المساعد الشخصي الرقمي

مشاهدة النسخة كاملة : ممكن المساعده اشتريت 3 اجهزة بين سبورة وعاوز اشغلهم دش مركزي ممكن المساعده

الصفحات : 1 [2]
ehab_moon9
2015/11/30, 03:02 AM
جبتهم بكام جهاز

كلمنى واشغلهملك واظبطلك الدنيا

ياهو رساله ******************
™Mr.Mahmoud™
2015/11/30, 06:15 PM
كلمنى واشغلهملك واظبطلك الدنيا

ياهو رساله ******************


ممنوع كتابة ايميلات او اي وسائل اتصال ياغالي
titosat
2015/12/03, 03:18 AM
تحيات للجميع ..بالاخص الاستاز محمود..شرح متقن ورائع اخى الكريم
وبتفق اوى معه ان طول السلك الخارج من المديوليتر..يقوم على تنعيم الصوره ..لكن بختلف معاه ان التجميع لازم يكون على. تاب فقد .او. اسبليتر . مش اى حاجه تانيه علشان ده برده بينعم الصوره وله فايده تانيه اكبر انو لو لا قدر الله رجعت كهرباء فى السلك نتيجه تلامس اسلاك الدش مع الكهرباء وده وارررررررد جداااااا الاسبليتر او الفقد بيكون درع حمايه للشبكه ...
طارق الجميل
2015/12/04, 10:47 PM
متابعه ممتازه لتركيبة الدش ولا اروع والله تسلم ياغالى
شرح وافى وبسيط وبالتوفيق ولكن انا كنت بشوف اتنين بيكفى
عماداكس بى
2015/12/06, 11:21 PM
اخي الحبيب اولا في طريقة
للتشغيل بنسميها الطريقة البلدي
وهيا انت هتجيب جهاو الكاد كبير اسباني
لونه ابيض المسمه بتاعه الكاد 512
ده فيه 6 مداخل 3 لل rf ودول المطلوبين

الجهاز ده وظيفته انك بتاخد من كل جهاز بي ان سبورت
سلك الى الجهاز وبيدمجهم مع بعض
وفيه مدخل اوت ده خارج للشارع
ومدخل تيست لتستخدمة انت

نأتي لمرحلة اخراج القنوات الى المشتركين
هتحتاج الى 3 اجهزة تحويل من اديو فيديو الى rf
ثمن الجهاز الان 285 ج
الجهاز ده موجود منه اشكال كثيرة ولكن مع الشغل والتجربه
افضل جهاز اسمه fte ده هتجيبه من باب اللوق
في محل اسمه سنتر الفلكي هوا متخصص لذالك
بعد ما تجيب الاجهزة هتعمل لكل جهاز بي ان وصلة سلك
10 متر وياريتك تجيب السلك الي هتمد به الشبكة من المحل ده
وتجيب سلك ابيض اسباني ممتاز جدا

نحن الان مذلنا في مرحلة اخراج الصورة او دمج الاجهزة
هتعمل لكل جهاز كما ذكرة وصلة سلك 10 متر
من جهاز محول الاديو فيديو الى rf الى الجهاز الكبير
ال 512 وتركبه في فتحت ال rf واتفقنا ان عندك في الجهاز 3 مداخل
rf بعد الانتهاء من اخذ 3 وصلات سلك بطول 10 متر الى
الجهاز الكبير ال 512 نأتي لمرحلة الباند
هتوصل الاول وصله من مدخل التيست الى التلفزيون
عشان تعمل بحث طيب ما هوا البند ده ؟؟
الباند هوا رقم قناة ال rf ده في جهاز محول الاديو فيديو
هتقلب الجهاز هتلاقي فتحه وبها زراير وعليها ارقام
هتيجي مثلا على جهاز بي ان رقم 1
هتخلي الباند في جهاز المحول 25
وثاني جهاز محول 27 وثالث جهاز 29
يارب يكون الشرح ده سهل عليك بس
بعد ضبط الباند نوصل اجهزة ال بي ان سبورت
بجهاز المحول بجاك بتاع الريسفر صاحب ال 3 الوان
اصفر احمر ابيض بعد كدا نوصل الاجهزة كلها بالكهرباء
وننتظر حتى اجهزة ال بي ان تعمل تفتح يعني
بعد كدا نعمل بحث اختباري على التلفزيون لديك
البحث على القنوات ونراقب ونشوف على نظام
ال uhf نشوف القنوات صورتها عامله ايه
وبتيجي في البحث وراء بعضها ولا لا
لو كله تمام صورة والقنوات بتيجي وراء بعضها كدا
نأتي لمرحلة بث القنوات الى المشتركين
هنا بقى التوصيل حسب المكان عندك
بس عشان توصل صورة ممتازة للمشتركين
هتستخدم مكبرات من نوع الكاد اسباني
في مكبرات بمدخل 2 في 1 ومكبرات 4 في 1
عند مد الشبكة في الشارع هتأخذ تلفزيون 14 بوصه
وتبدء في مد السلوك بتعتك وكل مثلا 60 او 80 متر هتركب مكبر
في ناس بتركب مكبرات كل 100 متر بس كل 80 متر افضل
عشان لو ربنا كرمك وبقى عندك عدد مشتركين كبير
تفضل شبكتك ممتازة شوف انت بقى وراحتك في تركيب المكبرات
عند كل مكبر هتعمل اختبار للصورة لو تمام بدون
نمشه او خطوط يبقى كمل مد وهكذا حتى تنتهي من عمل شبكتك

ارجو ان اكون وفقت فيما قدمت لك
وبالتوفيق لك


بارك الله فيك مفيش بعد كده كلام تانى متخصص بجد اشكرك على مساعدة الاعضاء
حمادة الحصرى
2019/01/16, 02:49 AM
الله يبارك فيك اخى الكريم بس كنت عاوز اعرف اقسم السلك الى تلات مخارج للتوزيع
مصطفى أحمد محمد سالم
2020/03/11, 08:54 PM
يا رجال الدش المركزي

انا دلوقت جبت جهازين بين سبورت ووصلت للناس

بس صورة القناة التانيه سيئه ممكن اعرف اي الحل
m_m_mohamed37
2020/03/12, 11:19 PM
الف شكر
SAID0101
2020/03/14, 05:46 PM
يا رجال الدش المركزي

انا دلوقت جبت جهازين بين سبورت ووصلت للناس

بس صورة القناة التانيه سيئه ممكن اعرف اي الحل
انقل القناه من المودليتر الي تردد اخر
يعنى لو علي تردد 23 اعملها 25 وشوف هتتحسن ولا لا
لو زى ماهي غير الوصله 3*3 وجرب
متابع معاك