محتاج رسيفر hd

[amrdida]

محتاج رسيفرhd حقيقى بصورة رائع وبسيرفر جميل وتيونر جامد السعر من 400 الى 500 وشكرا

[كاجو النجم]

الاسكاى الايرباك / فورتك 999 / ستار وان 5000

[amrdida]

انا محتار بين فورتك999 وستار وان 5000 بس عايز يكون الصوره وتيونر

[كاجو النجم]

الاتنين حلوين يا غالى

[amrdida]

تسلم ياغالى

[كيمو 1980]

الاسكاى الايرباك / فورتك 999 / ستار وان 5000

استاذ كاجو معلش حتعبك
طيب لو عاوز ريسيفر اهم حاجه فيه جودة الصوره تكون رائعه زى ما قال الاخ
ومش مهم بالنسبه لى انه يكون فيه ***** مجانى مش مهم
انا مشترك فى ***** مدفوع وشغال كويس
حضرتك ترشحلى اى ريسيفر بالضبط سواء من اللى حضرتك كتبتهم او من حاجه تانيه عاوز ريسيفر صورته جيده جدا

[كاجو النجم]

استاذ كاجو معلش حتعبك
طيب لو عاوز ريسيفر اهم حاجه فيه جودة الصوره تكون رائعه زى ما قال الاخ
ومش مهم بالنسبه لى انه يكون فيه ***** مجانى مش مهم
انا مشترك فى ***** مدفوع وشغال كويس
حضرتك ترشحلى اى ريسيفر بالضبط سواء من اللى حضرتك كتبتهم او من حاجه تانيه عاوز ريسيفر صورته جيده جدا

لو عاوز رسيفر صورة بقى واداء مالوش حل خليك فى المضمون
واللى هينفعك فى المستقبل

رقم واحد عالميا واللى بندور عليه تحت الارض هوا ( الدريم بوكس ) 800hd se
انتا لو عرفت تخطف حته منه يبقى انتا كدا عديت
اقوى واسرع رسيفر فى الشرق الاوسط وواخد احسن رسيفر فى العالم تقريبا
3 سنين ورا بعض دة سعر الصينى منه وصل 2600 جنيه
ولو مستعمل يبداء من 1200 وانتا طالع لحد 2050
الاصلى موجود فى التوكيل بس حط الضعف علطول فى السعر
الموديل DM800HDse بوت لودر 87 ويكون عليه صورة OpenPLi-4.0

تانى واحد من وجه نظرى المتواضعه هوا الفيو سولو ودة متوفر فى مصر
وسعرة بيتراوح 1700 وانتا وشطارتك مع البائع وفيه الاعلى منه الفيو ديو
بس دة صعب تلاقيه شويه وهيبقى غالى فحت .

انما اخى كان بيسال على رسيفر فى حدود 400/500 وحضراتكم بضورو على صورة وجودة ونقاء الموديلات اللى قولتلك عليها دى هيا التوب
فى كل حاجه اى رسيفر تانى موجود فى مصر يعتبر شعبى ومعظمهم كلهم
شكل واحد فى المنيو يعنى مثال
الايرباك v3 هوا هوا بالظبط الدريك 7500 هوا هوا الاوبن سات 9900
نفس الشكل ونفس الخواص بى اختلاف الاسعار.

لو الانواع اللى فوق غاليه عليك ممكن تجيب الدريك v3 7500 كويس جدا
وسعرة 1100 لى 1150 مش هيقل عن كدا فى الكبير
والمينى 1000 لى 900

والترومان بريمر 1 + دة جامد برضو فى الصورة وسعره تقريبا 750
النوعين دول صورتهم hd عاليه الجودة وموصفات الاجهزة سريعه حلوة
معالج سبارك

[كيمو 1980]

بجد شكرا على الاجابه الوافيه

[كاجو النجم]

بجد شكرا على الاجابه الوافيه

حبيبى انا تحت امرك

وفيه كمان رسيفر نسيت اقولك عليه الترومان توب بوكس دة النسخه المطورة

بتاعته البريمر +1 ورسيفر قوى جدا فى الصورة برضو والاداء لا يعلى عليه

وعلى فكرا انا لا ببيع ولا بشترى انا زى زيك بس عندى هوايه كدا

كل يوم وانا رايح الشغل اعدى على المحلات فى وسط البلد اشوف الجديد

واعرف الاسعار ايه وايه الفروقات والدنيا دى والتوكيلات كلها قدامى

وانا تحت امرك فى اى وقت اخى الغالى

[كيمو 1980]

