس ممكن حضرتك تقولي ايه اللي بتفكر فيه ولو في امكانية الصبح اطلع اظبط واقول لحضرتك النتيجة

[فتحي الجارحي]

بص المشكله دي قابلتني مرات عديده جدا وبيكون السبب وهو واضح عندك جدا
ان شبكات المحمول هي المشكله وهتلاقي ايضا التردد 10853 لو عندك جهاز اتش دي برده مش شغال

الافضل نقل الطبق خلف حاط او الي ادوار اقل من ذلك

[karimbo]

بص المشكله دي قابلتني مرات عديده جدا وبيكون السبب وهو واضح عندك جدا
ان شبكات المحمول هي المشكله وهتلاقي ايضا التردد 10853 لو عندك جهاز اتش دي برده مش شغال

الافضل نقل الطبق خلف حاط او الي ادوار اقل من ذلك

فعلا يا استاذ فتحي التردد ده مش شغال كمان
طب مفيش حلول تانية لأن صعب جدا انقل الطبق؟؟؟

[فتحي الجارحي]

صعب انك تعمل حاجه غير نقله ولاثبات ان كلامي سليم جرب نفس الترددات علي اقمار شغال عليه الترددات دي زي هوتبيرد وعربسات بدر
وجرب ايضا التردد ده
10845
H
30000
علي يوتلسات w3 وشوفه شغال ولا لا
لكن الحل
نقله علي الاقل خلف حائط او ماشبه
او انك تنزله مثلا في البلكونه لو وجهتها جنوبيه

[karimbo]

صعب انك تعمل حاجه غير نقله ولاثبات ان كلامي سليم جرب نفس الترددات علي اقمار شغال عليه الترددات دي زي هوتبيرد وعربسات بدر
وجرب ايضا التردد ده
10845
H
30000
علي يوتلسات w3 وشوفه شغال ولا لا
لكن الحل
نقله علي الاقل خلف حائط او ماشبه
او انك تنزله مثلا في البلكونه لو وجهتها جنوبيه

فعلا كلامك صح التردد ده برضه مش شغال
طب مفيش حل اني اعمل زي حائل مثلا معين او حاجة؟

[فتحي الجارحي]

جرب وممكن تحل المشكله وننتظر الرد بعد التجربه

[karimbo]

جرب وممكن تحل المشكله وننتظر الرد بعد التجربه

بإذن الله هطلع بكرة اشوف الوضع ايه
خصوصا اني مش فاكر اني شوفت قبل كده شبكات محمول جنبي اساسا!!

وانا ببحث في المنتديات والمواقع شوفت ناس بتتكلم عن فكرة الحواجز دي
وكان في حد كاتب في منتدى ما انه لزق "شعر نحاس احمر جزء منة بجوار الوايد عليت الاسشارة وجربت علي أطباق مجاورة عليت برضك الاشارة ليس كلامي مؤكد"
مع اني مش فاهم ايه الوايد ده اساسا patch_baskt--

[karimbo]

بإذن الله هطلع بكرة اشوف الوضع ايه
خصوصا اني مش فاكر اني شوفت قبل كده شبكات محمول جنبي اساسا!!

وانا ببحث في المنتديات والمواقع شوفت ناس بتتكلم عن فكرة الحواجز دي
وكان في حد كاتب في منتدى ما انه لزق "شعر نحاس احمر جزء منة بجوار الوايد عليت الاسشارة وجربت علي أطباق مجاورة عليت برضك الاشارة ليس كلامي مؤكد"
مع اني مش فاهم ايه الوايد ده اساسا patch_baskt--

صباح الخير .. حد عنده اراء اخرى؟ او رأي في موضوع السلك النحاس الاحمر ده