مشكلة مع ستار وان جديد

[حمدى مندى]

انا شارى الجهاز يوم السبت يعنى امبارح وجربته فى المحل على كابل الاوديو شغال تمام روحت البيت اشغل على كابل الاتش دى مش راضى يشتغل غيرت الكابل اشتغل بس بيفصل لواحده على طول اشغله على كابل الاوديو والفيديو يشتغل مش عارف ايه الحل ولا المشكله منين الشاشه عندى 40 توشيبا وكنت مشغل عليها قبل كده اكتر من رسيفر بكبل الاتش دى ومش عارف المشكله منين ارجو اللى يعرف الحل يدلنى وله جزيل الشكر

[حمدى مندى]

طيب ياجماعة دى مشكلة هارد وير ولا سوفت وير وانا بصراحه اول مره اشترى حاجه زى كده ولاقى فيها مشاكل ومش عارف يعنى ارجع للمحل ولا اعمل مشكلة مع الناس ولا اتصرف ازاى المشكلة ان الجهاز عجبنى جدا جدا وفوق الممتاز بس انا بختى كده

[ibrahemsalah]

هون عليك اخى الحبيب
وبختك زى الفل ان شاء الله
ارجع للمحل الذى اشتريت منه الجهاز ومعاك الجهاز والكابلين واشرح لهم المشكلة
ربما مشكلة بسيطة فى مدخل كابل الاتش دى
ربنا معاك

[حمدى مندى]

استاذ ابراهيم شاكر مساعدتك

انا ان شاء الله هاروح للمحل بكره

الغريب ان الكابل بيشتغل بس لو حد لمسه بيفصل على طول ممكن ترجع الصوره تانى وساعات لا
عموما شاكر لحضرتك

[ibrahemsalah]

بالتوفيق اخى حمدى

[حمدى مندى]

الحمد لله تم حل المشكله

ذهبت للمحل والناس قمة الادب والذوق تم تغير كابل الاتش دى واشتغل الجهاز

[ibrahemsalah]

مبروك حل المشكلة
ومشاهدة طيبة ان شاء الله

[hasan aladawy]

يا سلام عليك يا استاذ ابراهيم جبت من الاخر و حليتلة المشكلة بارك الله فيك

[ibrahemsalah]

يا سلام عليك يا استاذ ابراهيم جبت من الاخر و حليتلة المشكلة بارك الله فيك

الحمد لله اخى الغالي استاذ حسن
خالص تحياتى لك

[abdaziem]

الف مبروك ياغالى وسعره كام الان بما انك مشتريه يوم السبت

[حمدى مندى]

325 جنية

[silvermoon_am99]

325 جنية

بعد اذنك يا استاذ حمدى كنت شاريييه منين

[alaa_zaid25]

325