الرجاء المساعدة فى تعديل الدفلكشن يوك الخاص بشاشة الكمبيوتر

[khaledzeid]

الرجاء مساعدتى فى تعديل الدفلكشن يوك الخاص بشاشة الكمبيوتر حيث اننى قراءة موضوع عن التعديل نقوم بفصل ملفات الهيروزنتل من اللوحة الموجودة أعلى اليوك و فنقوم بتوصيلها بطريقة التوالي اى نهاية الملف الأول مع بداية الملف الثاني ونهاية الثاني مع بداية الثالث ونهاية الثالث مع بداية الرابع وبكده يوجد معنا طرفان فقط هم بداية الأول ونهاية الرابع وهم ملفات الهيروزنتل الجديدة .
انا حاولت اعمل الكلام دا بس للاسف ما ظهرت عندى صوره كل اللى ظهر عندى خط فى منصف الشاشة . ارجو من لدية الخبرة مساعدتى فى التعديل .
الشاشة اللى بعدل عليها hp 19 الشاسية صينى
http://store1.up-00.com/2015-11/1447193405551.jpg

[khaledzeid]

اين المحترفين يا جماعة الرجاء المساعدة انا عارف ان فيه حلول جاهزه بس انا عاوز اجرب اعمل الفكرة يا ريت المساعدة ولكم جزيل الشكر

[MSELEM99]

بص يا عم خالد موضوع تعديل اليوك لشاشة الكمبيوتر سهل جدا فوق ما تتصور ولكن بيختلف من شاشه للتانيه يعنى تعديل الشاشه 14 بوصه مش زى ال 17 و19 طيب نقول الخلاصه نقول اى يوك شاشه كمبيوتر جى منه اربع اسلاك فى كورده واحده احمر + ازرق +برتقالى + اسود المهم فى الموضوع اللعب كله فى سلكين اتنين الاحمر والازرق دول هما ال عليهم العين حتعمل استئصال للسلكين دول من عند اليوك نفسه تشيلهم خالص بعد كده حتحل الملفات النحاس ال كانت ملحومه مع الطرفين دوول حتلاقيهم كل جوز فى بعض حتفصلهم عن بعض وتجيب فرد من هنا مع فرد من التانى وتبرمهم مع بعض وحيفضل معاك فردين ابرمهم مع بعض ووصل فيهم السلك الاحمر والتانى وصل الازرق فيه وجرب ان جابللك علامة اكس حتعكس ملفات النحاس ده بااللنسبه لل 14 بوصه باالنسبه لل 17 و 19 ليهانظام تانى مشابه للكن ملفات النحاس بتبقى 6 اطراف دى لازم تشوفها بعنيك

[khaledzeid]

الف شكر يا بشمهندس على الرد انا شاكر ليك جدا جدا على الشرح وان شاء الله حاعمل اللى حضرتك قولت عليه .

[MSELEM99]

لا شكرعلى واجب بس الكلام ده لل 14 بوصه اما لل 17 و 19 بتختلف لانك بتحل ملف نحاس فى اول رجل فى اليوك من اليمين ويبقى معاك 6 اطراف وتعدل فيهم بطريقه معينه لحد ما توصل لنفس تعديل ال 14 وبنستخدم فيهم الافوميتر يعنى لازم تشوفها بعنيك افضل

[khaledzeid]

ارجو منك الشرح يا بشمهندس للشاشة 19 الرجاء مساعدتى

[MSELEM99]

صدقنى والله مش حتفهمها الا ازا شوفتها بعينك وعملتها باءيدك انا نفسى اتعلمتها من فنى صاحبى ولو كان شرحلى باالكلام بس عمرى ماكنت حفهمها ومش عيب انك تروح لاى فنى فى بلدك او برا بلدك وتقؤله انا فنى مثلك وعاوز اعرف تعديل اليوك مش عيب ولو عندى شاشه دلوقتى كنت عملت لك فيديو والله لكن فى اقرب فرصه حعمل فيديو

[khaledzeid]

مشكور يا بشمهندس ويارب توفق فى عمل الفيديو والشكر كل الشكر للقائمين على ادارة المنتدى الغالى مصراوى سات

[م/احمدعبدالفتاح]

بص يا عم خالد موضوع تعديل اليوك لشاشة الكمبيوتر سهل جدا فوق ما تتصور ولكن بيختلف من شاشه للتانيه يعنى تعديل الشاشه 14 بوصه مش زى ال 17 و19 طيب نقول الخلاصه نقول اى يوك شاشه كمبيوتر جى منه اربع اسلاك فى كورده واحده احمر + ازرق +برتقالى + اسود المهم فى الموضوع اللعب كله فى سلكين اتنين الاحمر والازرق دول هما ال عليهم العين حتعمل استئصال للسلكين دول من عند اليوك نفسه تشيلهم خالص بعد كده حتحل الملفات النحاس ال كانت ملحومه مع الطرفين دوول حتلاقيهم كل جوز فى بعض حتفصلهم عن بعض وتجيب فرد من هنا مع فرد من التانى وتبرمهم مع بعض وحيفضل معاك فردين ابرمهم مع بعض ووصل فيهم السلك الاحمر والتانى وصل الازرق فيه وجرب ان جابللك علامة اكس حتعكس ملفات النحاس ده بااللنسبه لل 14 بوصه باالنسبه لل 17 و 19 ليهانظام تانى مشابه للكن ملفات النحاس بتبقى 6 اطراف دى لازم تشوفها بعنيك
هل الكلام دة صح ا

