هانى رمزى لـ"لاعبى الأولمبى":بتاخدوا ملايين وفاشلين وغيركم مش لاقى 400 جنيه

[نور المصطفى]

هاجم هانى رمزى المدير الفنى لفريق إنبى، لاعبو المنتخب الأولمبى بعد توديع البطولة الأفريقية، بالخسارة من مالى اليوم بهدف نظيف، سجله محمود حمدى فى مرماه فى الدقيقة 19، من عمر المباراة التى أقيمت فى الجولة الأخيرة بالدور الأول بتصفيات أولمبياد 2016.






http://img.youm7.com/images/NewsPics/large/smal220101113528.jpg

هانى رمزى










وأعرب رمزى خلال تصريحات تليفونية لبرنامج "مع شوبير" عبر شاشة "صدى البلد 2" عن حزنه واستيائه الشديد من الأداء الذى ظهر به الفراعنة الصغار منذ المشاركة فى البطولة، قائلاً: "حزين جداً جداً، كان نفسى أشوف مصر فى البرازيل، بس مش مشكلة أنك تخرج من البطولة، بس مش بهذا الأداء المهين، وغياب الإرادة والطموح، وكل لاعب من دول يقعد مع ناديه يطلب 2 و3 ملايين، وعندنا مليون شاب مثله عاطل، وناس بتشتغل 8 ساعات وبتاخد 400 جنيه فى الشهر".

أضاف رمزى: "الناس دى مش مقدرة النعمة، ربنا كرمك بموهبة وشهرة ونادى، طيب الساعة ونصف حارب فيها علشان اسم بلدك واعمل حاجة لنفسك، وغياب الإرادة والروح هى السبب، واللوم مش عليهم لوحدهم لكن اللوم على المنظومة الرياضية كلها".

[magdy reda]

فى الحقيقه هانى رمزى عنده الف حق فى كلامه ومن زمان جدا اقول هذا الكلام ولكنى دائما ما أجد من يهاجمنى فى جميع المنتديات التى أشارك فيها والحقيقه التى لابد وأن نعترف بيها أنه لا يوجد لدينا لاعيبه رجاله بمعنى الكلمه ولو كان لدينا أحدى عشر فردا مثل حسام وابراهيم حسن فى رجولتهم وحماسهم وغيرتهم على اسم ناديهم وبلدهم لكان لنا شأن أخر فى كرة القدم لكن للآسف لم اشاهد لاعب واحد بمثلهم اللهم لاعب اخر توجد فيه بعض من تلك الصفات انه حسام غالى وفى كل الانديه جميعا لايوجد لدينا لاعب بمعنى الكلمه ولكننا دائما وستبقى تلك اراء جميع من يهتم بالكره سواء ناقد او من الجماهير او من الاعلاميين انه لدينا لاعيبه عظيمه ويستحقوا ان يلعبوا فى الخارج لكن للاسف لايوجد لدينا تلك النوعيه من اللاعيبه مهما قلنا عن مهاراته المحليه والامثله كثيره عن من لم يفلح فى اللعب فى الخارج ورجع يجر الخيبه والحسره ونقوم نحن بتكبيره مرة اخرى وهو لايستحق اللهم واحد او اثنان او ثلاثه لا اكثر نحن محتاجين ياساده رجاله بمعنى الكلمه قبل ان يكون لاعب رجاله تعشق تراب بلدها وتهين نفسها فى الملعب من اجل اسم بلدها فهل سنرى فى يوم من الايام قبل ان يتوفانا الله ذلك اللاعب

[احمد سمير]

منتخب فاشل بكل المقاييس
ومن المفروض لو فيه حكومه صح في البلد
تطلب كل من اللاعبين اللي شاركوا في البطوله
وتقدمهم للمحاكمة العادله
مش ناس غلابه تندين للبنوك بجنيهات أو بعشرات الجنيهات
ويتحكم عليهم بالسجن في نظير تأخيرهم في السداد
وشوية عيال معندهمش وعي ولا إنتماء لعلم بلدهم
بياخدوا ملايين عيني عينك ويتسببوا في مرمطة إسم بلدهم في الوحل
ولايحاسبوا لا لا وألف لا
من المفروض تقديم حسام البدري للمحاكمه
مدرب فاشل ومتخاذل
الله يلعنه ويلعن كل من كان السبب فيه
-------

[السنيورشريف]

العيب مش فى اللعيبه هم منتخب جامد واقوى من منتخب هانى رمزى 2012 حسام البدرى سيئ جدا فى اداره المباريات واختيار التشكيل بالله عليكم جول زى محمود حمدى حارس المقاصه كلنا شوفناه فى ماتش الاهلى بيلعب عليه ايفونا و انطوى وعماد متعب وعمروجمال ووليد سليمان وغيرهم من نجوم الاهلى وكان نجم اللقاء الاول وفى كل المباريات كده يركنه ويلعب مسعد الحارس الثالث يعنى بالبلدى بيلم الكره لاكرامى وعبدالمنعم بعث ادارى المنتخب لمعاينه الملاعب فى السنغال وعارف انه هيلعب على نجيل صناعى وميلعبش اى مباراه اعداديه على ملعب نجيل صناعى هوده اخره الغرور