طيب كمان سؤال بقا لو تعرف
انا عندى كيوماكس h5 وكيوماكس vhd2
الاتنين لما بشغل تردد 12692 بتاع قناة اكشن على الاوروبى الريسيفر بيهنج
مع العلم غيرت القطعه والسلك والديزك
والله غيرتهم وبردو نفس المشكله تعرف تقولى الحل ايه لو تقدر
ومتشكر على تعبك

[كيمو 1980]

انا منتظر رد حضرتك

[كاجو النجم]

الصراحا اللى اعرفه ان التردد دة ضعيف اصلا
دة بتاع الباقه الفرنسيه تقريبا مش كدا
وعشان تستقبله كويس لازم طبق متر دى حاجه
انا مستقبله عندى على طبق 85 برفيكس بس بيقطع برضو
على قناه اكشن بس الرسيفر مش بيهنج بيقطع بقلب منها خلاص يشتغل عادى الرسيفر
انما يهنج تقصد ايه بيهنج بيقف كل حاجه ولازم ترستر مثلا ولا القنوات بتقطع
انا عن نفسى عندى بتقطع على طبق 85 بس جايب الطبق المتر هركبه واشوف هيقطع
برضو ولا لاء
تحياتى لك اخى الغالى

[كيمو 1980]

اولا انا مش عارف اشكرك ازاى على متابعتك
انا عندى الاشاره قويه الطبق بريفكس 160 سم
انا بقصد ان الجهاز بيهنج يقف خالص وميقبلش الريموت لازم اطفيه من الباور واشغله تانى
وياريت تقولى نوع الجهاز بتاع حضرتك ايه علشان اللى عندى مش عيب اشاره

[كيمو 1980]

انا منتظر رد حضرتك معلش مش حتعبك تانى

[كاجو النجم]

والله بوص يا غالى انتا مدام قولت كيوماكس يبقى لخصت الكلام
كوماكس من اسواء الرسيفرات اللى فى السوق مع انه بوص
بيتحول كل حاجه وليه دعم رهيب مش عارف ازاى
بس الهرد وير بتاعه ضعيف خالص بس انا سمعت
ان الناس حولته لتيجر ظبط معاهم الدنيا وحسن من اداء الاجهزة دى
انا كنت فكرت فى لحظه انى اشتريه H6 الجديد قدامى فى كل مكان سعرة
325 جنيه الراجل قالى بدون ضمان يعنى تاخده وماليش دعوة بيك قولت
وعلى ايه خليه مكانه انا اكمل فلوسى وهشترى ان شاء الله
DM800HDse واجيب من الاخر مش كل يوم هغير رسيفر
والرسيفر اللى انا شغال بيه حاليا هوا +astra 9000 slim hd
وعايز اولع فيه النهاردة قبل بكرة مش عشان وحش لاء بالعكس
هوا كويس جدا وسريع وصورة مفيش بعد كدا لاكن ينقصه
الدعم فى المواقع والتحديث مفيش مش قابل اى حاجه
ومفهوش **** رغم ان السوفت موجود بس مقبلوش جاب معايا فلاشه
بس التوكيل بتاعه ناس محترمه جدا فى التعامل ويعملو معاك الصح وزيادة
انا تقريبا كدا التردد دة من الرسيفر نفسه مش من الطبق كدا المشكله عندك

[كيمو 1980]

كده تماااااااام
انت ريحتنى وجبت من الاخر
وحياة ربنا انا مش عارف اشكرك ازاى

[كاجو النجم]

كده تماااااااام
انت ريحتنى وجبت من الاخر
وحياة ربنا انا مش عارف اشكرك ازاى

الشكر لله يا غالى انتا تؤمر

انتا عارف انا هنا فى المكان دة برد دلوقتى على كل المواضيع ليه

عشان عايز اشترى رسيفر جديد ومش لاقى اى منافس للدريم بوكس

لفيت مخلتش مكان فيكى يا وسط البلد وكانت الاجابه واحده

عايز حاجه نضيفه دريم بوكس او فيو بلص بعد كدا

اى رسيفر بعد كدا تبوسه وتحطه جمب الحيط pat::ch_lf

ودى كانت نصايح من اخواتى فى المحلات هما مش خسرانين حاجه

لو عايز تشترى اشترى بس هما بيدلونى ع الصح

[الشناوى]

