استفسار بخصوص وصله الدش المركزي

[tabaza]

السلام عليكم .ازاي اوصل وصله دش علي 2 تلفزيون بون ما تتاثر جوده الصوره لأن الصوره عندنا مش كويسه وجزاكم الله خيرا

[tabaza]

اين الردود اخواني الكرام .ياريت محدش يبخل بالاجابه وهل نوع السلك بياثر علي الصوره؟

[العميد شريف]

انته ممكن تجيب مكبر الكاد واحد فى اتنين داه لو الصورة من اللحلم الى انته عملتوه
اما لو الصورة وحشة على تلفزيون قبل ما تشترى شوف السلك بتاعك لو سليم يبقى العيب من عند الى انته موصل من عنده

[adm2012]

شوف يا غالي طالما الوصلة في نفس البيت هات مكبر صيني مش غالي ولو الصورة اللي جايالك حلوة اقطع من قبل الجاك بمتر مثلا وجنت الثلاث اطراف مع بعض النحاس لوحدة والشعر لوحدة

[tabaza]

شكرا لردودكم اخواني الكرام بس معلش ممكن توضيح اكتر لاني مش خبير في الموضوع ده ببساطه انا عندي الوصله جايه من الشارع فكنت عايز اوصلها بتلفزيون تاني بدون ما الصوره تتاثر فاستخدمت مشترك عادي لاكن التلفزيون التاني الصوره فيه مش كويسه فهل ممكن الصوره تكون متساويه ع الاتنين في نفس الوقت؟ وشكرا لكم

[adm2012]

بص يا غالي من اقرب مكان يربط التلفزيونين ببعض بحيث تكون المسافة متساوية تقريبا وتقطع السلك اتنين وتعرية بقطر او سكينة وتضفر الشعر بتاع كل سلك من التلاتة وبعد كدة تلف النحاس علي بعضة والشعر علي بعضة من غير ما يلمسوا بعض وتلفهم بشيكرتون ولو ضعفت شوية هات مكبر صيني