محمود طاهر ... مفيش حاجة اسمها جمهور عايز ...

[السيدعبدالعزيز]

أكد محمود طاهر رئيس الأهلى أنه فى حالة استقرار المجلس على المدير الفنى الجديد .

فى اجتماع الليلة سيتم الإعلان عنه مباشرة بعد انتهاء الجلسة. وعقب طاهر
على تجمهر عدد من الجمهور للمطالبة بعودة جوزيه لقيادة
فريق الكرة قائلا:

"مفيش حاجة اسمها الجمهور عايز جوزيه القرار بيد مجلس الإدارة وحده".

كان عدد من الجماهير الحمراء قد أطلقت هاشتاج على مواقع التواصل الإجتماعى
تطالب بعودة الخواجه البرتغالى مانويل جوزيه لقيادة الفريق الاحمر

[م / محمود عبدالعال]

جوزيه اعتقد انه لن يعود والله اعلم

[احمد سمير]

والله جوزيه أصبح ماضي
ومعاه اللاعبين العمالقه
اللي بطلوا الكره
---------

[السيدعبدالعزيز]

لو عايزين رأى ممكن يكون فيه شئ من التفكير ...

جوزيه فى الفتره الأخيره إللى مسك فيها الأهلى كان جهازه التدريبى هو و بيدرو بارنى و هيدالجو للأحمال و محلل المباريات إللى كان بيصور من المدرج (مش فاكر إسمه الصراحة) و كان معاه البدرى .....تمام

جوزيه و هو هنا أيامها قال أشعار فى بيدرو بارنى و إنه هو خليفته و أنه من ضمن مدربين حايكونوا مستقبل البرتغال و فى نفس الوقت لما كان هنا و من بين كل المساعدين إللى كانوا إشتغلوا معاه ما ذكرش بالخير غير علاء ميهوب و هو إللى قال لو فيه مدرب فى مصر يبقى علاء ميهوب ...

الرأى هو ليه مايجيش جوزيه على أساس سنه واحده كمدير فنى بجهازه الكامل و يدخل معاه علاء ميهوب و عظيمه و بعد السنه يبقى كمدير و مخطط لجهاز الكوره عامه فى الأهلى و يتولى التدريب بيدرو و نفس الجهاز و طبعا يكون معاهم مدرب حراس مرمى تقيل و جهاز طبى على أساس سليم مش إللى موجود يبقى كويس مع تنفيذ كل ما يطلبه و طبعا بعقد الرعايه الكبير و بمساعده رجال الأعمال كالعاده و حتى نترك له حريه إختيار مدير الكوره و إللى ممكن يكون زيزو و يساعده أبو تريكه و خصوصا إنه حصل على دراسات فى أوروبا و معايشات مع انديه كبيره ....

اعتقد إن الفائده من التجربه حاتكون كبيره جدا و أكتر بكتير من الخسائر على الأقل مجلس الإداره يبقى خلع إيده تماما من فريق الكوره و فى نفس الوقت حيلاقى نسبه المتضامنين معاه كبيره و يفضى هو بقى للبناء و التشييد و ياريت يفضى نفسه للإستاد الجديد و بكده يبقى كل العناصر إكتملت للنجاح .......

[مصراوى2]

جوزية انتهى - جوزية كبر و خرف - جوزية اتحفظ - جوزية بيعتمد على لاعيبة جاهزة و بيقتل الناشئين - جوزية فاشل - جوزية لم ينجح الا فى الأهلى - جوزية اكذوبه لان كان معاه افضل لاعيبة فى مصر - عايزين فكر جديد

يا ساتر
مفيش واحد عنده مانع من مدرب بفكر و طموح جديد لكن اى مدرب جديد على النادى و المنطقة محتاج وقت علشان يتعرف على اللاعيبة و ظروف اللعب فى مصر و طباع و عادات اللاعيبة و الإعلام فى مصر و اللعب بدون جمهور وووووووووووووو
كل ده ليس فى صالح النادى لان المدير الفنى حتى لو مورينيو محتاج وقت للتعود على كل ذلك و الجمهور لا صبر عنده ولن يقبل بموسم اخر دون بطولات