العضو الكريم / satytree

[فني تركيبات]

السلام عليكم ورحمه الله وبركاته
طبعا حضرتك عارف انه تم انذارك اكثر من مره بسبب ردودك العشوائيه والغير مفيده بالمره لاى موضوع
انت ضربت كل الانذارات عرض الحائط ولم تلتزم بأى انذار
لان بصراحه اى موضوع لاى عضو تدخل وترد بردود عشوائيه لا صله لها بالموضوع وتعطى روابط لموضوع اخر وترفق صور فى الموضوع تكاد تكون قاصد انك تبوظ الموضوع
ولذلك عند قرائتك لهذا الموضوع
ان تفضلت والتزمت بردود مفيده للعضو كان بها
اما اذا تعاليت وتكبرت على النصائح التى نقولها لك
سيتم عرض ملفك للاداره وسوف يتخذ ضدك الايقاف النهائى من المنتدى

[عباس نصرابوزيد]

رجاء اخى العزيز استمع لتحزير اخى ابراهيم مصراوى
بس والله ياستاذ ابراهيم هو مفيد بصراحه فى اعاده رفع الصور مره اخرى
فى الصور المرفوعه على موقع مصراوى

[عباس نصرابوزيد]

واول مره تعمل حضرتك موضوع لتحزير عضو

[فني تركيبات]

واول مره تعمل حضرتك موضوع لتحزير عضو

بالفعل يا عباس اول مره اعمل موضوع تحذير لعضو
ولكن تم انذاره اكثر من ثلاث مرات ولم يمتنع عن الردود التى ليس لها معنى
واذا دخل عضو وعنده مشكله يدخل الاخ satyree ويرفق له راوابط ليس لها دخل بمشكله الاخ السائل
ودائما يشوه الصفحه بصور كثيره جدا وحجمها ايضا كبير

[amrlion]

الله ينور عليك يا استاذ ابراهيم

الاخ كان مزودها جداا فى الردود الغريبه والروابط والصور بصوره ضخمه


ده غير انه كان ممكن يدخل على اى موضوع مرفوع فيه 50 صوره ولا حاجه ويعمل اقتباس للمووضوع كله


بارك الله فيك

[عادل عامر]

والله الاستاذ ابراهيم عندة حق نتمنى ان ينتظم الاخ الكريم ويرد ردود مفيدة
وبلاش الصورة الرمزية اللى طلعت عنينا معاها دى وطلبت منة يغيرها من كام يوم
والله متابعتة للمنتدى جميلة مع الالتزام هتكون اجمل

[عباس نصرابوزيد]

الرجاء من الاخ الخلوق
satytee
الالتزام بتعليمات الاداره
وعدم الرد بردود عشوائيه
تحياتى لك

[™Mr.Mahmoud™]

والله استاذ ابراهيم انا برده اول مره اعمل موضوع لعضو

الأخ satytree تفضل من فضلك (http://www.masrawysat.com/vb/showthread.php?t=2079528)

عامل الموضوع من 3 ايام ولم اجد اي رد
اتمني منه ان يرد

تحياتي لحضرتك استاذي

[فني تركيبات]

والله الاستاذ ابراهيم عندة حق نتمنى ان ينتظم الاخ الكريم ويرد ردود مفيدة
وبلاش الصورة الرمزية اللى طلعت عنينا معاها دى وطلبت منة يغيرها من كام يوم
والله متابعتة للمنتدى جميلة مع الالتزام هتكون اجمل

تسلم ياعادل لدخولك الموضوع
وانا والله لا اريد لاحد الايقاف
وانما هو لا يستجيب لاى نصيحه

[satytree]

أنا بحاول أخدم فقط وليس فى ضرر لاى شخص منردودى أنا بحاول اوضح انواع من التركيبات بالصور والرجاء توضيح ماتم مخالفتى فيه من موضوعات وشكرا على صراحتك استاد ابراهيم وأعضاء مصراوى سات الكرماء

[احمد محمود عبد العاطي]

تحياتي لشخصك استاذ ابراهيم مصراوي
بالفعل الاخ satytee مزودها كتير جدا
فاتمني ان ينصع ويستمع للتعليمات الموجه
اليه وليس له لزوم الردود العشوائيه

[فني تركيبات]

والله استاذ ابراهيم انا برده اول مره اعمل موضوع لعضو

الأخ satytree تفضل من فضلك (http://www.masrawysat.com/vb/showthread.php?t=2079528)

عامل الموضوع من 3 ايام ولم اجد اي رد
اتمني منه ان يرد

تحياتي لحضرتك استاذي

حتى انت يامحمود
والله اول مره اشوف الموضوع ده
عموما نحن فى انتظار الرد من الاخ satytree

