بخصوص عدم القدره على تعديل المشاركات

[amrlion]

السلام عليكم


لاحظت من كام يوم ان بعد عمل اى رد على موضوع بمجرد اعتماد المشاركه

لا اجد زرار التعديل ولا يمكن تعديل المشاركه بعد اعتمادها

هل المشكله عامه؟ وهل هتستمر كده على طول ولا ظرف طارق؟

[اسامه حامد]

وعليكم السلام

هذا الاجراء اتخذته الاداره العليا يا غالى

[محمد ايمن بسيوني]

يا أستاذ أسامه هل دا على الكل ولا ايه

[amrlion]

وعليكم السلام

هذا الاجراء اتخذته الاداره العليا يا غالى

شكرا على ردك يا باشا

بس ده قرار صعب اوى

اى مشاركه هتتكتب فيها اى شىء غلط يبقى مستحيل تتعدل


لما بنعمل موضوع كبير وفيه صور وخلافه بنعمل الموضوع ونعتمده علشان يتحفظ ونبدأ نعدله ونكمل عليه علشان المووضع ما يروحش لاى سبب ممكن

انما دلوقت هيبقى الموضوع صعب اوى

وشايف ان ده هيقلل جدا من عدد المشاركات والردود والمواضيع

شكرا

[eng ahmed awad]

فعلا هيكون موضوع صعب جداا لان كلنا بنكتشف اخطاء لما بننشر المشاركه وبنرجع نعدلها تانى

[عبده فودة]

وعليكم السلام

هذا الاجراء اتخذته الاداره العليا يا غالى


مع احترامى للجميع قرار خطأ

بعض الاحيان ونظر لضعف النظر اثناء الكتابة

يحدث اخطاء املائية محرجة جدا والفاظ غير مقصودة

الحل يكون التعديل السريع للموضوع

هذا رايى ولامر يرجع اولا واخير لكم

[amrlion]

مع احترامى للجميع قرار خطأ

بعض الاحيان ونظر لضعف النظر اثناء الكتابة

يحدث اخطاء املائية محرجة جدا والفاظ غير مقصودة

الحل يكون التعديل السريع للموضوع

هذا رايى ولامر يرجع اولا واخير لكم


طبعا استاذنا انت جبت الخلاصه

بالاضافه الى الدخول كثير من الموبايل والرد منه ودى عمليه صعبه جداا فى ظل الالف اعلان اللى بيظهروا على المنتدى بشكل بشع

وده بيأدى الى اخطاء املائيه كثيره قد تصل فى الاحيان لتغير معنى الكلمه تماما

ومش قادر افهم ايه الفكره والميزه والمنفعه من كده

على الاقل يبقى زى منتديات كتير التعديل لمدة ربع ساعه فقط من عمل الرد او المشاركه

[يوسف ابراهيم راضي]

نرجوا من الاداره اعاده النظر فى هذا الخصوص

[تامر10]

اتفق معكم جميعا
واتمنى اعادة النظر فى هذا القرار

[محمد عبدالهادى البربرى]

عندكوا حق والله

[فتحي الجارحي]

اتفق معكم جميعا

[satytree]

الادارة يجب عليها استعادة موضوع تعديل المشاركات ولان دلك لايسهم فى تسريع موقع مصراوى سات بل زيادة المشاركات وأبطأ الموقع
لان تعديل المشاركات لو غير موجود سيحدث مشاركات أكثر فى موضوع واحد ودلك بسبب خطأ أملائى غير مقصود أو توضيح شرح معين ودلك سيسبب عدم أنتظام الموضوع --

[م / سمير محمد]

تم اتخاذ هذا الاجراء من الادارة لان فية ناس بتتواصل مع ناس تانى وبعد مدة بيتم عمل تعديل للمشاركة
بمعنى ان ممكن واحد عندة حاجة عايز يبيعها وبيتواصل مع المشترى باى طريقة تواصل وقبل انتهاء فترة التعديل بيتم تعديل المشاركة

[م/احمدمبروك]

