ماذا تنتظروا من جيل السيلفى والمهرجانات ؟.

[السيدعبدالعزيز]

بالامس القريب كان المنتخب المصري عبارة عن مجموعة رجال بمعني الكلمة
اخلاق داخل الملعب وخارجها
رجولة في الاداء وحب لفانلة منتخب مصر
مفيش لاعب يصبغ شعره ولا كل اسبوع يعمل نيولوك
ولا فيه سهر ومصاحبة بنات عمال علي بطال
دلوقتي بقي
مفيش تحمل مسئولية
لعيبة كل اهتمامتها تنحصر في السيلفي-اغاني المهرجانات-افلام هابطة-سهر-مصاحبة بنات
خسران كسبان مش فارقة
مفيش روح
انتماء ضعيف ان لم يكن غير موجود اصلا
مغلوبين ومفيش اي حماس للتعويض
كورة تطلع اوت ميروحش يجري علشان يجيبها لا يستني بتاع الكور يجيبهاله حتي لو قعد دقيقة
اعصابهم في تلاجة لان مش فارقة معاهم اصلا دا غير ان نفوسهم مش صافية

جيل جبان بيخاف ولا يتحمل المسئولية في الملعب وخارجه وبالتالي لا يلتزم بتكتيك داخل الملعب
وللاسف الكلام دا في الاجيال الي طالعة كمان وكل جيل اسوأ من الي قبله
اجيال تربت علي افلام هابطة واغاني مهرجانات طبيعي تنتج هذا الانتاج الرديء جدا في كل شيء واصبحوا عالة بعد ما كانوا رجالة
اتذكر تصفيات منتخب الشباب بتاع 95 والناشئين 97 كانوا خسرانين ومش عايزين يجروا يجيبوا الكورة لما تطلع اوت ونص الشوط التاني ضاع من الحاجات دي وهما ولا في دماغهم

الجيل السابق كان منتخب الساجدين
والجيل الحالي هو جيل السيلفي
فلا تنتظروا خيرا من هذا الجيل ولا الي بعده ولا الي بعده الا لو حصل معجزة
وربنا يكون في عون القليل من اللعيبة الرجالة في هذا الجيل

[josian]

كلام صح جدا

[weka bob]

فلا تنتظروا خيرا من هذا الجيل ولا الي بعده ولا الي بعده

[السنيورشريف]

كلام منطقى وحقيقه محزنه

[رزق صبحى]

العيب مش منهم العيب فى الى اختار وضم وفشل؟؟؟؟؟؟

[احمد سمير]

ساقطون
هذا أقل مايقال على جيل اللاعبين
حــــــــــــاليا
فهم أقل من مستوي العربجيه
بالنسبه للأخلاق
ولاتنخدعوا لمنظرهم في الملعب
لا لا لا هم عكس ذلك نهائيا
-----------

[المهــندس عمــرو]

حاجه تحزن بجد