موضوع هام جداجداجدا عن ردائة مستلزمات ألستلايت عندنافى مصر

[جوهركامل]

تم ياجوهر

ألف شكرأستاذنا
وأشكرحضرتك بالمشاركه رقم(7)
وده بيدل على متابعتك وأهتمامك للجميع
وأن شاءألله يارب2016
خيرعلى كل ألمصريين

[bakrone61]

نتمنى الافضل فى كل شىء مش الدش فقط
الصين هرتنا مقلد

[حمادة حسين]

اللى بيقول الصين هرتنا مقليد انا شايف ان المشكله ليست فى الصين انما المشكله فى المستورد المصرى اللى عاوز منتج بمصفات عاليه جدا وبسعر رخيص وهما بيعمللوه اللى هو عاوزه وبيعملو نفس المنتج ولكن بموصفات عاليه فعلا للاروبا والدول الرقيه اللى بتدفع اكتر يعنى الصين بتعمل النظيف قوى والردء قوى على حسب الزبون
واحنا بصراحة كما قال الاخوة ظروفنا الماديه هى الللى عامله فينا كده بدليل ان اغلب دول الخليج فيه قطع ممتازة وومميزة جدا واطباق كبيره واحنا عندنا اردء حاجة
انا عن نفسى واحد جايبلى قطع مستعمله من السعودية من واحد مخرج الى 8 مخرج اغلبه استار جولد وتكيوسات كله كورى وحاجة جميله جدا مع انه مستعمله ولكن اشارته روعه للطباق الثابته ومفيش مخرج من ال2 او ال4 يعيب ويفصل زى القطع اللى هنا غير ان اشارته افضل لان البلاد دى عنده فلوس وكمان فى موصفات معينه لازم النتج اللى بيدخل يكون مطبق ليه اما هنا فى مصر حديث ولا حرج
وفى الاخر اللى غاوى فعلا بيصرف من جابه على الحاجة اللى غاوية اما اغلب الناس ليسو غاوين هذا المجال علشان كده التجار مع الاغلبيه مش مع الاقليه اللى غاوية
احنا فى محافظتنامثلا تلف على كل محلات الدش مش هتلاقى اطباق اكبر من 120 ومش هتلاقى موتير للدش او قطع من القديمه للمتحرك اللهم لو حد عنده حاجة قديمه فى الخزن واظن ده فى مصر كله
ربنا يصلح الاحوال فى مصر فى كل شياء ويتغير حالنا لاحسن حال وننتج احنا بضاعتنا بنفسنا منستوردهاش

[طلعت محمد]

الموضوع كله راجع الى الحاله الاقتصاديه للغالبيه العظمى للشعب المصرى وبالتالى الاتجاه الى المنتج الرخيص الاقل جوده

[اسماعيل عمر]

والله كلنا نعانى من المنتجات الرديئة وعلى رأى المثل(( الرخيــص مغيـص ))
بداية من الرسيفر السلك والقطع والاطباق اللى مكتوب عليها 70 سم وهى فى الأصل 60 سم والسلك اللى فى داخلة 3 شعرات حاجه تحير
وخصوصاً القطع الاتنين مخرج دى مصيبه لوحدها زى ماحضرتك ذكرت فى الموضوع
وانا شخصيا عانيت منها فترة طويله مع الزباين
بس الحمد لله اتوصلت لنوع معملش معايا ولا مشكلة من سنتين

[فني تركيبات]

بس الحمد لله اتوصلت لنوع معملش معايا ولا مشكلة من سنتين

ليست كل القطع بتعمل تعارض
المشكله ايضا لو كان الجهازين من نوع واحد بيحصل تعارض

[samehzein]

المفروض بالفعل زي اي مجال يكون لك الاختيار في الشرا تشتري ب100 او ب 1000 انما الواقع وجود المنتج الردئ فقط
تاني حاجه لو لقيت المنتجات الجيده مش بتلاقي فني كويس في المتحرك
ودي مشكله انا باعاني منها لاني مش لاقي فني محترف
حاجه تانيه كل العمارات الجديده نتيجه للجشع مش بيسيب السطح فاضي بيستغل السطح ويقول انا عامل دش مركزي مش بيديك الاختيار برضه دي بيقلل فرص تركيب الاطباق والصيانه
في الغالب انت ملكش اختيار في اي حاجه

