ياجماعه هل يوجد فرق بين ترومان توب بوكس 2 تيونر وواحد تيونر

[scre3m]

السلام عليكم
انا قررت اشترى جهاز ترومان توب بوكس بس الموجود فى السوق حاليا واحد تيونر هل هناك فرق بينه وبين الـ 2 تيونر ... ارجو الافاده .

[bassam zakzouk]

لا يوجد أى فرق اطلاقا فى الهاردوير والامكانيات الاتنين واحد ياغالى
الفرق بس فى التيونر التانى غير كده مفيش أى فرق

[scre3m]

شكرا ياغالى على الرد

[scre3m]

بالنسبه للانيجما 2 على الرسيفر مافيش فرق برضو

[Dr. Hazem Tamim]

مفيش فرق يا غالى بس الانيجما بتدعم تيونر واحد
وانا كلمت التوكيل قالولولى ان ال 2 تيونر خلصان وكل اللى في السوق غالبا مرتجع صيانه ريحت نفسى واشتريت ابو تيونر واحد

[scre3m]

شكرا ياباشا ان شاء الله هشترى الواحد تيونر .... شكراً

[hamad-20]

لاحظ ان 2 تيونر ممكن تشغل قناة وتسجل من اخرى على تردد اخر وكذلك لو نزل سوفت الدنجل ممكن تيونر يبقى للدنجل والاخر ريسيفر عادى يستقبل من الدنجل والسعر بينهم ليس كبير

[احمدابويونس]

السعر كم 2

[scre3m]

المشكله انه مافيش فى السوق 2 تيونر

[احمدابويونس]

شكرا ياباشا ان شاء الله هشترى الواحد تيونر .... شكراً

اشترية بكام اخي الغالي

[scre3m]

والله ياباشا روحت التوكيل قالى الواحد تيونر مافيهوش لان بيشتغل وايرليس بس قالى فيه ترومان سبارك مينى دا زى ترومان بريمير بلص 1..... فانا محتار لسه مش عارف اشتريه ولا ايه

[Dr. Hazem Tamim]

والله الكلام دا غريب
أنا لسة مشتري التوب بوكس بالضبط من أسبوعين بوصله اللآن وتمام التمام بس اللي أنا عارفه انه بييجي من بره بدون فتحة لان وبتكون متغطيه بباركود ودا لان المصنفات دلوقتي مانعة اي رسيفر بيشتغل بالنت ولما بتشتري الرسيفر هما بيركبوهالك في الفرع فواضح ان الاستوك بتاع القطعة خلصان ولسة ما جابوش جديد
أنا أشتريته من عندهم ب ٦٨٠ جنيه وسرقو الكامة واتصلت مسحت بيهم الارض لأَنِّي بره مصر وبعت واحد صاحبي جابهالي منهم

[scre3m]

اى رسيفر الـ 2 تيونر ولا الواحد تيونر

[Dr. Hazem Tamim]

الواحد تيونر وكان فيه احد الأعضاء قال انه جاب ال ٢ تيونر في نفس اليوم فكلمت الراجل اللي حدت رقمه في التوكيل قالي انه خلصان عندنا وغالبا اللي موجود بره حتي لو في فرع تاني لينا هيكون مرتجع صيانه
وعشان كده أنا جبت الواحد تيونر

[احمدابويونس]

والله ياباشا روحت التوكيل قالى الواحد تيونر مافيهوش لان بيشتغل وايرليس بس قالى فيه ترومان سبارك مينى دا زى ترومان بريمير بلص 1..... فانا محتار لسه مش عارف اشتريه ولا ايه

قلك الترومان توبكس 1تنوية بكام

[Dr. Hazem Tamim]

هو قال ٧٠٠ وانا أخذته ٦٨٠ بتاريخ ٥ أكتوبر ٢٠١٥

[scre3m]

طب استاذ حازم وهو التوب بوكس الواحد تيونر بدون قتحة لان

[Dr. Hazem Tamim]

أنا ذكرت لحضرتك ان فيه فتحة لان
وان الرسيفرات بتيجي من بره بدون فتحة اللان ومتغطيه ببار كود علشان المصنفات والجمارك مشددين علي اي رسيفر شغال نت
وبعد ما بتشتري الرسيفر بيبعتك مركز الخدمة بيفكوا الرسيفر ويركبوا قطعة اللان وبالمرة يسرقوا الكامة الا لو انت واخد بالك
لكن دلوقتي ممكن تكون القطعة دي خلصت من عندهم فبيبيعوه من غير فتحة اللان دا اللي أنا اعتقد فيه ولو عندك وصلة البريمير القديمة غالبا يتركب عليه وممكن لو دورت عليها تلاقيها بتتباع لوحدها ماهي لو باظت هتعمل ايه فهي أكيد موجودة لكن فين مش عارف للامانة
خدلك لفة ودور عليها او اشتريها قطعة غيار من عندهم لان الاستيراد اليومين دول فيه مشاكل فممكن يكون دا السبب

[Dr. Hazem Tamim]

الصورة عندك

[scre3m]

شكرا يا غالى انا مش عارف قالى ليه كدا ممكن يكون خلص ولا ايه