يعنى اخ كاجو الدريك فيرجن 3 ايه رايك فيه من ناحيه تيونر الاشاره والاداء

[كاجو النجم]

يعنى اخ كاجو الدريك فيرجن 3 ايه رايك فيه من ناحيه تيونر الاشاره والاداء

هوا رسيفر ممتاز جدا
ودى الخواص بتاعته ومميزاته من بيته زى ما بيقولو وبيتكلمو عنه خد عندك

- يعمل بنظام لينكس المفتوح المصدر
- جهاز أستقبال عالي الجودة حيث مشاهدة القنوات فائقة الدقة و القنوات ثلاثية الابعاد
- الجهز يمكنة استقبال القنوات من الانترنت بدون طبق حيث ان الجهاز يعمل بنظام **** اذ يمكن الاستغناء تمام عن تركيب طبق الاستقبال وتوصيله بالانترنت ومشاهدة كافة القنوات العالمية والعربية بوضوح تام .
- يقبل انترنت كابل و ثرى جى و واى فاى ( وايرلس ) .. لان ( LAN ) داخلى
- يعمل مع انترنت 1 ميجا بشكل رائع
- يمكن التسجيل على هارد ديسك خارجي و مشاهدة ما تم تسجيله
- خاصية التايم شيفت التي تمكنك من الرجوع الي الخلف على القناة التي تشاهدها لساعتين الى الخلف و التسجيل من النقطة التى تريدها
- التسجيل من ثلاث قنوات في وقت واحد على نفس الباقة مباشرة الي جهاز الكمبيوتر و التسجيل يكون بصيغة TS و بجودة HD على القنوات العالية الجودة و يعمل بشكل صحيح علي الكمبيوتر - يمكن شبكة بالكمبيوتر لا سلكى عن طريق شبكة الانترنت الداخلية
- تشغيل ملفات الصوت و الصور المتصلة بالرسيفر من خلال منفذ اليو اس بي
- كارت الشبكة مدمج
- يوجد به خاصية dlna و التى تدعم تبادل الملفات و تشغيلها بين الرسيفر و الموبيل و الكمبيوترو غيرهم
- خاصية البحث الاعمى , الرسيفر يقوم بهذه الخاصية بشكل دقيق جدا و لا يفقد أي تردد
- يدعم العديد من اللغات و منها اللغة العربية للنظام و القوائم
- خاصية صورة داخل صورة
- يوجد 3 منافذ يو اس بي( 1 بالامام و 2 بالخلف) تم تجربة هارد 1 تيرا و يعمل بكفاءة عالية جدا و , سريع جدا في التنقل داخل ملفات الهارد و سريع جدا في فتح ملفات الفيديو بمجرد الضغط علي الفيديو يعمل فعلا الرسيفر يتعامل مع الهارد الخارجى بسرعة ملحوظة و نفس الامر بالنسبة للفلاشة
- يقبل تركيب الكيبورد و الماوس و يعملان أيضا مع المتصفح.
- تصفح الانترنت و مواقع التواصل الاجتماعي و اليوتيوب
- تحميل البلاجين و ملفات القنوات و ملفات تلفزيون الانترنت على الرسيفر مباشرة من ***** الشركة و خاصية معرفة أحوال الطقس و خاصية التليفزيون المجاني (FREE TV) و خاصية تلفزيون الانترنت (****)
- الرسيفر يوجد به كامة مدمجة
- الرسيفر مفتوح المصدر حيث يمكنك تحويلة و تطويرة و ادخال العديد من التطويرات المتاحة بكثرة على المنتديات الفضائية و ايضا الرسيفر شبية للدريم بوكس الاصلى و الاير باك فرجن 3 و الستار سات 9900 و الفوريفرو لة اشباه كثيرة من الرسيفرات العالية جدا و التى يمكنك تحويلة اليها

[كاجو النجم]

http://store1.up-00.com/2016-01/145217342310311.jpg

http://store1.up-00.com/2016-01/145217342381012.jpg