[ياسرحافظ]

جشع اصحاب المحلات كل واحد بيبيع بسعر السونسور بتاع الموتور ب 10 جنيه ده كان ب 3 جنيه

[hazzuma]

خصوصاً القطع الاتنين مخرج دى مصيبه لوحدها زى ماحضرتك ذكرت فى الموضوع
بس الحمد لله اتوصلت لنوع معملش معايا ولا مشكلة من سنتين
طب ماتلحئنا بيه ياغالى،وللا هو سر يا كبير،،،وهل شغال بيها لواحدها وللا على دايزك؟شكرا لحضرتك

[mostafa romay]

أنا معاك أستاذ عمر
المشكله هى الزبون وليس التاجر
فى أول ظهور الدش كان الطبق باركليبس الأمريكى ب 2000 جنيه لما كان الدولار أقل من 90 قرش وكان الإف كونكتور ب 5 جنيه ومتر السلك بجنيه وريال
وأذكر إنى إشتريت العدسه ذات الباندين" الوايد" ب 500 جنيه ولكن زبون زمان كان غير زبون اليوم
دلوقت ممكن تشترى عدسه برفكس لبنى ذات الجوده العاليه ب 15 جنيه وانا اشتريتها جمله من ابو العزم من فتره ب 13 جنيه يعنى أقل من دولارين
والحل بالنسبه للأستاذ جوهر أن يختار من السوق الأصناف الجيده فهى موجوده وهو يستطيع كفنى له تجربه وخبره أن يختار
ولا أستطيع أن ألوم التاجر لترويجه البضاعه الرخيصه فلو استورد بضاعه جيده ماركه معروفه لن يشتريها أحد وسيخسر الرجل فلوسه
ولا نستطيع كهواه نصرف من جيبنا على الصنعه أن نجبر التاجر للإنصياع لآراءنا فهو يستورد البضاعه الرائجه وليس بالضروره الجيده
لكن لو احنا إخترنا من بين هذه البضاعه سنجبره علي عدم استيراد البضاعه الرديئه



اتفق معك تماما ونظرا لضيق الحال والظروف السيئة لغالبية الشعب اصبح يقضى معظم يومه سعيا وراء لقمة العيش ( ااكل عيالى واتعالج واودى دروس ومصاريف البيت ولا اروح اشترى ريسيفر وطبق و...الخ

[usama hassan]

العيب فى المستوردين المصريين

[sbah97]

يا جماعه كلامكم محترم جدا ولاكن هقلكم عى التجربه فى الصعيد الواحد عاوز رسيفر شرينج كويس جدا وعاوز تركيبه كويسه كله ده ب300 او 400 جنيه وانتا كفنى يراضيك ب20 جنيه اما الطبق 240 العند الجيران التكلم عليه الاخ صاحب الموضوع اتقدملو بقلب تقيل يا اما تبعتلو خاطبه

[احمد انور خضر]

مستوي معيشة محترم + تعليم محترم
=ثقافة عامة عالية لدي الناس ومن ضمنهم التجار
وبالتالي مفيش حد هيعرف يضحك علي حد
هتلاقي وقتها من الابرة الي الصاروخ ...واختار حضرتك اللي نفسك فيه
وهتجيبه بالسعر المعقول دون مغالاه او جشع
..........
في فرق كبير جدا بين اي محل خارج مصر او في الدول الغنية
وطاقم العمل اللي بيموت نفسه علشان يوصل للافضل لارضاء الزبون
والحصول علي اكبر قدر من الاموال لديه
وبين اي محل في مصر بيفتح ومبدأه الزبون هيجيغصب عنه
لاني عندي ارخص سعر في السوق
.............
شكرا للاستاذ جوهر طرحه الموضوع للنقاش
...............
ولكن في بلد تحتضر في كل شئ .....لابد من مصارحة النفس بالحقيقة المرة
جوده تعليم 143 عالميا من اصل 144
ديون تساوي تريلون ونصف التريليون
رقم واحد في فيرس c...ده غير السرطان
ربنا يعافينا جميعا
الرفاهية لم تخلق لمثلنا بل لمن امنوا بان العلم هو مفتاح الحياة