[احمد محمود عبد العاطي]

أنا بحاول أخدم فقط وليس فى ضرر لاى شخص منردودى أنا بحاول اوضح انواع من التركيبات بالصور والرجاء توضيح ماتم مخالفتى فيه من موضوعات وشكرا على صراحتك استاد ابراهيم وأعضاء مصراوى سات الكرماء

مش عاوزينك تساعد احد يوجد مشرفين مختصين بذلك وهذا عملهم

[فني تركيبات]

مش عاوزينك تساعد احد يوجد مشرفين مختصين بذلك وهذا عملهم

لا يااستاذ احمد كلامك خطأ
اى عضو هنا فى مصراوى من حقه مساعده اى عضو يكون عنده مشكله
ولانقدر ان نقول له مش عايزينك بالعكس ممكن تكون عنده معلومه لاتكون عندى انا شخصيا
وانما المفروض قراءه المشكله جيدا قبل اعطاء الاجابه
وعندما تتوفر له الاجابه يرفقها بشكل جيد حتى تتم حل مشكله العضو السائل
بدل ماارفق له روابط ليس لها علاقه بالمشكله

[satytree]

الله يخليك أستاد إبراهيم مصراوى

[فني تركيبات]

أنا بحاول أخدم فقط وليس فى ضرر لاى شخص منردودى أنا بحاول اوضح انواع من التركيبات بالصور والرجاء توضيح ماتم مخالفتى فيه من موضوعات وشكرا على صراحتك استاد ابراهيم وأعضاء مصراوى سات الكرماء

بص ياغالى
اولا انا والحمدلله احب كل الناس ولا اريد لهم الا كل الحب والموده
هاعطيك مثال بسيط جدا
كان يوجد مشكله لعضو ويقول هل يمكن استقبال قمر كذا فى الصعيد
حضرتك دخلت وقمت بارفاق رابط لاستقبال هذا القمر ولكن فى الاسكندريه
بكده اجابتك ليس لها فائده لان المطلوب فى الصعيد


وحاجه تانيه

ارفاقك للصور بهذا الشكل المؤسف يغير شكل وجمال الصفحه


حاجه ثالثه

كان يوجد سؤال لاخ عن مارئيكم بالقطعه الفوجى القديمه
حضرتك دخلت واعطيته 5 روابط لكيفيه تعديل القطع
طبعا اجابتك ليس لها اى علاقه بالسؤال

حاجه رابعه
اى عضو اذا دخل وعمل موضوع لاستقباله اى قمر
تدخل حضرتك وتقوله ايه اخبار استرا 19 والاشاره عندك كام
اريد ان اعرف ماشأن استرا فى كل اجاباتك لاى عضو استقبل قمر غيره

وفى الاخير اريد منك شئ واحد فقط
ان تتريث فى قراءه السؤال مره واثنين قبل الاجابه
وعندما تريد ان تجيب اجب باجابه شافيه داخل السؤال ولا ترفق اى رابط ليس له معنى

[satytree]

أستاد ابراهيم
أولا ارفقت صور القمر الهسباسات والتركيبة وصور القنوات لاستاد احمد جمال فى الاسكندرية لانها لاتختلف كثيرا عن الصعيد
ثانيا صور الموجودة فى الصفحة المرسلة أثراء للصفحة وللعضو لتجربة تركيبات جديدة وتعريفة بها
ثالثا الروابط المواضيع المرسلة لثلاث موضوعات خاصة بالتعديل القطع ولابد من قراءة
الثلاثة مواضيع لفهم أكبر لمراحل عملية التعديل
رابعا سؤال عن أسترا 19 لمعرفة كل تغطية القمر والاستقبال لكل مكان بالتفصيل لان توجد معلومات مبهمة من أصحاب المواضيع عن الاستقبال أسترا 19 والتعديل بالتفصيل
وفى النهاية ألف شكر لك أستاد إبراهيم وأعضاء مصراوى على صراحتكم التامة ولكم وافر التحية

[فني تركيبات]

شكرا لتفهمك الموضوع
وارجو فى المرات المقبله التأنى فى قراءه المشكله قبل الاجابه
وارجو منك عدم ارفاق صور كبيره الحجم حتى لا تشوه منظر الصفحه
كما ارجو ان تكون اجابتك واضحه للعضو السائل
بمعنى ان سئل عضو عن استقبال قمر فى بلد معينه
هنا لابد وان تكون اجابتك لهذه البلد وليس بلد اخرى
مغلق لانتهاء الغرض منه