مساعده من مشرفين مصراوى سات عايز اعمل شبكة نت بدون خطوط ارضيه

[sasanono]

السلام عليكم ورحمة الله وبركاته
مساعده من مشرفين ومهندسين مصراوى سات عايز اعمل شبكة نت بدون خطوط ارضيه لان الخطوط الارضيه عندى فى القريه الساكن بها شبه معدومه ولا يوجد انترنت فى القرية ومفيش خطوط ارضية مش عارف اعمل ايه علشان اوصل النت وايه المتطلبات الى هحتاجها فى عمل الشبكه والتكلفه كام وايه الشركه الى هتقدر تساعدنى على تقديم خدمة انترنت افضل وعلماً انا من ساكنى محافظة بنى سويف ولكم منى افضل تحية لمهندسين ومشرفين مصراوى سات واسف على اطالة الشرح . patch_lov-M-Dg

[ahmedmedooo]

وعليكم السلام ورحمة الله وبركاته

اولا : لو يوجد مكان يبعد عنك 5 كيلو او 8 كيلو ويوجد فيه خطوت ارضية وفيها نت
ممكن تعمل شبكة نت هوائى من البلد المجاورة للبلد التى تقيم فيها
والاجهزة موجوده لنقل الانترنت من نقطة الى نقطة من 5 كيلو الى 20 كيلو متر
ممكن حضرتك تحدد المسافة بالضبط ببرنامج جوجل ايرث وسوف تعرف المسافة بالضبط
وسعر الاجهزة حسب المسافة التى ترسل اليها النت
وفى انتظار الرد على اقرب قرية تبث منها النت ويوجد بها خطوط ارضية والمسافة
ومتابعين معاك ان شاء الله تعالى

[sasanono]

متشكر جداً ليك يا استاذ / احمد على سرعة الرد وانا حضرتك حددت المسافة بين وبين المحافظة الى يعتبر فيها الخطوط الارضية كويسه حوالى 11 كيلو متر بينى وبينها ياترى فى امل ولا مفيش معلش يا استاذ احمد هتقل عليك شويه جزاك الله خير

[ahmedmedooo]

معرفة العوائق وسرعة نقل البيانات وقوة الاشارة هنــــا[/URL]

ارسال الانترنت لمسافات تصل الى 20 كيلوv=hjnIL4ZRNzk"]هنـــــا[/URL]

[sasanono]

تمام يا استاذ احمد انا فهمت الفيديو التانى بس الاول معرفتش اعمل منه حاجه اعمل ايه هوه لازم اعمل زى الفيديو ولا فى طريقة اخرى والاجهزه دى تعمل كام واجيب كام خط واشترك فى شركة ايه هتعبك معايا يا استاذ احمد لانى لسه جديد فى مجال الشبكات ده يريت بعد اذنك شرح مبسط ليا ربنا يبارك فيك

[ahmedmedooo]

اولا : بالنسبة لشرح الفديو الاول ده بيعرفك اتجاهات شبكتك بالضبط وتسهيل لمعرفة
المسافات بالضبط والعوائق المرتفعة التى تقابل الاشارة لان الاشارة فى مستوى واحد بتكون افضل واقوى فى الاشارة وقوة ربط النت

ثانيا : عدد الخطوط المطلوبه حضرتك اللى بتحددها بعدد المشتركين معاك على الشبكة
كل 4 ميجا نت بيشيل عدد 32 عميل اون لاين فى وقت واحد
ثالثا : سعر الاجهزة المطلوبة بتختلف من مكان الى مكان يوجد ارقام تليفونات كثيرة على اليوت يوب ممكن حضرتك تتصل باكثر من بائع وتعرف الاسعار وتوصيل المنتج لحد مكان سكنك ولك الاختيار فى الشراء المهم دفع مصاريف الشحن والدفع عند الاستلام
او الذهاب الى اماكن البيع فى اى مول من مولات الكمبيوتر بيوجد محل متخصص فى الشبكات

ثالثا : سوف تحتاج الى جهازين جهاز ارسال وجهاز استقبال
وسوف تحتاج الى جهاز ثالث للتوزيع مثل البولت 2HP هاى بور + انتنة 15 دىبى او 18 دى بى دائرى تبث 360 درجه او انتنة توجيهى 180 مثل السيكتور المصرى ودى اقوى فى الاشارة لانها توجيهى
يارب نكون وفقت فى توصيل المعلومه لحضرتك
وبالتوفيق ان شاء الله تعالى

[sasanono]

تمام يا استاذ احمد بس حضرتك الجهاز الثالث ده لو هوزع النت هوائى صح ولا غلط ولو صح انا عايز اوزعه على المشتركين ارضى سلوك نت عاديه يعنى وحضرتك لو هشترك فى شركة نت ايه افضل شركة تقدم نت ثابت وسريع بارك الله فيك على عطائك الدائم يا استاذ احمد ولو جبت الاجهزه دى ياترى هعرف اركبها بمعرفتى ولا محتاجه متخصص

[ahmedmedooo]

ممكن تستقبل النت هوائى وأرضى بسلك بنظام ربيتر وسوتش
وافضل الشركات للنت التى تتعامل بنظام نت بلا حدود
وسعر 2 ميجا 220 جنيه مصرى ومن ضمن هذه الشركات تى اى داتا يوجد بها المحدود
واللامحدود كما تحب وتختار نظامك
وسرعة الداونلود ل 2 ميجا من 225 كيلو بايت فى الثانية الى 250 فى اوقات غير الزروة
أما بخصوص تركيب الاجهزة بيعتمد على معرفتك ببرمجة وتركيب الاجهزة كما فى الشروحات على اليوت يوب
واستخدامك لجوجل ايرث لتسهيل الاتجاهات والمرتفعات
واى استفسار او مساعدة نحن جميعا معك بإذن الله تعالى

[sasanono]

شكراً لك من أعماق قلبي على عطائك الدّائم، كلمات الثّناء لا توفيك حقك، شكراً لك على عطائك وبارك الله فيك وفى امثالك استاذ / احمد وشكراً لمصراوى سات التى استقطبت امثالك .

[ahmedmedooo]

الشكر لله وحده
أخى الكريم sasanono
وجزاك الله خير الجزاء على كلماتك الطيبه الكريمة
وإنما تدل على خلقك الكريم الطيب
وبالتوفيق إن شاء الله تعالى

[م.ربيع عيد]

الله ينور عليك اخي احمد
متابعه ممتازه
وبالتوفيق لصاحب الموضوع

[ahmedmedooo]

وعليك اخى ربيع
ومرور طيب وكريم
وبالتوفيق إن شاء الله تعالى للجميع