تسجيل الدخول

مشاهدة النسخة كاملة : رجاء يا عباقرة حل بديل لديزك 8 بورت يعنى الواحد اصبح محترف تركيبات وعندى 10 اقمار ومش عارف اشوفهم مع بعض

الصفحات : [1] 2
bahy_2009
2015/10/26, 12:18 PM
رجاء يا عباقرة حل بديل لديزك 8 بورت يعنى الواحد اصبح محترف تركيبات وعندى 10 اقمار ومش عارف اشوفهم مع بعض
satytree
2015/10/26, 02:05 PM
ممكن تشترى رسيفر 2 تيونر
Mostafa Wany
2015/10/27, 03:18 AM
اعتقد مفيش حل غير ديزك 8 وده مش موجود فى مصر
لو ليك حد بره مصر ممكن يبعتهولك او تشتريه من على النت
بس اكيد سعره هيبقى غالى
سيجما
2015/10/27, 11:54 AM
هات 2 دايزك..
ونزل 2 سلك
مفيش حل تانى
انا عامل كده من 5 سنين
bahy_2009
2015/10/27, 12:36 PM
اول مرة فى حياتى اشوف المصريين بيغلبوا انتم فين يامصريييييييين
BaHnOs
2015/10/27, 01:20 PM
مفيش حل الا كده ...
هات 2 دايزك..
ونزل 2 سلك
مفيش حل تانى
انا عامل كده من 5 سنين
طمطم123
2015/10/27, 03:24 PM
في حل انا جربته وشغال

انا اشتريت دايزك 4*1 2.0

جايبه من مصر هنا من الزقازيق

وجربت اركب اكتر من اربع اقمار والطريقة نفعت

جبت عدد 4 دايزك عاديبن 1.0 وركب كل دايزك من دول في فاتحة من الدايزك ال 2.0

بس انا جربت على رسيفر ستار سات وشغال لان اعدادات الدايزك في ستار سات غير ترومان

الطريقة نفعت على ستار سات

ومش عارف اعملها على ترومان
GADGAD
2015/10/28, 03:49 AM
الديزك ال8 مخرج موجود بس غالى جدا فى باب اللوق كنت اشتريت طبق متحرك كنت هترتاح وتوفر
esmailahmed
2015/10/28, 01:21 PM
ان شاء الله ده طريقة التوصيل ياريت تفيدك ومش صعبة

http://gulf-up.com/do.php?img=20947 (http://gulf-up.com/)
مصطفى الجمل
2015/10/28, 04:01 PM
ان شاء الله ده طريقة التوصيل ياريت تفيدك ومش صعبة

http://gulf-up.com/do.php?img=20947 (http://gulf-up.com/)

من فضلك يا اخ اسماعيل عاوزين نعرف اعدادات الرسيفر
أحمد محمد نصار
2015/10/28, 10:37 PM
في حل انا جربته وشغال

انا اشتريت دايزك 4*1 2.0

جايبه من مصر هنا من الزقازيق

وجربت اركب اكتر من اربع اقمار والطريقة نفعت

جبت عدد 4 دايزك عاديبن 1.0 وركب كل دايزك من دول في فاتحة من الدايزك ال 2.0

بس انا جربت على رسيفر ستار سات وشغال لان اعدادات الدايزك في ستار سات غير ترومان

الطريقة نفعت على ستار سات

ومش عارف اعملها على ترومان

ممكن حضرتك تقولنا جبته من شارع أيه فى الزقازيق و بكام؟
أحمد محمد نصار
2015/10/28, 10:40 PM
ان شاء الله ده طريقة التوصيل ياريت تفيدك ومش صعبة

http://gulf-up.com/do.php?img=20947 (http://gulf-up.com/)

الدايزك king حضرتك اشتريته منين و بكام؟
طمطم123
2015/10/30, 05:28 PM
ممكن حضرتك تقولنا جبته من شارع أيه فى الزقازيق و بكام؟

اخر شارع مولد النبي على الشمال
أحمد محمد نصار
2015/10/30, 06:54 PM
اخر شارع مولد النبي على الشمال

