ممكن الحل في تشغيل شاشاه ال جي علي كونفرت dvi

[حسين عامر]

كيفيه تشغيل ريسيفر تايجر full hd z300 محول الي hd اي ستار9000 وذللك عن طريق جاك تحويل dvi من وصله اتش دي من الريسيفر الي الشاشه ونوع الشاشه ال جي وحاولت اشغلها ماعرفتش فما هو الحل ارجوكم لانه عندي اتنين ريسيفر وعايز اشغل واحد علي الكونفرت الخاص بالاتش دي والاحر انا جايب ليه جهاز يحولي شاشه الكمبيوتر الي تليفزيون عن طريق تي في بوكس

[طمطم123]

هتوصل ال dvi في الشاشة

وتوصل كابل ال HD من الرسيفر الى ال dvi

بس غير اعدادات الصورة ف الرسيفر الى 1080P 60

[حسين عامر]

استاذي الفاضل اولا شكرا علي مجهود حضرتك وتعب حضرتك معانا بس مانفعش فما هو الحل اسم الشاشه FLATRON L1942P وهي 19 بوصه

[camryh]

انا عندى نفس المشكلة
من الاخر انا جربت رسيفر تانى واشتغلت سترونج 4930
وخلى بالك ال dvi لاينقل الصوت

[كرم السعيد]

غير اعدادات الصورة ف الرسيفر الى 720P

[حسين عامر]

عملت حضرتك مافيش برضو امل واسف للازعاج والاطاله علي حضراتكم

[PRO WAEL]

بص يا باشا من الاخر علشان متوجعش دماغك ... بعد طول بحث ومحاولات عديدة أولا جرب الرسيفر مع الشاعه مع تجريب كافه اعدادات البيكسل عندك فى الرسيفر مع ان الارجح ان الشاشات بتشتغل على اعدادات 720P / 50 لو اشتغل خير وبركة ،، ولو مشتغلش انسا الرسيفر ده لان بعد بحثى وتعبى وعملت مواضيع كتيره على المنتديات أكتشفت ان المشكله كلها من نوع الرسيفر نفسه بعد تجريبى لاكتر من 6 رسيفر hd بنفس لكوفيرته بتاعتك دى منها انواع اشتغلت زى ترومان 999 hd وزى الجوكر v1 عبد العال ،،، ومنها انواع لم تعمل تماما وكانت بتجيب صورة متجزاة زى h3 + ,H5 عبد العال ،، وعرفت بعد البحث ان فيه رسيفرات بتبث صورة قويه بتبرجل الشاشه لانها فى الاساس غير مصممه تشتغل تليفزيون وفيه منها بثها ضعيف شويه الشاشة بتقبله ومعظمها من الاصدارات القديمه . جرب غيره لو مشتغلش والكلام ده من الاخر .

[حسين عامر]

شكرا جزيلا لحضرتك ولمجهود حضراتكم جميعا وساقوم بتجربه ريسيفر اخر ومشكوررررر جدا مره اخري لحضراتكم

[camryh]

ممكن تقولنا الاجهزة اللى جربتها واشتغات معاك
وعملت ايه فى الصوت
شكرا pro wael

[PRO WAEL]

اللى اشتغل معايا ٣ رسيفرات هما ،، من اجهزة عبد العال ،، كيوماكس الجوكر v1 وكيوماكس h4 العادى وليس البلاس وترومان hd 999 وظبطت البيكسل بتاع الرسيفر على 720 p / 50 اشتغلوا ممتاز جدا وصورة رائعة ،،، واللى مشتغلوش h5 عبد العال وh3 + عبد العال ايضا و h4 + عبد العال ،،لم يعملوا مع جميع المحاولات الممكنه .

[PRO WAEL]

وبالنسبه للصوت سهل جدا فيه وصله اسمها الدارج وصله اسمها الدارج فى السوق وصلة صوت ٢*١ اتنين فى واحد هتلاقيها من ناحيه ليها طرف نتايه هتدخل فيه سلك الصاب اللى انت موصله بكيسه الكمبيوتر والطرف التانى بتاع الوصله هتلاقيه عباره عن طرفين واحد احمر والتانى ابيض هتوصلهم بمخرخ الاوديو فى الرسيفر كل لون فى لونه هتلاقى صوت الصاب مطلع صوت رائع جدا والوصله تقريبا اسمها rc سعرها ٥ جنيه عند بتوع الكمبيوتر والسماعات منتسرة جدا ومعروفه . وبكدة بقى عندك صورة دجيتال hd وصوت نقى جدا وجميل وبالتوفيق

[PRO WAEL]

وادى صورة وصلة الصوت واسمها rca وصورة الكونفيرت المستخدم كمان ،،، وبالتوفيق للجميع وتحت أمركم فى اى استفسار .
patch_lov-patch_lov-patch_lov-patch_lov-patch_lov-patch_lov-

[PRO WAEL]

ملحوظة الوصلة الموضحة بالصورة والخاصة بالصوت المفروض الطرف الاول بتاعها يبقى نتايه مش دكر ذى اللى فى الصورة لان الصورة من على النت .

[محمد جمال الدين]

استرونج 4930 HD شغال زى الفل على الكونفرته

[PRO WAEL]

استرونج 4930 HD شغال زى الفل على الكونفرته

تمام ،، زى مقلنا فيه اجهزه بتقبل واجهزة لأ وعليكم التجربه بين انواع مختلفه من الرسيفرات .

[camryh]

الف شكر يا wael
انا عندى الوصلة دى بس جبتها ب 10
انا عايز اعرف هل بيبقى فى صوت وانت موصل الشاشة على ال dvi
من تجربتى ال سترونج 4930 بيشغل الوصلة دى بس مافيش صوت
ولو قدرت تعرف ال h6 بيشغل ال dvi و av فى نفس الوقت
يبقى كتر خيرك
شكرا

[PRO WAEL]

بإذن الله لما يقع فى ايدى H6 هجربه واقولك انا اصلا عاوز اجربه والله بقلى فترة . وبالنسبة للصوت لازم الرسيفر يخرج صوت 100% مفيش حاجه اسمها ميخرجش صوت اى رسيفر بيخرج صوت من مخارج الصوت الابيض والاحمر وبيتوصلوا مع الصاب مباشر عن طريق الوصله ... ايه اللى هيمنع الصوت ؟؟ حتى الرسيفرات اللى مبتخرجش صورة مع الشاشات القنوات بتاعتها بتشتغل صوت بس باستخدام هذه الوصله .. راجع توصيلاتك ربما تكون الوصله تالفه .

[camryh]

شكرا مقدما
انا اقصد انى اشغل شاشتين على الرسيفر فى نفس الوقت واحدة على HDMI والتانية AV