المساعد الشخصي الرقمي

مشاهدة النسخة كاملة : كل محاولات اصلاح كيوماكس vhd2 9990 باءت بالفشل

السنيورشريف
2015/09/29, 01:18 AM
نزلت مصر امبارح لاصلاح الجهاز فى باب اللوق او العتبة فوجئت بان المحلات قافلة علشان اليوم صادف الاحد رجعت تانى النهارده دوخت على المحلات ومراكز الصيانه فى باب اللوق والعتبةمفيش حد عارف يصلاح الجهاز والمشكله ان الاراء اختلافت واحد قالى عايز ايسى فى البورده جنب الفلاشه ومش موجود عندى وتانى قالى عايز نسخ فلاشه ومش موجودة غير فى الاسكندريه مش عارف اصدق مين الجهاز الزبون حمل ملف قنوات على فلاشه وكان عايز يديه للجهاز معرفش فدخل على ملف الصور الموجود فى الريسيفر وهو مش عارف عمل ايه فى ملف الصور ففوجئ بالجهاز جايب لمبه حمرا وكان الجهاز حصلت معاه نفس المشكله اللمبه الحمرا وتم اصلاحها فى باب اللوق فرحت للمحل اللى صلح الجهاز اول مرة قالى مش هعرف اصلحه والمحل المشهور بالنسخ قالى النسخه مش عندى بالله عليكم حد يفيدنى ارمى الجهاز ولا فيه امل وخصوصا انا مليش فى الصيانه
mazen_coco
2015/09/29, 01:28 AM
لا تستعجل اخى الكريم وانتظر نصائح عمالقة الصيانه وممكن تكون حاجه سهلة بأمر الله وحضرتك تعملها بنفسك
بس انتظر اراء السادة الافاضل وكل عام وحضرتك بخير
السنيورشريف
2015/09/29, 02:03 AM
لا تستعجل اخى الكريم وانتظر نصائح عمالقة الصيانه وممكن تكون حاجه سهلة بأمر الله وحضرتك تعملها بنفسك
بس انتظر اراء السادة الافاضل وكل عام وحضرتك بخير

والله يا اخى الريسيفر ده زهقنى خالص ومفيش حد بيقولى اروح لمين يصلحه
محمد 111
2015/09/29, 02:22 AM
اخى الكريم لو عيب تحميل ملف غلط حط السفت بتاعه على فلاشة فاضية وركبها فى الجهاز وفتح الجهاز وانتة حاطط ايدك علي زر البوار الامامى وافتح الجهاز هيحمل السفت وهييشتغل تانى جرب ربنا يسهل ويشتغل تانى
السنيورشريف
2015/09/29, 03:15 AM
اخى الكريم لو عيب تحميل ملف غلط حط السفت بتاعه على فلاشة فاضية وركبها فى الجهاز وفتح الجهاز وانتة حاطط ايدك علي زر البوار الامامى وافتح الجهاز هيحمل السفت وهييشتغل تانى جرب ربنا يسهل ويشتغل تانى

اولا شكرا لاهتمامك ثانيا انا بعمل الطريقه دى فى اليوم مايزيد على 20 مرة ومفيش فايد وبغير اسم الفولدر واسم السوفت وجبت حوالى 6 فلاشه و4 كارت ميمورى الريسيفر مش حاسس بالفلاشه اصلا لان الفلاشه من النوع عند الاتصال باى حاجه تنور
محمد 111
2015/09/29, 03:35 AM
هل الجهاز اخى يعطى معك صوارة علي التلفزيون ولامفيش خلفية خالص لا تيئس اخى انشاء الله فية حل الصبر
ضياء حاكم
2015/09/29, 07:29 PM
ادخل هنا يا غالى ممكن تجد طلبك
http://www.msrawysat.com/vb/showthread.php?t=1612031
السنيورشريف
2015/09/30, 01:57 AM
دخلت الموضوع ده
http://www.masrawysat.com/vb/showthread.php?t=1322429
عايز افهم الخطوه دى

طيب الوقتى ريسيفرى فيه البنتين ومش محتاج لحام علشان ريسيفرى كيوماكس 9990 الصغير تقريبا البرده غير الكبير ينفع اوصل البنتين بسلك مع بعض وايه المقصود ب jumper لو فاهم صح دى بتركب فى البنتين وتوصلهم ببعض ولا ايه الله يباركلك
السنيورشريف
2015/09/30, 01:58 AM
حد يرد ياجماعه ربط البنتين بسلك دش مع ىبعض واديت الريسيفر الملف الموجود فى الخطوة الاولى فى الموضوع فضل يعد حوالى ساعه ونص فصلت الجهاز بعد ما زهقت هل ده طبيعى