بكام لو سمحت؟
الحاج شريف
2015/10/30, 07:55 PM
في حل انا جربته وشغال

انا اشتريت دايزك 4*1 2.0

جايبه من مصر هنا من الزقازيق

وجربت اركب اكتر من اربع اقمار والطريقة نفعت

جبت عدد 4 دايزك عاديبن 1.0 وركب كل دايزك من دول في فاتحة من الدايزك ال 2.0

بس انا جربت على رسيفر ستار سات وشغال لان اعدادات الدايزك في ستار سات غير ترومان

الطريقة نفعت على ستار سات

ومش عارف اعملها على ترومان

دايزك 2.0 هو نفسه دايزك 1.0 يا أخ طمطم ، مع بعض الإضافات
لكن لا يصلح لهذا الغرض لأنه ببساطه يستخدم نفس إشارات دايزك 1.0
علشان تركب 2 دايزك مع بعض لازم يكون فى إختلاف فى إشارات التحويل
وياريت ماتعشمش الناس وإلا
وريهم إعدادات ستارسات علشان ينفذوها
الحل الوحيد هو دايزك 8×1
أو إستخدام دايزك 1.1 مع 2 دايزك 1.0 أو أكثر
والله أعلم
momoaal
2015/11/01, 07:13 PM
السؤال المهم ... ليه تجار مستلزمات الدش ولاد الــ $@#$#@ ... مش عايزين يجيبوه .. حتى لو غالى ... ايه المشكلة انه يتباع لكن غالى شوية !!
انا حاسس ان الموضوع فيه لعب من التجار دول .... علشان فنيا فيه اساتذه كبار ومحترفين فى التركيبات فى المنتدى هنا ... و فى مصر كلها ... اساتذه فى التركيبات على الطبق الثابت ... و طبعا الكل عارف فرق السرعة بين الطبق الثابت و المتحرك ...
يعنى فيه ناس عايزاه .. ليه بقى التجار مش بيتشتريه ؟؟ ايه المشكلة ؟؟؟

يا ريت يا جماعة لو حد يعرف يجيب لنا شوية دايزك 1X8 او 1x10 ....
و نقسم تمنه علينا ... انا شخصيا مستعد اشترى 2 دايزك ... مبدئيا ..
ياريت اى حد يعرف يتصرف يجيب لنا نوع بس يكون كويس ....
ايه رأيكم ؟؟
momoaal
2015/11/01, 07:16 PM
على فكرة ... انا طرحت الموضوع ده من سنة تقريبا .. !!
http://www.masrawysat.com/vb/showthread.php?t=1405848

لكن ما حدش عرف يجيب دايزك .. لغاية دلوقتى !!!
benhamdy
2015/11/01, 08:04 PM
عاوز دايزك 1.0 اجيبه منين لوفي حد عارف... القاهرة او الاسكندريه.. ولو حد يعرف مكان بيبيع موتور. H-H
الحاج شريف
2015/11/01, 08:14 PM
على فكرة ... انا طرحت الموضوع ده من سنة تقريبا .. !!
http://www.masrawysat.com/vb/showthread.php?t=1405848

لكن ما حدش عرف يجيب دايزك .. لغاية دلوقتى !!!

صحيح يا أخى حصل
وده كان ردى علي حضرتك ومازال

http://www.masrawysat.com/vb/showpost.php?p=7355399&postcount=11

المشكله لو تاجر سمع كلامنا وجاب البضاعه دى حيفلس لقلة الطلب عليها جدا كام واحد عايز طبق 240 فما فوق وكام واحد عايز عدسه برايم فوكس معدله جاهزه من اللى بتركب عليه
وكام واحد مركب أكتر من قمر حتى يحتاج دايزك فوق 4×1
بص علي أى سطح تلاقينا بنكلم بعضينا والناس مركزه علي النايلسات حتى الأطباق الكبيره اللى اشتروها زمان واقفه ع النايلسات
وحتروح بعيد ليه أطلب حضرتك من مؤسسة مصراوى اللى بتبيع مكونات الدش تستورد البضاعه دى ؟
momoaal
2015/11/04, 10:05 PM
شكرا استاذ اشرف ...
حاولت والله اشوف اصدقاء يجيبوا الدايزيك من الخارج لكن ما عرفوش يلاقوا غير الـ 4 مخرج فقط .. يمكن علشان ما كانوش عندهم خلفية زينا او ما يعرفوش يسألوا على مكونات الدش بشكل كويس !

