استفسار عن الطبق المتحرك

[tmtm11]

السلام عليكم انا بس عندى كام استفسار :
1- انا عندى طبق وفيه موتور من سنة 99 قطره متر و 50 سم بس انا مكنتش مشغل الموتور ولا عامل الطبق متحرك كنت مثبته كان شغال على النايل سات وبس انا حابب اليومين دول اجيبله محرك وسيلك هل ينفع ولا المسامير صدت نظرا لطول فترة السنين(من سنة 99 حوالى 16 سنة )
2- هل الطبق المتحرك لو ركبته بيجيب اقمار الشرق والغرب يعنى مثلا حيجيبلى الهوت بيرد والهيسباسات والافغانى والاذرى والهولندى ويوتلسات 16 واسترا الخ......... حيجيبلى كل الاقمار يعنى ولا لاء
3- طيب لو جاب الاقمار دول حيجيبها بكفائة كلها ولا اقمار كويسة واقمار لاء ؟
4- طيب الطبق عندى فوق فيه حواليه اطباق تانية كبيرة برضه ممكن ده يعمل تشويش على الاشارة لما يجى يتحرك يمين وشمال ولا لاء؟
5- سؤال اخير ايه هيا الاقمار اللى ممكن يجيبها الطبق اللى عندى ممكن حد يتكرم ويذكرهالى كلها

[tmtm11]

فين الردود يا رجالة

[mandooo]

ينفع ياااااااغالي تجيب ماتور وتركبه قبل اما تركب تشوف حاله الطبق
كويسه ولا فيه فتل وبعدين تجرب الصماويل في الفك لو فكت خير وبركه
ابدأ في الشغل لو مفكتش تتطيرهم بالصاروخ وتجيب بدلهم

[mandooo]

لأ متقلقش مافيش تشويش ولا حاجه اهم حاجه ميبقاش قدام الطبق ابراج محمول

[tmtm11]

شكرا على اهتمامك يا ماندو بس يعنى ايه (فتل ؟) وبخصوص ابراج المحمول فيه برج محمول على عمارة جنبى بس المسافة حوالى 70-80 متر

[فني تركيبات]

شكرا على اهتمامك يا ماندو بس يعنى ايه (فتل ؟) وبخصوص ابراج المحمول فيه برج محمول على عمارة جنبى بس المسافة حوالى 70-80 متر

كل الشكر للاستاذ ماندو للمساعده
وبالنسبه لاستفساراتك اخى الكريم
كما اوضح الاستاذ ماندو لابد من التشييك على جميع مسامير الطبق
لانها اكيد بها صدء يجب عليك اولا فك المسامير او ازالتها وشراء جديد
بالنسبه للطبق يمكنك استعماله متحرك وسوف تستقبل من اول الهسبا الى 75 شرق
اما بالنسبه لاقمار ثور واسترا 19 سوف تستقبل الترددات القويه المتاحه فقط وهذا لصغر حجم الطبق
بالنسبه لاسترا 28 عينيك لن تراه
سوف تحتاج شراء ماتور + وحده تحريك الماتور
ماتور جديد = 125
وحده تحريك = 115

اما لو استعمال
ماتور = 40 الى 50
وحده تحريك = 50

[tmtm11]

شكرا لاهتمامك استاذ ابو افنان بس تسمحلى اسئلك عشان انا مستجد شوية فى موضوع الاقمار يعنى حضرتك بتقول ان انا ممكن استقبل من اول الهسبا الى 75 شرق يعنى كام قمر واساميهم ايه عشان انا معرفش الاقمار المحصورة مابين الهسبا وال 75 شرق وهل حيبقى من ضمنهم الاذرى والافغانى ودهوك
* حضرتك بتقوللى هات ماتور جديد انا اصلا عندى ماتور زى ماشرحت فى موضوعى وراكب من زمان بس عمرى ماشغلته هل هو كده باظ فانا مضطر اجيب واحد جديد ارجو التوضيح ؟

[tmtm11]

ماتنسونيش يا جماعة لو سمحتم

[فني تركيبات]

شكرا لاهتمامك استاذ ابو افنان بس تسمحلى اسئلك عشان انا مستجد شوية فى موضوع الاقمار يعنى حضرتك بتقول ان انا ممكن استقبل من اول الهسبا الى 75 شرق يعنى كام قمر واساميهم ايه عشان انا معرفش الاقمار المحصورة مابين الهسبا وال 75 شرق وهل حيبقى من ضمنهم الاذرى والافغانى ودهوك
* حضرتك بتقوللى هات ماتور جديد انا اصلا عندى ماتور زى ماشرحت فى موضوعى وراكب من زمان بس عمرى ماشغلته هل هو كده باظ فانا مضطر اجيب واحد جديد ارجو التوضيح ؟

بالنسبه لعدد الاقمار التى سوف تستقبلها
حوالى 25 الى 30 قمر زمن بينهم الاذرى والافغانى ودهوك
وبالنسبه للماتور اعتقد لن يعمل بعد كل هذه السنين

[tmtm11]

شكرا اخى ابو الافنان

[mandooo]

كل الشكر للاستاذ ماندو للمساعده
وبالنسبه لاستفساراتك اخى الكريم
كما اوضح الاستاذ ماندو لابد من التشييك على جميع مسامير الطبق
لانها اكيد بها صدء يجب عليك اولا فك المسامير او ازالتها وشراء جديد
بالنسبه للطبق يمكنك استعماله متحرك وسوف تستقبل من اول الهسبا الى 75 شرق
اما بالنسبه لاقمار ثور واسترا 19 سوف تستقبل الترددات القويه المتاحه فقط وهذا لصغر حجم الطبق
بالنسبه لاسترا 28 عينيك لن تراه
سوف تحتاج شراء ماتور + وحده تحريك الماتور
ماتور جديد = 125
وحده تحريك = 115

اما لو استعمال
ماتور = 40 الى 50
وحده تحريك = 50


patch_lov-patch_lov-