لتعديل الدفلكشن يوك الخاص بشاشة الكمبيوتر
للاماته يجب أن لا نقوم برفع يوك شاشة الكمبيوتر لاى سبب من الأسباب إلا إذا كانت تالفة نهائيا وهذا للعلم لان الطريقة الموضوع بها اليوك ومغناطسيات الألوان أو توجيه ضبط الشعاع الموجودة على زور الشاشة مرهقة جدا فطبعا أفضل وضع الشركة كما ضبطت عليه حرصا على كفاءة وجودة الصورة ... لانى قبل معرفة الطريقة القادمة بعد قمت بإتلاف شاشتين ولم أصل إلى جودة وضبط الصورة مثلما كانت من قبل . وهذا ناتج عن تغيير يوك الشاشة الاصلى
نعرف إن الفني لا يعرف شيء إلا بالقياس والخبرة وهنا القياس هو كل شيء بمعنى القيمة الاوميه للملف ... وهذا هو لب الموضوع
أولا : ملفات الفرتكل او الرأسى ( ).
فعند قياس اليوك فرتكل أو ملفات الراسي بافوميتر ديجتل طبعا القياس يكون لملفات يعطى تقريبا من 7 إلى 8 اوم حسب دقة الافوميتر ودا يعرفنا أسلاك الفرتكل من الهيروزنتل .
أكيد متابع معي طبعا لا يختلف من شاشة الكمبيوتر أو شاشة التليفزيون كلاهما يعطى نفس القيمة تقريبا وفى هذه الحالة لا نحتاج لتعديل ملفات الفرتكل أو الرأسي ليه بالطريقة العلمية إن الصورة لازم تمر من اعلي إلى أسفل حسب التردد 50/60 سيكل ثانية وبتوضيح أكثر أن العين لا ترى الصورة بوضوح واستقرار إلا إذا مرت أمامها 25 مره في الثانية الواحدة ترى الصور تطلع أو تنزل مثل فك التزامن أو فشل التزامن ودا طبعا مفهوم لك كفني أو ممارس للمهنة إذا لا نختلف أبدا على ملفات الفرتكل أبدا أو إذا حدث اختلاف ودا محتمل قليل فلها عدة طرق سوف نتكلم عنها في موضوع آخر ......

ثانيا : ملفات الهيروزنتل او الافقى ( ) .
وهو لب الموضوع والاختلاف بيكون فيه طبعا بقياس يوك شاشة الكمبيوتر وجد أن ملفات الهيروزنتل حوالي 2 اوم تقريبا وهذا القياس في معظم شاشات الكمبيوتر ودا ناتج عن توزيع ملفات الهيروزنتل في شاشة الكمبيوتر بطريقة دائرية والملفات موضوعه معا بطريقه متوازية لإعطاء أبعاد مضبوطة من جميع زوايا الشاشة وطبعا إعطاء صورة بدقة أو جودة عالية جدا وهذا ما صممت من اجله شاشة الكمبيوتر أو المنثور كما يقول عليها بعض الإخوة على العموم قياس شاشة الكمبيوتر أو ملفات الهيروزنتل بالنسبة للتليفزيون حوالي 4 اوم طبعا دا تليفزيون على العموم ندخل في جوهر الموضوع .
كيف نستطيع تعديل ملفات الهيروزنتل : لتعمل مع شاشة التليفزيون أو نركب عليها شاسية صيني لتعود شاشة الكمبيوتر للعمل مرة أخرى.
نقوم بفصل ملفات الهيروزنتل من اللوحة الموجودة أعلى اليوك وهى كما ذكرنا سابقا مقفلة بالتوازي مع بعض لإعطاء الشكل الدائري للملفات والتي تم شرحا ... فنقوم بفك هذه الأطراف كلها لنحصل على 4 ملفات ب8 سلكات فنقوم بتوصيلها بطريقة التوالي اى نهاية الملف الأول مع بداية الملف الثاني ونهاية الثاني مع بداية الثالث ونهاية الثالث مع بداية الرابع وبكده يوجد معنا طرفان فقط هم بداية الأول ونهاية الرابع وهم ملفات الهيروزنتل الجديدة نقيسهم بالاوم فنجد أنهم حوالي 4 اوم وهذا هو ما نبحث عنه

ثالثا :الصورة مش مضبوطة بنقوم بتغيير قيم المكثفات الموجودة بجوار سوكت الدفلكشن طبعا أسفل باللوحة الأم

منقولة

[م/احمدعبدالفتاح]

انا عملت كده بالظبط والاوم مظبوط على اليوك 5 اوم للافقى و8 للراسى
هل الكلام دة صح ا