طب ممكن الادراة تخلى فترة التعديل دقيقة او دقيقتين فقط

[تامر10]

تم اتخاذ هذا الاجراء من الادارة لان فية ناس بتتواصل مع ناس تانى وبعد مدة بيتم عمل تعديل للمشاركة
بمعنى ان ممكن واحد عندة حاجة عايز يبيعها وبيتواصل مع المشترى باى طريقة تواصل وقبل انتهاء فترة التعديل بيتم تعديل المشاركة


تمام كده وضحت الصورة
طيب لو سمحت ممكن لو حد عمل مشاركة وطلب تعدلها يطلب فى نفس المشاركة انه عايز يعدلها ويقوم الاشراف بالتعديل المطلوب

[عادل عامر]

دى ممكن فى حدود ان المشاركة بها اى خطا املائى فقط

[الحاج شريف]

تم اتخاذ هذا الاجراء من الادارة لان فية ناس بتتواصل مع ناس تانى وبعد مدة بيتم عمل تعديل للمشاركة
بمعنى ان ممكن واحد عندة حاجة عايز يبيعها وبيتواصل مع المشترى باى طريقة تواصل وقبل انتهاء فترة التعديل بيتم تعديل المشاركة


التواصل أخى الكريم ليس خطيئه كبرى ، نعم هو مخالفه لقوانين المنتدى لعدم وجود خاصيه الرسائل الخاصه
لكن إذا كان الهدف هو منع التواصل فيمكن تغليظ عقوبته قدر الإمكان
لكن إلغاء التعديل قد ينتج عنه كما قال وبحق الحاج عبده فوده أخطاء فاضحه لا لزوم لها
وقد تلاحظ حضرتك أن مستوى اللغه متدنى تماما حتى فى وجود خاصيه التعديل فما بال حضرتك ما يمكن أن يحدث عند إلغائها
لقد كثرت الأخطاء وأصبحت عبارة " هزا الجهاذ" عاديه وغير ملحوظه وغيرها كثير
حتى إننى فكرت فى أن أقترح أن يكون للمنتدى مراجعا لغويا مثل ما يفعلون فى السينما والتيليفيزيون لكنى تراجعت حتى لا يتهمنى البعض بالتقعر
وأظن الحل الوسط ممكن أن يكون أفضل الحلول وهو تقليل فتره السماح بالتعديل مع تغليظ العقوبه علي مخالفه القوانين
والإداره فى الأخير هى صاحبة القرار فهو مسئوليتها وبالتأكيد هى تنشد الأفضل للمنتدى وإرضاء الأغلبيه وأيا كان قرارها فيجب إحترامه

[$waseem$]

كده الواحد يدخل ياخد المعلومة وخلاص طالما المشاركات أصبحت مقيده للغايه ولا يمكن التعديل عليها وخصوصا مع هجوم الاعلانات المرعبه والمربكه للمشارك يعني العميله موش ناقصه خانقه برجاء اتخاذ الازم نحو تعديل المشاركة حفاظا علي تفاعل الاعضاء

[amrlion]

يعنى باختصار كده

السيئه تعم والحسنه تخص

اعضاء كتير محترمه وملتزمه ولها تاريخ ومواضيع وتواجد محترم فى المنتدى من سنين

يتم معاقبتها بسب عضو او اتنين او 10 حتى اخطأوا؟؟؟

انا مش فاهم ايه المشكله لو غلظنا العقوبات؟ وزودنا عدد المشرفين للرقابه؟؟؟

وعادى ولو عدت مننا مخالفه او اتنين مش مشكله يعنى مش جريمه هي

انا عن نفسى مشاركتى هتقل جداا فى المنتدى وهفكر كويس قبل ما اعمل اى موضوع

ولو حبيبت اعمل موضوع هعمله فى اى منتدى تانى لغاية ما اتأكد انه تمام وانقله هنا كوبى وبيست


ارجو اعادة التفكير فى الامر مرة اخرى لاننا بنعاق الكل بدون اى سبب

[amrlion]

اسف

بنعاقب مش بنعاق

بس هنعمل ايه بقى