استفسار بخصوص سياسة الاستخدام العادل للنت

[الملك زيد]

انا مشترك فى تى داتا خط قديم غير محدود السرعة وبدفع 220 جنيه فى الشهر وفجاءه سرعة النت عندى نزات ل 256 يوم 20 فى الشهر اتصلت بوكيل تى داتا فى السنترال قالى انت استهلكت 300 جيجا وسرعتك نزلت
فكنت عايز اعرف هل الكلام ده صحيح فى الخطوط الغير محدوده ولا الراجل ده مشغلنى على سرعه محدوده ب 150 جنيه وعدد جيجات 150 جيجا وبياخد اشتراك خط غير محدود
فكنت عايز اعرف بس هل الخطوط الغير محدوده فيها سياسة استخدام عادل؟

[eldeepmoh.2009]

اه فى استخدام عادل وكل الشركات فى مصر كده هتلاقى فى الموقع بتاع اى شركة واو فى العقد من تحت كام كلمة كده
(تطبق الشروط والاحكام )

[mettoo]

فعلا يغالى السرعات الغير محدووده السعة بتاعتها 300 جيجا او 330 مش فاكر الصراحة

[الفضائية]

انا مشترك فى تى داتا خط قديم غير محدود السرعة وبدفع 220 جنيه فى الشهر وفجاءه سرعة النت عندى نزات ل 256 يوم 20 فى الشهر اتصلت بوكيل تى داتا فى السنترال قالى انت استهلكت 300 جيجا وسرعتك نزلت
فكنت عايز اعرف هل الكلام ده صحيح فى الخطوط الغير محدوده ولا الراجل ده مشغلنى على سرعه محدوده ب 150 جنيه وعدد جيجات 150 جيجا وبياخد اشتراك خط غير محدود
فكنت عايز اعرف بس هل الخطوط الغير محدوده فيها سياسة استخدام عادل؟
بيضحك عليك ان 2 ميجا غير محدود ومافيش الكلام ده اتصل 19777 واعرف بنفسك نظام اشتراكك وهمه هيعرفوك

[timo1]

اعتقد ان الخط بتاعك اترفع ل 4 ميجا اللى طبعا استخدام عادل 300 جيجا فى الشهر وسعرها 220 فى الشهر ولما خلصت الليمت بتاعك نزلت السرعة بتاعتك

[timo1]

بس على فكرة الخط بينزل ل 512 مش 256

[data2008]

فعلا الغير محدود ليك 300 جيجا شهريا من tedata

[MAGGA2012]

اعتقد انه كلامه غير صحيح لان الخطوط القديمه تحميل غير محدود واتاكد بنفسك من 19777

[waleed81]

كلام غير صحيح بالمرة انا عندي غير محدود وبدفع 220 ومش بتنزل السرعة وباحمل اكثر من كده بكتيرررررررررر
تاكد من 19777

[محمدفايزعلي]

الغير محدود التحميل مفتوح

[نادر زاهر]

الكلام الاكيد ومن شركات النت كل السرعات الغير محدودة ليها حد اقصى فى التحميل وبعد انتهائها تخفض السرعة سياسة الاستخدام العادل شهريا

[مرسليو]

ياجماعه لو انت مشترك في نظام التعديل الوزاري فتاكد انك فعلا سعة التحميل محدود
ولكن لو انت مشترك علي نظام القديم فتاكد انت غير محدود
وده التعديل الجديد

[عبدالسلام شعير]

الخط بينزل ل 512 مش 256

[zendo]

انا 2 ميجا ولا اى حاجة من الكلام ده بيحصل وبنحمل اكتر من كده والسرعة زى ما هى

[asembadran]

انا 2 ميجا ولا اى حاجة من الكلام ده بيحصل وبنحمل اكتر من كده والسرعة زى ما هى

كلامك سليم بس قول انت بتدفع كام

[amir_love2]

اخى الكريم لا يوجد شىء اسمه الغير محدود عندما توصل الى 300 الى 350 يتم التحذير وبعدها يتم تخفيض السرعه الى 256 ولو كررت هذا لمه 3 مرات يتم ايقاف الخط حصل معايه اكثر من مره وده كلام موثوق منه وعلى فكره الشركه بقيت تابعه للمصريه للاتصال يعنى تبع الحكومه ومش هينفع تشكى الواد لابوه

[efs6o]

طيب الكلام دا صح يبقي 100 جيجا تكفي لاستخدام جهاز واحد علي حسب الموقع دا والا دا كلام وخلاص http://www.tedata.net/eg/ar/Home-ADSL/Usage-Estimator

[سمسم الاهلاوي]

نصيحة اخي
مفيش حاجة اسمها غير محدود حتي لو انت مشترك قديم
اه هما بيقولوا باقات غير محدودة بس هما يقولوا اللي هما عايزينه

لو انت مشترك قديم فانت ليك تقريبا 300 جيجا حاول تنظم استهلاكك شوية علشان السرعة متنزلش عندك تاني

خليك فاكر " مفيش حاجة اسمها غير محدود" كله limited

[رجب ابو احمد]

الموضوع ده حصل معايه مرتين مع ان خطي مفتوح وقلولي المره اللي جايه هيتفصل الخط عنك وبعتولي مندوب يشوفني عامل شبكه طلع المندوب زميل اخي . الحل انك تعرف الصفحه بتعتك علي النت بتعرفك استهلاكك اليومي وبكده تظبط نفسك في الاستهلاك وربنا علي الظالم

[eslam 72]

اخى الكريم لا يوجد شىء اسمه الغير محدود عندما توصل الى 300 الى 350 يتم التحذير وبعدها يتم تخفيض السرعه الى 256 ولو كررت هذا لمه 3 مرات يتم ايقاف الخط حصل معايه اكثر من مره وده كلام موثوق منه وعلى فكره الشركه بقيت تابعه للمصريه للاتصال يعنى تبع الحكومه ومش هينفع تشكى الواد لابوه

حصل معايا الكلام دة علشان معايا ناس