على فكرة الدايزيك 8x1 تمن اقل من 10 دولار ! يعنى بسيط لو التجار اشتروه .. ده نوع صينى ..عالى الجودة شوية .. مش صينى درجة عاشرة زى الانواع اللى بيجيبوها !! و على موقع على بابا الشهير حتلاقيه بحوالى 6 دولار و اسعار خاصة للجملة .. لمن احنا كافراد مش سهل نشترى منهم .. علشان بيبيعوا كميات ! لكن التاجر ممكن يشترى مثلا 100 قطعة .. ويبيعها للى عايزها .. و لو بسعر غالى شوية .. ايه المشكلة !! مش فاهم ؟
اللى عايز حاجه و يقدر على تمنها يشتريها ! انما الصنف يكون غير متواجد تماما .. ده شىء غريب !!
بلاش ... خللينا فى الـ 0/12v سويتش ! او الـ 22khz سويتش !! اللى مش موجودين اصلا !! حتلاقيهم موجودين وسعرهم فى الخارج من 4-7 دولار !! و مازالت تباع !! حتى الآن !
و الشركات بتنتجها و تبيعها ! انما احنا مش مهتمين تماما !!

يعنى عايز تفهمنى مثلا ان مافيش 50 فنى تركيبات محترف مهتم بشراء دايزيك 8 او 10 مخرج او حتى ال 0/12v سويتش ؟؟؟ ازاى بس ..
اعتقد مصر مليانة فنيين خبراء تركيبات .. و احنا شايفين كتير جدا منهم اساتذة تركيبات فى المنتدى هنا .. و فى منتديات كتير اخرى ...

لسه النهارده .. كنت فى باب اللوق ..قولت اسأل على الـ 22khz سويتش بديل الـ 0/12v سويتش ... او الدايزيك 2.0 .. و الله حسيت كأنى بالنسبة للبائعين كأنى جاى من كوكب تانى !! سألت فى وكيل Fte و وكيل TRiax ماركات عالمية و معروفة جدا طبعا .. و غالية جدا .. بالطبع !! برضه كأنى باسألهم على الغاز او طلاسم !! وكل اللى عندهم ... مافيش .. ما أعرفش ! ... ماحدش بيطلب الحاجات دى ؟؟

طب اذا كان دى المشكلة ... ايه المانع كل المتخصصيين اللى عايزين الدايزيك 8 او 10 مخرج يطلبوه من التجار ... !!؟؟

و انا ح اضم صوتى اليك استاذ اشرف ..
رجااااااااااء .. مؤسسة مصراوى تستورد لنا المكونات دى .. حتى لو كان سعرها مرتفع شوية ... و اكيد طبعا التجار بيكون ليهم تسهيلات خاصة وبيعرفوا يتصرفوا و يجيبوا المكونات بسعر كويس .. و اتمنى يكون بسعر خاص لأعضاء المنتدى ....... patch_lov-

و اتمنى كل المهتمين ينضموا الى هذا الطلب ... سواء هنا فى المنتدى .. او من التجار اللى بيشتروا منهم المكونات اللى بيشتغلوا بيها ..
الا اذا كان الفنيين بيعملوا بس تركيبات للشهرة فقط .... و بينزلوها فى المواقع والمنتديات و لا يهمهم تنفيذها فى الواقع !!!!!!؟؟


بالنسبة لى شخصيا انا مجرد هاوى .. انما لفنيين التركيبات اعتقد انه حيكون مصدر شغل كويس جدا .. تخيل مثلا لما تركب 8 اقمار على طبق واحد ثابت .. مش نايل سات واوروبى وخلاص .. و الناس اكيد حتطلب التركيبات دى .. . patch_cuisin-- وربنا يسهلها للجميع بقى ....ههههههه :)