[بودى الرايق]

علينا ان نحيا ولا ان نوجد

[جوهركامل]

حبيبى ألغالى وعملاق ألقاهره و ألوطن ألعربى(ألأستاذأحمدأنورخضر)
أسعدنى مشاركةحضرتك وألله

يمكن وأنابعمل ألموضوع ده من حوالى6أو7شهور
كان نفسى ترجع ألأيام ألحلوه
كان فى مصروحضرتك عارف
جميع مستلزمات ألدش ممتازه(وألسعرمعقول)
بكلمك أيام ظهورألعدسه ألفوجى وألكاليفورنياوألأريون وألترومان2مخرج
أيام ألدايزك ألتلفازأبوعلبه حمراء ودايزك ألترومان ألمغلف
أيام ريسيفرألأستراألقديم بجميع أنواعه وريسفرات ألأريون ألقديمه وألترومان ألقديم
أيام ألمتحرك من ألهسباسات للتركى42
أيام ألسيستيم ألمحترم أللى كان بيعمل من800 ل1000جنيه
ألمشكله أستاذأحمد
أليومين دول أحنافى عصرألغلاء(وألصناعه ألرديئه)
فاكريين نفسهم فى ألفتره
أللى كان فيها أجهزةألهيوماكس وألبينجاميين وألأنتيجرا
وألسيستيم أبو3000 و5000جنيه
(ولكن هناك فرق بين كل فتره زمنيه وآخرى)
مش عايزأثقل على حضرتك بالكلام
أناسألت واحدأكبرمنى بقوله مصرمالها وفين ألبركه
قالى كلمه واحده (أحنابعادعن ربنا)
حبيبى أستاذأحمدأنادايماأقول رغم غيابك شويه لكن مشاركاتك(أيجابيه وتحترم)
لك منى كل ود وحب وأحترام

[mahemd abo adm]

اللى بيقول الصين هرتنا مقليد انا
احنا فى محافظتنامثلا تلف على كل محلات الدش مش هتلاقى اطباق اكبر من 120 ومش هتلاقى

فكرتنى بمحل عندنا روحت عشان اسألة عن طبق بريفكس 1.80
اتنين واقفين فى المحل خدوة ركن وقعدوة يودودوة فى ودن بعض
معرفش كانوة بيقولوة اية علية
وبعدين جالى واحد منهم يسألنى انتا هتعمل بية اية بالضبط
فمعرفش هى اتحظرت

[اسلام القصاص]

بالجماعة أنا واحد مرتبه 1200جنيه وعاوز اتفرج علي المباريات والدوريات الاوربيه هتقول أمريكي وأوروبي مله الصيني ريسيفر شئونه ب 300جنيه وده غالي كمان ونتفرج وخلاص ومعايا اكثر من 300 موظف في الشغل كله صيني علي صيني هنعمل آيه يعني بقول 1200جنية والحمد لله رب العالمينa213--a213--a213--

[ابراهيم الاهلاوى]

فعلا هو عامة كل مستلزمات الدش رديئة في مصر حتي الرسيفرات رديئة .. كل شئ ردئ حتي معظم الفنين للاسف اخرهم النايل سات .. صناعة الدش عامة في مصر باايظة من اكبر حاجة لاقل حاااجة ... للاسف الناس في مصر همها تتفرج و بس مبتفكرش في حاجة نضيفة و الجودة و الخامة ..

[الكينج علي]

اذا اردت ان تتكلم عن استيراد بضاعه من الدرجه الاولى
لاتخاطب المستورد او التاجر
بل عليك انت وغيرك الا تشترى من هذه البضاعه السيئه
وتبدء بنفسك استوردها من اى بلد عربى او خليجى او من دول اوربا
هنا سوف تصبح المنتجات الرديئه مكدسه فى المخازن ولا تباع
وهنا سوف يعرف المستورد والتاجر ان المشترى بدء يجرى وراء البضاعه الممتازه
والمستورد سوف يعيد حساباته قبل استيراد بضاعته الفاشله
واخيرا تحياتى لك استاذ جوهر

[جوهركامل]

تحياتى حبيبى الكينج علي
منورألمنتدى أخى الكريم